திமுக கூட்டணிக்குள் விஜய் வைத்த வேட்டு..! இருதலைக் கொல்லியான காங்கிரஸ்..! மு.க.ஸ்டாலின் பகீர் முடிவு..!

திமுகவிடம் 40 தொகுதிகளை கேட்காமலேயே கேட்டதாக காங்கிரஸ் கட்சியினரே தகவல் பரப்புவதால் மு.க.ஸ்டாலின் கதர் சட்டைகள் மீது கோபமாக இருப்பதாகவும் இந்த முறை 20 தொகுதிக்கு மேல் கொடுப்பது கஷ்டம் என்கிறார்கள் அறிவாலய வட்டாரத்தினர். 

Image Credit : Asianet News

தமிழக சட்டமன்றத் தேர்தல் 2026-ஐ முன்னிட்டு, ஆளும் திமுக தலைமையிலான மதச்சார்பற்ற முற்போக்கு கூட்டணியில் காங்கிரஸ் கட்சியின் தொகுதி எண்ணிக்கை குறைக்கப்படலாம் என்று அரசியல் வட்டாரங்களில் விவாதம் நடந்து வருகிறது. இதற்கிடையில், காங்கிரஸ் அதிக தொகுதிகளை கோரி பேச்சுவார்த்தைகளைத் தொடங்கியுள்ளது. திமுகவுடன் தொகுதி பங்கீடு பற்றி பேச முதல்முறையாக காங்கிரஸ் கட்சியைச் சேர்ந்த ஐவர் குழு திமுக தலைவர் மு.க.ஸ்டாலினை சந்தித்துப் பேசி இருக்கிறார்கள். ஆனால் காங்கிரஸ், திமுகவிடம் 40 தொகுதி கேட்டிருப்பதாக காங்கிரஸ் தரப்பிலிருந்து தகவல் பரப்பப்பட்டது. இதைக் கேள்விப்பட்ட திமுக காங்கிரஸ் மீது கோபத்தில் இருப்பதாகக் கூறப்படுகிறது.

Image Credit : x

2021 சட்டமன்றத் தேர்தலில் திமுக 173 தொகுதிகளில் போட்டியிட்டு 133 தொகுதிகளில் வென்று பெரும்பான்மை பெற்றது. காங்கிரஸ் 25 தொகுதிகளில் 18 வெற்றிகளைப் பெற்றது. தமிழக காங்கிரஸ் தலைவர் செல்வபெருந்தகை, "2026-ல் திமுக கூட்டணியில் அதிக தொகுதிகளை கோருவோம்" என கடந்த பல மாதங்களாகவே கூறி வருகிறார். இந்நிலையில் இன்று காங்கிரஸ் ஐவர் குழுவை அமைத்து முதலமைச்சர் மு.க. ஸ்டாலினுடன் சந்தித்து, 3 முக்கிய நிபந்தனைகளை முன்வைத்துள்ளது. அப்போது காங்கிரஸ் கட்சியின் ஐவர் குழு வலிமையான 39 தொகுதிகளை ஒதுக்கீடு செய்ய வேண்டும் எனக் கேட்டதாக அவர்களே தகவல்களை பரப்பி வருகிறார்கள். ஆனால், இந்தச் சந்திப்பில் திமுக

எத்தனை தொகுதிகள் கொடுக்க உள்ளோம் என்பது பற்றி பேசவே இல்லை என்கிறார்கள். அத்தோடு தொகுதி பங்கீடு குறித்த ஒப்பந்தம் இம்மாதாம் 20ம் தேதிக்குள் முடிவு செய்யப்பட வேண்டும் என காங்கிரஸ் தரப்பில் கேட்டுக் கொள்ளப்பட்டதாகவும் கூறப்படுகிறது.

Image Credit : our own

திமுக இந்த முறை தனித்து 200 தொகுதிகளை வெல்ல விரும்புவதால், கூட்டணியினருக்கு குறைந்த தொகுதிகளை ஒதுக்க விரும்புகிறது. காங்கிரஸுக்கு 20-க்கும் குறைவாக 15 முதல் 18 தொகுதிகளை ஒதுக்க திட்டமிடப்பட்டுள்ளதாக அறிவாலய வட்டார்த்தினர் கூறுகின்றனர். திமுக தனி குழுவை அமைத்து பேச்சுவார்த்தை நடத்தும் என்று அறிவித்துள்ளது. இதனால், திமுக- காங்கிரஸ் இடையே கூட்டணியில் இழுபறி நிலவலாம் என கூறப்படுகிறது. திமுக-வின் கூட்டணியில் பிற கட்சிகளும் அதிக தொகுதிகளை கேட்டு வருகின்றன.

2011 சட்டமன்றத் தேர்தலில் 80 தொகுதிகளை கேட்டு, 63 தொகுதிகளை வாங்கிய காங்கிரஸ், 2016ல் 60 தொகுதிகளை கேட்டு 40 தொகுதிகளை பெற்றது. 2021 தேர்தலில் 50 தொகுதிகளை கேட்க 25 தொகுதிகளை திமுக ஒதுக்கியது. 2026 சட்டமன்றத் தேர்தலில் காங்கிரஸ் எத்தனை தொகுதிகளை கேட்டாலும் 15 தொகுதிகளில் ஆரம்பித்து 18 தொகுதிகள் வரை மட்டுமே திமுக கொடுக்க வாய்ப்பு இருப்பதாக கூறப்படுகிறது. 2011 -ல் இருந்து திமுக, காங்கிரஸிற்கு கொடுக்கப்படுகிற தொகுதிகள் படிப்படியாக குறைந்து வருகிறது. 2026-ல் நன்றாகவே குறையும் என்கிறார்கள்.

Image Credit : Asianet News

திமுகவின் இந்த முடிவுக்கு காரணம், புதிதாக ஆரம்பிக்கப்பட்டு வலுவாக களமிறங்கும் விஜய் தலைமையிலான தவெக, திமுகவின் வாக்குகளை பிரிக்கலாம் என்ற அச்சம் எனக் கூறப்படுகிறது. விஜய் கட்சி தனித்துப்போட்டியிட்டால் திமுகவின் வாக்கு வங்கிகளை 10 முதல் 15 சதவிகிதம் வரை பிரிக்கலாம் என்கிற அச்சம் முதல்வர் மு.க.ஸ்டாலினுக்கு எழுந்துள்ளது என்கிறார்கள்.