MK Stalin : டுவிட்டர் டிரெண்டிங்கில் முதலிடம்... இந்திய அளவில் கெத்து காட்டும் மு.க.ஸ்டாலின்

தமிழக முதல்வர் மு.க.ஸ்டாலின் இன்று தனது 70-வது பிறந்தநாளை கொண்டாடி வருகிறார். அவரது பிறந்தநாள் விழா இன்று தமிழகமெங்கும் சிறப்பாக நடைபெற்று வருகிறது. ஏராளமான இடங்களில் திமுகவினர் பல்வேறு நலத்திட்ட உதவிகள் வழங்கியும், இனிப்புகளை கொடுத்தும் முதல்வர் மு.க.ஸ்டாலினின் பிறந்தநாளை தடபுடலாக கொண்டாடி வருகின்றனர்.

தனது 70-வது பிறந்தநாளையொட்டி இன்று காலை தந்தை பெரியாரின் நினைவிடத்தில் மலர்தூவி மரியாதை செலுத்திய ஸ்டாலின், அடுத்ததாக சென்னை மெரினா கடற்கரையில் உள்ள பேரறிஞர் அண்ணா மற்றும் முன்னாள் முதல்வர் கருணாநிதி ஆகியோரின் நினைவிடங்களில் மரியாதை செலுத்தினார். அப்போது தமிழக அமைச்சர்களும், திமுக நிர்வாகிகளும் உடன் இருந்தனர்.

இதையும் படியுங்கள்... இலவச பேருந்து முதல் புதுமைப்பெண் திட்டம் வரை.. பெண்களுக்கு முதல்வர் மு.க ஸ்டாலின் அரசு செய்த சாதனைகள் !!

முதல்வர் மு.க.ஸ்டாலினின் பிறந்தநாளான இன்று சென்னை ஒய்.எம்.சி.ஏ மைதானத்தில் பிரம்மாண்ட விழா ஒன்று ஏற்பாடு செய்யப்பட்டு இருக்கிறது. இன்று மாலை 5 மணிக்கு நடைபெற உள்ள அந்த விழாவில் மல்லிகார்ஜுன கார்கே, பரூக் அப்துல்லா, அகிலேஷ் யாதவ், தேஜஸ்வி யாதவ் என அகில இந்திய அளவில் இருந்து பல்வேறு அரசியல் கட்சி தலைவர்கள் கலந்துகொள்ள உள்ளனர்.

இப்படி முதல்வர் மு.க.ஸ்டாலினின் பிறந்தநாள் விழா தமிழகமெங்கும் களைகட்டியுள்ள நிலையில், சோசியல் மீடியாவில் அவருக்கு வாழ்த்து மழை குவிந்து வருகிறது. பல்வேறு அரசியல் தலைவர்களும், சினிமா பிரபலங்களும் முதல்வர் மு.க.ஸ்டாலினுக்கு வாழ்த்துக்களை தெரிவித்து வருவதால், டுவிட்டரில் #HBDMKStalin70 என்கிற ஹேஷ்டேக் இந்திய அளவில் டிரெண்டாகி வருகிறது.

இதையும் படியுங்கள்...  தந்தையை மிஞ்சிய மகன்.. மாற்றுத் திறனாளிகள் & திருநங்கைக்களுக்கு நலத்திட்டங்களை வாரி வழங்கிய முதல்வர் ஸ்டாலின்