அதிமுக கூட்டணியில் ராமதாஸ்..! எடப்பாடியுடன் திடீர் சந்திப்பு..! உற்சாகத்தில் பாமக நிர்வாகிகள்..!

விரைவில் டாக்டர் ராமதாஸ் தரப்பு பா.ம.க.வும், அ.தி.மு.க. கூட்டணியில் இணையும் என்று எதிர்பார்க்கப்படுகிறது.

Image Credit : facebook / ramadoss

தனி அணியாக ராமதாஸ்

தமிழக அரசியலில் பாமக கட்சியில் பிளவு ஏற்பட்டுள்ளது. அன்புமணி ராமதாஸ் தலைமையிலான பிரிவு ஜனவரியில் அதிமுக தலைமையிலான தேசிய ஜனநாயகக் கூட்டணியில் இணைந்தது. ஆனால் டாக்டர் ராமதாஸ் தரப்பு தனி அணியாக உள்ளது. அவர் தனது மகன் அன்புமணியுடனான மோதல் காரணமாக 'அய்யா பாமக' பெயரில் கட்சி தொடங்க தொடங்க உள்ளதாக கூறப்படுகிறது. அவரது தரப்பு அதிமுக கூட்டணியை நிராகரித்து வந்தது.

Image Credit : X

தேர்தல் நெருங்கும் நிலையில் மாற்றம்

ராமதாஸ் தரப்பு திமுக கூட்டணியில் பேச்சுவார்த்தை நடத்தியது. ஆனால், விடுதலைச் சிறுத்தைகள் கட்சி எதிர்ப்பால் அது நிறைவேறவில்லை. தமிழக வெற்றிக் கழகம் உள்ளிட்ட பிற வாய்ப்புகளை ஆராய்ந்து வருகிறார். சமீபத்தில் விரைவில் நல்ல செய்தி வரும் என்று அவர் கூறி இருந்தார். ஆனால் இதுவரை அதிமுக அணியில் இணைவதாக எந்த அறிவிப்பும் இல்லை. தேர்தல் நெருங்கும் நிலையில் இதில் மாற்றங்கள் வரலாம் எனக் கூறப்பட்டது.

Image Credit : Asianet News

எடப்பாடியுடன் அருள் சந்திப்பு

இந்நிலையில், ராமதாஸ் தரப்பு பாமகவும், அதிமுக கூட்டணியில் இணைய இருப்பதாக தகவல்கள் வெளியாகியிருக்கிறது. டாக்டர் ராமதாஸ் தரப்பு எம்.எல்.ஏ.வான அருள், இன்று எதிர்க்கட்சித் தலைவர் எடப்பாடி பழனிசாமியை அவரது இல்லத்தில் சந்தித்துப் பேசினார். விரைவில் டாக்டர் ராமதாஸ் தரப்பு பா.ம.க.வும், அ.தி.மு.க. கூட்டணியில் இணையும் என்று எதிர்பார்க்கப்படுகிறது. மதுரையில் பிரதமர் மோடி தலைமையில் நடக்கும் கூட்ட மேடையில் அய்யா டாக்டர் ராமதாஸ் இருப்பாரா? என்ற எதிர்பார்ப்பு அதிகமாகியிருக்கிறது.