- Home
- Politics
- TVK Vijay: கோயில், மசூதிக்கு போனதுல தப்பில்லையாம்.! சர்ச்சுக்கு போனது தப்பாம்.! இப்படி பண்றீங்களேப்பா.!
TVK Vijay: கோயில், மசூதிக்கு போனதுல தப்பில்லையாம்.! சர்ச்சுக்கு போனது தப்பாம்.! இப்படி பண்றீங்களேப்பா.!
தவெக தலைவர் விஜய், திருச்சி தேர்தல் பிரச்சாரத்தின் போது தேவாலயம், கோவில், மற்றும் பள்ளிவாசலுக்குச் சென்றார். ஆனால், தேவாலயத்தில் மட்டும் கட்சிச் சின்னம் பொறித்த துண்டை அணிந்திருந்தது, இது தேர்தல் விதிமீறலா என்ற பெரிய விவாதத்தை கிளப்பியுள்ளது.
என்ன செஞ்சாலும் ஏதாச்சும் சொன்னா எப்படி?
திருச்சி கிழக்கு தொகுதியில் நடைபெற்ற சமீபத்திய தேர்தல் பிரச்சாரம், அரசியல் மட்டுமல்லாமல் மதநல்லிணக்கம், தேர்தல் விதிமுறைகள் ஆகியவற்றைச் சுற்றியும் பெரிய விவாதத்தை கிளப்பியுள்ளது. தவெக தலைவர் விஜய் ஒரே நாளில் தேவாலயம், அம்மன் கோவில், பள்ளிவாசல் என மூன்று மத வழிபாட்டுத் தலங்களிலும் சென்று வழிபாடு செய்தது ஆரம்பத்தில் “ஒற்றுமையின் சின்னம்” என பாராட்டப்பட்டது.
மண்டியிட்டு பிர்ர்த்தனை செய்த விஜய்.!
வயர்லெஸ் சாலையில் உள்ள புனித அந்தோணியார் தேவாலயத்தில் மண்டியிட்டு பிரார்த்தனை செய்ததும், பச்சநாச்சி அம்மன் கோவிலில் விழுந்து வணங்கியதும், பள்ளிவாசலில் தொழுகை செய்ததும்—மத எல்லைகளை கடக்கும் அரசியல் அணுகுமுறையாக பலரால் பார்க்கப்பட்டது. குறிப்பாக, பல்வேறு சமுதாய மக்களிடமும் ஆதரவைப் பெறும் முயற்சியாக இது கருதப்பட்டது.
துண்டை வைத்து அரசியில் செய்யும் எதிர்க்கட்சிகள்.!
ஆனால், இதே நிகழ்வு சில மணி நேரங்களிலேயே சர்ச்சையாக மாறியது. காரணம், தேவாலயத்திற்குள் விஜய் சென்றபோது அவரது கழுத்தில் இருந்த கட்சிச் சின்னம் கொண்ட துண்டு. கோவில் மற்றும் பள்ளிவாசலில் அவர் எந்த அரசியல் அடையாளமும் இல்லாமல் சென்றதாக கூறப்படும் நிலையில், தேவாலயத்தில் மட்டும் அந்த அடையாளம் தென்பட்டது என்பதே விமர்சனங்களுக்கு வழிவகுத்தது.
தேவாலயத்தில் கட்சித் துண்டுடன் இருந்தது விதிமீறலா?
இதுதான் தற்போது சமூக வலைதளங்களில் பெரிய கேள்வியாக மாறியுள்ளது: “கோவில், மசூதிக்கு போனது சரி… ஆனால் சர்ச்சில் மட்டும் தவறா?”
தேர்தல் ஆணைய விதிகளின்படி, வழிபாட்டுத் தலங்களில் அரசியல் பிரச்சாரம் அல்லது கட்சிச் சின்னங்களின் வெளிப்பாடு தவிர்க்கப்பட வேண்டும். இதனால், விஜய் தேவாலயத்தில் கட்சித் துண்டுடன் இருந்தது விதிமீறலா என்ற கேள்வி எழுந்துள்ளது. சிலர் இதை பெரிய தவறாகக் கூறி நடவடிக்கை கோர, மற்றவர்கள் இது வெறும் கவனக்குறைவாக இருக்கலாம் என சமரசமாகப் பார்க்கிறார்கள்.
தேவையில்லாமல் பெரிதாக்கப்பட்ட சர்ச்சையா?
இதில் கவனிக்க வேண்டியது—விஜயின் மூன்று இடங்களிலும் சென்ற செயல் அல்ல, ஒரே இடத்தில் ஏற்பட்ட இந்த “சின்ன மேட்டர்” தான் இவ்வளவு பெரிய விவாதமாக மாறியுள்ளது. அரசியல் உலகில் சில நேரங்களில் சிறிய விஷயங்களே பெரிய தாக்கத்தை ஏற்படுத்தும் என்பதற்கு இதுவே உதாரணம். மொத்தத்தில், இந்த சம்பவம் இரண்டு விஷயங்களை நினைவூட்டுகிறது: ஒருபுறம் மதநல்லிணக்கத்தை வெளிப்படுத்தும் முயற்சி, மறுபுறம் தேர்தல் விதிகளை கடைபிடிக்கும் அவசியம்.இப்போது கேள்வி என்னவென்றால்— இது உண்மையில் விதிமீறலா? அல்லது தேவையில்லாமல் பெரிதாக்கப்பட்ட சர்ச்சையா? அதற்கான பதிலை மக்கள் மற்றும் தேர்தல் ஆணையமே தீர்மானிக்க வேண்டும்.
