தனித்து போட்டியிட முடியுமா.? என்னை எதிர்த்து ஒரு ஓட்டு அதிகமாக வாங்க முடியுமா? அண்ணாமலைக்கு சவால் விட்ட சீமான்

மோடியை எதிர்த்து சீமான் போட்டி

பிரதமர் மோடி ராமநாதபுரத்தில் போட்டியிட்டால் அவரை எதிர்த்து நான் போட்டியிட இருப்பதாக நாம் தமிழர் கட்சி ஒருங்கிணைப்பாளர் சீமான் தெரிவித்திருந்தார். இது தொடர்பாக கோவையில் செய்தியாளர்களின் கேள்விக்கு பதில் அளித்த அண்ணாமலை, சீமான் எங்கு வேண்டுமானாலும் போட்டியிட்டு கொள்ளட்டும் அவர் போட்டியிட்டு தோற்க தானே போகிறார். ஜெயிக்க மாட்டோம் என்று தெரிந்த பிறகு எங்கு போட்டியிட்டால் என்ன?

திமுகவில் அதிகமான ஊழல்வாதிகள் இருக்கிறார்களே அவர்களை எதிர்த்து சீமான் போட்டியிடட்டுமே,  பிரதமர் என்ன ஊழல் செய்தார்?. சீமான் திமுகவினரை எதிர்த்து வெற்றி பெற வேண்டுமே தவிர நல்லது செய்ய வேண்டும் என்று எதிர்பார்க்கின்ற மோடியை எதிர்த்து எதற்கு போட்டியிட வேண்டும்? என அண்ணாமலை கேள்வி எழுப்பினார்.
 

நேரடியாக மோத தயாரா.?

இதற்கு நாம் தமிழர் கட்சி ஒருங்கிணைப்பாளர் சீமான் பதிலடி கொடுத்தார். அவர் பேசும் போது, நான் எங்கே நின்றாலும் தோற்று விடுவேன், தம்பி அண்ணாமலை எங்கே நின்றாலும் வெற்றி பெற்று விடுவாரா.? இல்லை பாஜக தான் வெற்றி பெறுமா.? நான்தான் சிங்கம் போல துணிவா தனித்து தேர்தலில் நிற்கிறேன்.

தனியா நிற்பேன் என்னுடன் யார் வேண்டுமென்றாலும் மோதுங்கள் என கூறுவேன். பத்தாண்டுகளாக தொடர்ந்து நாட்டை ஆண்டு விட்டீர்கள் பெரிய கட்சி என்று கூறுகிறீர்கள். வாருங்கள் தமிழ்நாட்டில் தேர்தலில் நேரடியாக மோதி பார்ப்போம். நான் வாங்குற ஓட்டை விட ஒரு ஓட்டு கூட வாங்கி காட்டுங்கள் அல்லது ஒரு சதவீத ஓட்டுகளை கூடுதலாக வாங்கி காட்ட முடியுமா.?

 எடப்பாடி வீட்டிற்கு நடையா நடக்கனும்

இதற்குத் தேவையில்லாத இந்த வெட்டி பேச்சு, நடையா நடந்து எங்கள் அண்ணன் எடப்பாடி பழனிச்சாமி வீட்டில் தான் போய் நிற்கப் போகிறீர்கள். அவருக்கு முதுகு பின்னாடி நிற்பீர்களா ஒரு அடி முன்னாடி வந்து நிற்பீர்களா? நாடாளுமன்றத் தேர்தலில் 40 இடங்களில் நான் போட்டியிடுவேன் நீங்கள் எத்தனை இடத்தில் போட்டியிடுவீர்கள்.

அதிகபட்சம் போட்டியிட்டால் 7 இல்லை என்றால் 8  அதுவும் எடப்பாடி பழனிச்சாமி வீட்டிற்கு நடையா நடந்து கெஞ்சி வாங்க வேண்டும். அதுவும் அவர் கொடுப்பாரா என்பதை யோசிக்க வேண்டும். பாஜகவிற்கு தமிழகத்தில் ஒதுக்கு இடம் எல்லாம் வேஸ்ட் தான். இது எடப்பாடி பழனிச்சாமிக்கு பெரிய பின்னடைவை கொடுக்கும் என சீமான் தெரிவித்துள்ளார். 

இதையும் படியுங்கள்

சீமான் எங்க போட்டியிட்டாலும் தோக்க தானே போறாரு... போற போக்கில் ஸ்டாலினுக்கு பதிலடி கொடுத்த அண்ணாமலை