சர்ப்ப தோஷம் : தடைகளை தகர்த்தெறியும் சக்தி வாய்ந்த மந்திரம்!

செய்யும் செயல்கள் அனைத்தும் தடைபடக் காரணமாண ராகு கேது தோஷத்தினை கட்டுப்படுத்தும் சிறிய சக்தி வாய்ந்த மந்திரத்தை தான் இந்த பதிவில் காண உள்ளோம்.

நம்மில் பலரும் பல முயற்சிகள் செய்து ஒரு விஷயத்தை ஆரம்பித்து ஏதோ ஒரு காரணத்தினால் காரியம் பாதியில் நின்று விடும் அல்லது முடிக்கும் தருணத்தில் தடை படும். உதாரணமாக வேலை முயற்சியில் தடங்கல், திருமணத் தடங்கல், புத்திரத் தடங்கல், சொந்த வீடு கட்ட தடங்கல் அல்லது வியாபாரம் ஆரம்பிப்பதில் தடங்கல் என்று சொல்லி கொண்டே போகலாம்.

இம்மாதிரியான பல விஷயங்களில் ஈடுபடும் போது காரணமே இல்லாமல் அந்த விஷயங்கள் முழமையாக நடைபெறாமல் தடை பட்டுக் கொண்டே செல்லும். இதற்கு முக்கிய காரணம் சர்ப்ப தோஷம் என்றழைக்கப்படும் ராகு கேது தோஷம் தான்.

செய்யும் செயல்கள் அனைத்தும் தடைபடக் காரணமான ராகு கேது தோஷத் தை கட்டுப்படுத்த உதவும் சிறிய சக்தி வாய்ந்த மந்திரத்தை தான் இந்த பதிவில் காண உள்ளோம்.

ஜோதிட ரீதியாக சர்ப்ப தோஷம் என்பது மிக முக்கியமான ஒரு தோஷம். ராகு கேது எந்த இடத்தில், எந்த கிரகங்களுடன் உள்ளதோ அந்த கிரகங்களை தன் வசம் செய்து விடும் ஆற்றல் பெற்ற கிரகங்கள் ஆகும். ராசி அதிபதியை, நட்சித்திர அதிபதியை என அனைத்தையும் தன் வசம் செய்து கொள்ளும். மேலும் தன்னை பார்க்கும் கிரகங்களையும் தன் வசம் செய்து விடும் வல்லமை பெற்றது தான் இவ்விரு கிரகங்களும்.

இதனால் யதார்த்தமாக நம்முடைய தினசரி வாழ்வில் நடக்க வேண்டிய பல விஷயங்களில் பிரச்சனைகளை தரக்கூடியது. பல்வேறு முயற்சிகள் செய்தும் என்னால் இதை முடிக்க இயலவில்லை என்று பலர் சொல்லி கேட்டு இருப்பீர்கள். இதற்கு மிக முக்கிய காரணம் அவர்களின் ஜாதகத்தில் ராகு கேது தோஷம் இருக்கலாம்.

ராகு கேதுவினுடைய பல்வேறு தோஷங்களில் இருந்து தீருவதற்கு அல்லது தற்காத்துக் கொள்வதற்கு ஒரு சிறிய மந்திரம் அதே நேரத்தில் மிகவும் சக்தி வாய்ந்த மந்திரம். அதாவது மூர்த்தி சிறியது என்றாலும் கீர்த்தி பெரிது என்ற பழமொழிக்கு ஏற்ப இந்த மந்திரம் அனைத்து விதமான விஷயங்களுக்கும் சக்ஸஸ் கொடுக்கக் கூடியதாகும் .

இந்த மந்திரம் நம்மிடம் உள்ள எதிர்மறையான விஷயங்களை போக்கி விடும். மேலும் ராகு தோஷத்தை நிவர்த்தி செய்யக்கூடிய ஒரு அற்புதமான மந்திரம் என்றும் கூறலாம். எப்போதும் அம்பாளின் சக்தி இருந்தால் எந்த காரியத்திலும் நாம் வெற்றி பெறலாம்.அம்பாள் தான் சக்தி ஸ்வரூபம். அம்பிகை தான் சக்தி ரூபம் என்று சொல்லுவார்கள்.

இன்றும் நாம் அங்காள பரமேஸ்வரி, சமயபுரம் மாரியம்மன் போன்ற பல்வேறு தெய்வங்களுக்கு மேல் சர்ப்பம் (பாம்பு) இருப்பதை பார்த்து இருப்போம். இந்த சர்பத்தை தன் வசம் செய்து கொள்ளும் சக்தி அம்பாளுக்கு உண்டு. மாரியம்மன் கோவிலில் உடுக்கை இருக்கும், உடுக்கையின் மேல் சர்ப்பம் இருப்பதை நாம் காணலாம்.

ஆக மாரியம்மன் போன்ற பெண் தெய்வங்கள் ராகு கேதுவினை தன் வசம் செய்து கொள்ளும் சக்தி இருப்பதால், நாம் அம்மனுக்கு உண்டான மந்திரத்தை கூறி இந்த ராகு கேது தோஷங்களால் ஏற்படும் விளைவுகளை கட்டுப்படுத்தலாம்.

இதோ அந்த சிறிய சக்தி வாய்ந்த மந்திரம்:

"ஓம் காகினி நாக நர்த்தகி"

இந்த மந்திரம் நாக குண்டலினி சக்தியாகவும் சொல்லப்படுகிறது. அதோடு நமக்குள் இருக்கின்ற சக்தியை பெருக்கி கொள்வதற்காகவும் சொல்லபடுகிறது. மேலும் நம்மிடம் உள்ள நெகட்டிவிட்டியை போக்கவும், ராகு கேது தோஷங்கள் கட்டுப்படுத்தவும் இந்த மந்திரம் பயனுள்ளதாக இருக்கிறது

இந்த மந்திரத்தை சொல்லி கொண்டே வாருங்கள், மிகப் பெரிய மாற்றத்தை கொடுக்கும் தினமும் 21, 51 அல்லது 108 முறை சொல்லி வர உங்கள் வாழ்வில் மிகப்பெரியதொரு மாற்றத்தை நீங்கள் உணரலாம்.

தினமும் அம்பாளுக்கு சிறிது பூ வைத்து தீப, தூப ஆராதனைகள் செய்து இந்த மந்திரத்தை எத்தனை முறை சொல்ல இயலுமோ சொல்லி வாருங்கள். அம்பாளின் அனுகிரஹத்தால் ராகு கேது தோஷங்களில் இருந்து விடுபட்டு வாழ்வில் முன்னேறுங்கள்.