- Home
- Cinema
- கருத்து
- KudikaraNenju: துருவ் விக்ரம் குரலில் ‘குடிகார நெஞ்சு’.. ‘ஹாய்’ படத்திற்கு ஏறும் ஹைப்
KudikaraNenju: துருவ் விக்ரம் குரலில் ‘குடிகார நெஞ்சு’.. ‘ஹாய்’ படத்திற்கு ஏறும் ஹைப்
Dhruv Vikram: நடிகர் கவின் மற்றும் நயந்தாரா நடித்துள்ள ‘ஹாய்’ திரைப்படம் வரும் 28-ஆம் தேதி வெளியாக உள்ளது. இப்படத்தில் நடிகர் துருவ் விக்ரம் தனது குரலில் பாடியுள்ள ‘குடிகார நெஞ்சு’ பாடல் வெளியாகி ரசிகர்கள் மத்தியில் மிகுந்த வரவேற்பை பெற்றுள்ளது.
கவின் - நயன்தாராவின் ‘ஹாய்’
பிக் பாஸ் நிகழ்ச்சி மூலம் தமிழ் ரசிகர்கள் மத்தியில் பிரபலமான கவின், தற்போது சினிமாவில் தனக்கென தனி இடத்தை உருவாக்கி வருகிறார். வித்தியாசமான கதைகளைத் தேர்வு செய்து நடித்து வரும் அவர், முதன்முறையாக நயன்தாராவுடன் இணைந்து நடித்துள்ள திரைப்படம் ‘ஹாய்’. இப்படம் வரும் 28-ஆம் தேதி திரையரங்குகளில் வெளியாக உள்ள நிலையில், படத்தின் மீதான எதிர்பார்ப்பு நாளுக்கு நாள் அதிகரித்து வருகிறது.
நட்சத்திர பட்டாளத்துடன் களமிறங்கும் ‘ஹாய்’
அறிமுக இயக்குநர் விஷ்ணு எடவன் இயக்கியுள்ள ‘ஹாய்’ படத்தில் கவின், நயன்தாரா, ராதிகா சரத்குமார், பிரபு, விடிவி கணேஷ் உள்ளிட்ட பலர் முக்கிய கதாபாத்திரங்களில் நடித்துள்ளனர். 7 ஸ்கிரீன் ஸ்டுடியோஸ் நிறுவனத்துடன் இணைந்து விக்னேஷ் சிவன் மற்றும் நயன்தாரா இப்படத்தைத் தயாரித்துள்ளனர். ஜென் மார்ட்டின் இப்படத்திற்கு இசையமைத்துள்ளார்.
துருவ் விக்ரம் குரலில் காதல் வலி
‘குடிகார நெஞ்சு’ பாடல் வெளியீடு
திரைப்படத்தின் வெளியீடு நெருங்கி வரும் நிலையில், படக்குழு அடுத்தடுத்து பாடல்கள் மற்றும் புரமோஷன் அப்டேட்களை வெளியிட்டு ரசிகர்களை உற்சாகப்படுத்தி வருகிறது. அந்த வரிசையில் தற்போது ‘குடிகார நெஞ்சு’ பாடல் வெளியாகி சமூக வலைதளங்களில் கவனம் பெற்றுள்ளது.
இந்தப் பாடலின் மிகப்பெரிய ஸ்பெஷல் என்னவென்றால், நடிகர் துருவ் விக்ரம் தனது குரலில் பாடியிருப்பதுதான். காதல் தோல்வி மற்றும் மனதின் வலியை மையமாகக் கொண்ட பாடலாக உருவாகியுள்ள ‘குடிகார நெஞ்சு’, துருவ் விக்ரமின் தனித்துவமான குரலால் மேலும் உணர்வுப்பூர்வமாக அமைந்துள்ளதாக ரசிகர்கள் கருத்து தெரிவித்து வருகின்றனர்.
‘ஹாய்’ படத்திற்கு கூடுதல் ஹைப்
இந்தப் பாடலின் வரிகளை இயக்குநர் விஷ்ணு எடவன் எழுதியுள்ளார். நடிகராக மட்டுமல்லாமல், தனது குரல் மூலம் பாடல்களிலும் தனித்த அடையாளத்தை உருவாக்கி வரும் துருவ் விக்ரம், இந்தப் பாடலின் மூலம் மீண்டும் ரசிகர்களைக் கவர்ந்துள்ளார். இந்தப் பாடல் ‘ஹாய்’ படத்திற்கு கூடுதல் ஹைப்பை கொடுத்துள்ளதாக ரசிகர்கள் மத்தியில் எதிர்பார்ப்பு உருவாகியுள்ளது.
ரசிகர்களை கவர்ந்த பாடல்கள்
இதற்கு முன்பு ‘ஹாய்’ படத்தில் இருந்து வெளியான ‘கண்ணக்குழியா’, ‘ரசகுல்லா’, ‘பச்ச புள்ள’ உள்ளிட்ட பாடல்களும் ரசிகர்களின் கவனத்தைப் பெற்ற நிலையில், தற்போது ‘குடிகார நெஞ்சு’ பாடலும் அந்தப் பட்டியலில் இணைந்துள்ளது.
