ஆர்டர் செய்த 15 நிமிடத்தில் பிரியாணி வீட்டுக்கு வந்துவிடும்; சொமொட்டோவின் விரைவு சேவை; முழு விவரம்!

சொமொட்டோ நிறுவனம் 15 நிமிடங்களில் உணவு டெலிவரி செய்யும் சேவையை அறிமுகம் செய்யுள்ளது. இது தொடர்பான முழு விரங்களை பார்க்கலாம். 

zomato food delivery

உணவு விநியோக நிறுவனங்கள் 

இந்தியாவில் வீடு தேடி வந்து உணவு விநியோகம் செய்யும் நிறுவனங்கள் பெருகி விட்டன. சொமொட்டோ (Zomato), ஸ்விக்கி (swiggy), ஜெப்டோ (zepto) உள்ளிட்ட பல்வேறு நிறுவனங்கள் உணவு விநியோக சந்தையில் போட்டி போட்டு வருகின்றன. இந்த ஒவ்வொரு நிறுவனமும் அதிகரித்து வரும் போட்டி நிறைந்த சந்தையில் நுகர்வோர் தேவையை பூர்த்தி செய்ய புதுமைகளை உருவாக்கி வருகின்றன.

இந்நிலையில், இந்தியாவின் முன்னணி உணவு விநியோக நிறுவனமான சொமொட்டோ இந்தியாவில் 15 நிமிட உணவு விநியோக சேவையை கொண்டு வந்துள்ளது. அதாவது சொமொட்டோவில் நீங்கள் ஒரு உணவு ஆர்டர் செய்தால் வெறும் 15 நிமிடங்களில் அந்த உணவு நீங்கள் இருக்கும் இடத்துக்கு வந்து விடும். இந்த சேவை மும்பை, பெங்களூரு, சென்னை என நாட்டின் முக்கிய நகரங்களில் கொண்டு வரப்பட்டுள்ளது. 

zomato food speed service

விரைவு உணவு சேவையை எப்படி பயன்படுத்துவது? 

சொமொட்டோ2 ஆண்டுகளுக்கு முன்பு 10 நிமிடங்களில் உணவு விநியோகம் செய்யும் சேவையை அறிமுகப்படுத்தியது. ஆனால் எதிர்பார்த்த வரவேற்பு இல்லாததால் அந்த சேவையை நிறுத்திய நிலையில், இப்போது மீண்டும் 15 நிமிட உணவு விநியோக திட்டத்தை கையில் எடுத்துள்ளது. சொமொட்டோ விரைவு உணவு சேவையை எப்படி பயன்படுத்துவது என்பது பற்றி பார்ப்போம்.

1. உங்கள் ஸ்மார்ட்போனில் Zomato செயலியை ஒப்பன் செய்யுங்கள்.

2. அதில் காண்பிக்கப்டும் '15 நிமிட டெலிவரி' என்ற ஆப்ஷனை கிளிக் செய்யவும்

3. இதை கிளிக் செய்தவுடன் உணவகங்களின் பட்டியலையும், உணவுகளின் பட்டியலையும் பெறுவீர்கள். 

4. இதில் நீங்கள் விரும்பியதை தேர்வு செய்யும்போது, 15 நிமிடங்களில் அந்த உணவு உங்களை தேடி வந்து விடும்.

swiggy food delivery

ஸ்விக்கி, ஜெப்டோ, பிளிங்கிட்

சொமொட்டோ மட்டுமில்லை இந்தியாவில் ஸ்விக்கி, ஜெப்டோ, பிளிங்கிட் , Swish, Zing மற்றும் Ola Dash போன்ற புதிய நிறுவனங்களும் அதிவேக உணவு விநியோக சேவையில் ஈடுபட்டு வருகின்றன. சொமொட்டோவுக்கு பிரதான போட்டியாளராக திகழும் ஸ்விக்கி, 15 நிமிட உணவு விநியோக சேவையை செயல்படுத்துவதற்காகவே Snacc என்ற செயலியை அறிமுகப்படுத்தியுள்ளது. 

முன்னதாக Bolt என்ற செயலி மூலம் விரைவு உணவு விநியோக சேவையை ஸ்விக்கி செயல்படுத்திய நிலையில், இப்போது Snaccம் இந்த பட்டியலில் இணைந்துள்ளது.  Zomato வின் விரைவு வர்த்தகப் பிரிவான பிளிங்கிட் 10 நிமிடங்களில் உணவு விநியோகம் செய்யும் சேவையை செயல்படுத்தி வருகிறது. இந்த நிறுவனம் அதன் கடைகளில் இருந்து வாடிக்கையாளர்களுக்கு உணவு டெலிவரி செய்து வருகிறது.

இதேபோல் ஜெப்டோவும் விரைவு உணவு விநியோக சேவையை செயல்படுத்தி வருகிறது. இந்நிறுவனம் அதன் கபேக்களில் இருந்து குறைவான துரங்களில் உணவு சேவையை விநியோகம் செய்து வருகிறது.

zomato and swiggy

இந்த திட்டத்தின் சாதக, பாதகங்கள் 

இதேபோல் பெங்களூருவை தளமாகக் கொண்ட ஸ்டார்ட்அப் நிறுவனமான Swish 10 நிமிடங்களில் உணவு டெலிவரி செய்யும் திட்டத்தை அமல்படுத்தியுள்ளது. இது தவிர ஓலா டேஷ் என்ற ஸ்டார்ட் அப் நிறுவனமும் விரைவு உணவு சேவையை வழங்கி வருகிறது. விரைவு உணவு சேவையில் பல்வேறு சாதக, பாதக அம்சங்களும் உள்ளன.

1. ரொம்ப பசியுடன் இருப்பவர்களுக்கு 15 நிமிடங்களில் உணவு கிடைக்கும்போது அவர்களுக்கு மிகவும் பயனுள்ளதாக இருக்கும்.

2. 15 நிமிடங்களில் உணவு டெலிவரி செய்யப்படுவதால் இதற்கு உணவு நிறுவனங்கள் மிக அதிக கட்டணம் நிர்ணயிக்கும். இதை கொடுக்க தயாராக இருக்க வேண்டும்.

3. அதிவேகமாக உணவு தயார் செய்யப்பட்டு டெலிவரி செய்யப்படுவதால் அதன் தரம் நன்றாக இருக்குமா? என்பதும் கேள்விக்குறிதான். 

4. ஏற்கெனவே பெரு நகரங்களில் டிராபிக் அதிகமாக உள்ள நிலையில், 15 நிமிடங்களில் உணவு டெலிவரி செய்ய வேண்டும் என்ற நெருக்கடியால் உணவு விநியோக ஊழியர்கள் கடும் அழுத்தத்திற்கு உள்ளாவார்கள்.