Diwali 2025: தீபாவளி நாளில் எங்கு தீபம் ஏற்ற வேண்டும் தெரியுமா?! லட்சுமி கடாட்சம் தரும் தீப ரகசியங்கள்!

தீபாவளி அன்று லட்சுமி தேவியின் அருள் பெற தீபம் ஏற்றுவது வழக்கம்.  இந்த நாளில் சரியான இடங்களில் தீபம் ஏற்றுவது வாழ்வில் செழிப்பையும் மகிழ்ச்சியையும் கொண்டு வரும்.

Image Credit : pinterest

செல்வ வளம் தரும் வழிபாடு

தீபாவளி என்பது இருளுக்கு எதிரான ஒளியின் வெற்றியை குறிக்கும் பண்டிகை. பாரம்பரியமாக கார்த்திகை மாத கிருஷ்ணபட்ச அமாவாசை அன்று கொண்டாடப்படும் இந்த நாள், லட்சுமி தேவி மற்றும் விநாயகரின் அருள் பெற ஒளி வழிபாடாகக் கருதப்படுகிறது. 2025 ஆம் ஆண்டில் தீபாவளி அக்டோபர் 20 அன்று கொண்டாடப்படுகிறது. இந்த நாள் வீட்டில் தீபம் ஏற்றுவதன் மூலம் செல்வ வளமும், சாந்தியும் காக்கப்படும் என்ற நம்பிக்கை தலைமுறைகளாக நிலைத்து வருகிறது. ஆனால் எங்கு தீபம் ஏற்றுவது முக்கியம்? தெரிந்து கொள்வோம்.

Image Credit : AI modified (Pinterest)

முற்றத்தில் தீபம் ஏன்?

முதலில், வீட்டின் முற்றத்தில் தீபம் ஏற்றுவது தவிர்க்க முடியாத வழக்கம். இது வீட்டில் புகுந்திருக்கும் எதிர்மறை சக்திகளை வெளியேற்றி, சூழலில் ஒளி மற்றும் ஆற்றலை பரப்புகிறது. அடுத்ததாக, முக்கிய வாசலில் தீபம் ஏற்றுவது லட்சுமி தேவியை வீட்டிற்குள் அழைக்கும் அழைப்பாகக் கருதப்படுகிறது. வாசலில் ஏற்றப்படும் இரண்டு தீபங்கள் “செல்வ வாயில்” திறக்கப்படுவதாக நம்பப்படுகிறது.

Image Credit : pinterest

சமையலறையில் தீபம்

சமையலறையில் தீபம் ஏற்றுவது அன்னபூரணி தேவியின் அருளைப் பெறும் வழி. இந்த நாளில் சமையலறையில் தீபம் ஏற்றினால், வேளாண்மை செழிக்கும், உணவுதட்டுப்பாடு வராது என்பது நம்பிக்கை. சுவையான ஆரோக்கிய உணவு எப்போதும் எல்லோருக்கும் கிடைக்கும் என்றும் ஆன்மிகவாதிகள் தெரிவித்துள்ளனர்.

Image Credit : unsplash

துளசி செடியருகில் தீபம்

துளசி செடியருகில் தீபம் ஏற்றுவது ஆன்மீக ரீதியில் மிக உயர்ந்தது. துளசி அம்மன் அருகில் ஏற்றப்படும் தீபம், லட்சுமி தேவியை மகிழ்விக்கும் என்றும், வீட்டில் மகிழ்ச்சி சந்தோஷம் ஆரோக்கியம் ஆகியவை நிலைக்கும் என்றும் நம்பப்படுகிறது.

Image Credit : unsplash

தீபாவளி தீபம் எனும் தெய்வ அருள்

தீபாவளி தீபம் என்பது வெறும் தீப்பந்தம் அல்ல. அது நம்பிக்கை, நல்வாழ்வு, நிதானம் ஆகியவற்றின் அடையாளம். இந்த ஆண்டு தீபாவளியில், வீட்டின் சரியான இடங்களில் தீபம் ஏற்றி, வாழ்வில் செழிப்பு, மகிழ்ச்சி, அமைதி ஆகிய அனைத்தையும் வரவேற்போம். ஒளி பரப்பும் வீடு, வளம் பரக்கும் வாழ்வு எனும் உவமையை உணர்த்தும் பண்டிகைதான் தீபாவளி.