- Home
- Spiritual
- Spiritual: பொழுது சாய்ந்த பிறகு இந்த 5 பொருட்களை பிறருக்கு கொடுக்காதீங்க.! வீட்டில் செல்வ இழப்பு ஏற்படும்.!
Spiritual: பொழுது சாய்ந்த பிறகு இந்த 5 பொருட்களை பிறருக்கு கொடுக்காதீங்க.! வீட்டில் செல்வ இழப்பு ஏற்படும்.!
வாஸ்து ஜோதிட சாஸ்திரத்தில் சாயங்கால நேரம் மிகவும் முக்கியமானது. அந்த நேரத்தில் செய்யும் செயல்கள் வீட்டின் செல்வத்தை நேரடியாகப் பாதிக்கும். அதனால் சாயங்காலம் சில வேலைகளைச் செய்யக்கூடாது. சில பொருட்களைத் தானமாகக் கொடுக்கக்கூடாது.
பால்
மாலை 5 மணிக்கு மேல் யார் கேட்டாலும் பால் தானம் செய்யவோ அல்லது கொடுக்கவோ கூடாது. பாலுக்கு சந்திரனுடன் தொடர்பு உள்ளது. சந்திரனின் அடையாளமாக பால் கருதப்படுகிறது. அமைதிக்கும், நலனுக்கும் காரணமாகும் பால். அந்தி சாய்ந்த பின்னர் யாருக்காவது பால் தானமாகவோ அல்லது கடனாகவோ கொடுப்பது வீட்டின் நேர்மறை ஆற்றலைக் குறைக்கும். இதனால் நிதி நெருக்கடிகள் வரலாம். பால் தானம் செய்ய வேண்டுமென்றால் காலையில் மட்டும் செய்யுங்கள். இல்லையெனில் வீட்டில் செல்வம் குறைய வாய்ப்புள்ளது.
தயிர்
ஒவ்வொரு வீட்டிலும் தயிர் இருப்பது இயல்பு. சாயங்காலம் யாராவது வந்து கொஞ்சம் தயிர் கொடுங்கள் என்றால் பக்கத்து வீட்டுக்காரர்களுக்கோ, எதிர்த்த வீட்டுக்காரர்களுக்கோ நிறைய பேர் கொடுத்துவிடுவார்கள். ஆனால் ஜோதிடத்தின்படி, சாயங்காலம் 5 மணிக்கு மேல் தயிரை யாருக்கும் தானம் செய்யக்கூடாது. இது சுக்கிரனுடன் தொடர்புடையது. சாயங்காலம் தயிர் தானம் கொடுப்பது பண இழப்புக்கு வழிவகுக்கும். குடும்பத்தில் மகிழ்ச்சியும் குறையக்கூடும். தயிர் தானம் செய்ய விரும்பினால் காலையிலோ அல்லது மதியத்திலோ மட்டும் செய்யுங்கள். சாயங்காலம் யாருக்கும் கொடுக்காதீர்கள்.
உப்பு
வீட்டில் உப்பு திடீரென்று தீர்ந்துபோனால் பக்கத்து வீட்டில் கேட்பது இயல்பு. அப்படி உங்கள் பக்கத்து வீட்டுக்காரர்கள் கேட்டவுடன் உப்பைக் கொடுத்துவிடாதீர்கள். சாயங்காலம் உப்பு கொடுப்பது அல்லது தானம் செய்வது வீட்டிற்கு எதிர்மறை ஆற்றலை வரவழைப்பதாகும். உப்புக்கு சனி, ராகு கிரகங்களுடன் தொடர்பு உள்ளது. சாயங்காலம் 5 மணிக்கு மேல் உப்பை யாருக்காவது கொடுத்தால் நிதி சிக்கல்கள் வரலாம். எனவே பகலில் மட்டும் உப்பைத் தானமாகக் கொடுங்கள்.
சர்க்கரை
சர்க்கரைக்கு சுக்கிரனுடன் தொடர்பு உள்ளது. சுக்கிரன் வீட்டில் மகிழ்ச்சியையும், நலனையும் தருகிறார். சர்க்கரை வீட்டில் இருப்பதும் மகிழ்ச்சியைத் தரும். சாயங்காலம் கழித்து சர்க்கரையை யாருக்காவது கொடுப்பது பண இழப்பு அல்லது திருமண வாழ்க்கையில் பிரச்சினைகளை ஏற்படுத்தும். சர்க்கரை தானம் சூரிய அஸ்தமனத்திற்கு முன்பு மட்டுமே செய்ய வேண்டும். சூரிய அஸ்தமனத்திற்குப் பிறகு யாருக்கும் சர்க்கரையைத் தானமாகவோ அல்லது இலவசமாகவோ கொடுக்காதீர்கள்.
மஞ்சள்
குருவுக்கும் மஞ்சளுக்கும் தொடர்பு உள்ளது. குரு பலமாக இருந்தால் அந்த நபர் ஆரோக்கியமாகவும், மகிழ்ச்சியாகவும் வாழ்வார். எனவே சாயங்காலம் கழித்து மஞ்சளை யாருக்கும் தானம் செய்யாதீர்கள். இது வீட்டின் செல்வத்தையும், வீட்டில் உள்ளவர்களின் ஆரோக்கியத்தையும் பாதிக்கும். மஞ்சளை யாருக்கும் இலவசமாகக் கொடுப்பது நல்லதல்ல. எனவே மேலே குறிப்பிட்ட ஐந்து பொருட்களையும் சாயங்காலம் கழித்து யாருக்கும் கொடுக்காதீர்கள்.
