உங்களை மட்டும் கொசுக்கள் குறிவைக்கிறதா? ரத்த வகை முதல் ஆடை வரை.. ஆச்சரியமான காரணங்கள்!
ஒரு குறிப்பிட்ட ரத்த வகை கொண்டவர்களை கொசுக்கள் விரட்டி விரட்டிக் கடிக்கும். இதற்கு பின்னால் உள்ள அறிவியல் காரணங்களை இந்த செய்தியில் விரிவாக பார்க்கலாம்.
கொசுத்தொல்லை தாங்க முடியவில்லையா?
கோடைக்காலத்தில் உலகம் முழுக்கவே கொசு ஒரு பெரிய பிரச்னை. நாம எல்லாரும் கொசுத் தொல்லையை அனுபவிப்போம். ஆனா, சிலரை மட்டும் கொசுக்கள் ஏன் தேடித் தேடி கடிக்குது என்று எப்போதாவது யோசிச்சிருக்கீங்களா? சிலர் கொசுக்கடியிலிருந்து தப்பிக்க ஸ்பிரே, லோஷன் எல்லாம் பயன்படுத்துவார்கள். ஆனாலும் அவர்களால் கொசுக்கடியைத் தவிர்க்க முடியாது. இதற்கு அறிவியல் பூர்வமான ஆதாரம் உள்ளது. ஏனெனில் குறிப்பிட்ட ரத்த வகை உள்ளவங்களை கொசுக்கள் அதிகமாக விரும்புகிறதாம்.
கொசு கடிப்பதற்கு காரணம் என்ன?
கொசு அதிகமா கடிக்கிறவர்களுக்கு ரத்தம் இனிப்பாக இருக்கும் என்று சொல்றது உண்மையா? அதில் ஒரு துளி கூட உண்மையில்லை; அது வெறும் ஜோக் தான். கொசு கடிக்கிறதுக்குப் பின்னால் வேற காரணம் இருக்கு. அதுக்கு ஒரு அறிவியல் இருக்கு, அதைத்தான் நாம் இப்போது பார்க்கப் போறோம். கொசு கடிப்பதற்கு ரத்த வகை கூட ஒரு காரணமாக இருக்கலாம்.
'O' குரூப் ரத்தம் உள்ளவர்களை அதிகம் கடிக்கும்
சமீபத்திய ஆய்வுகளில், 'O' குரூப் ரத்தம் உள்ளவர்களைத் தான் கொசுக்கள் அதிகமாக விரும்புவது தெரியவந்துள்ளது. அவர்களின் உயர் வளர்சிதை மாற்ற விகிதம் (high metabolic rate) தான் இதற்கு காரணம். அதுமட்டுமில்லாம, தோலின் வாசனை மற்றும் கிருமிகளும் கொசுக்களை ஈர்க்கும் என்று ஆராய்ச்சியாளர்கள் சொல்கிறார்கள். மேலும் உடல் வெப்பமும் கொசுக்கடியை ஈர்க்கும் ஒரு காரணம் ஆகும். வியர்வையில் உள்ள லாக்டிக் அமிலம் மற்றும் அம்மோனியா, நோய்களைப் பரப்பும் கொசுக்களை ஈர்க்கும். தோலில் உள்ள பாக்டீரியாக்களும் கொசுக்கடிக்கு ஒரு காரணம். வியர்வையும் தோல் பாக்டீரியாவும் சேர்ந்து ஒருவித வாசனையை உருவாக்கும், அது கொசுக்களை ஈர்க்கும்.
நமது டிரஸ் கூட காரணம்
சுமார் 85% கொசுக்கடிக்கு ஒருவருடைய மரபணுக்களே காரணம் என்று சொல்லப்படுகிறது. உங்கள் உடல் எவ்வளவு வியர்வை மற்றும் வாசனையை உற்பத்தி செய்ய வேண்டும் என்பது உங்கள் டி.என்.ஏ-வில் உள்ளது. இதுமட்டுமின்றி மது குடிப்பவர்களை கொசு கடிக்கும் வாய்ப்பு அதிகம் என்று ஒரு ஆய்வு சொல்கிறது. அதுமட்டுமின்றி நமது டிரஸ் கலர் கூட கொசுக்களை ஈர்க்குமாம். கருப்பு, பச்சை, ஊதா மற்றும் அடர் நிறங்களை கொசுக்கள் விரும்புமாம்.
கொசுக்கடியில் இருந்து தப்பிக்க என்ன வழி?
கொசுக்கடியில் இருந்து தப்பிக்க வெள்ளை அல்லது வெளிர் மஞ்சள் நிற ஆடைகளை அணிய வேண்டும். பூக்கள் மணம் கொண்ட சென்ட் அல்லது சோப்புகளைத் தவிர்ப்பது நல்லது. ஏனெனில் கொசுக்கள் இனிப்பு வாசனையை விரும்புமாம். கொசுக்கள் உடல் மிகவும் லேசானவை என்பதால் ஒரு மிதமான வேகத்தில் ஓடும் மின்விசிறி கூட கொசுக்களை உங்கள் அருகில் வரவிடாமல் தடுக்கும்.
ஆகவே மின்விசிறியை எப்போதும் ஓட விடுங்கள். வீட்டைச் சுற்றி துளசி செடிகளை வளர்ப்பதும், வேப்ப எண்ணெய் தடவுவதும் கொசுக்கடியில் இருந்து தப்பிக்க ஒரு சிறந்த தீர்வாகும். மிக முக்கியமாக உங்கள் சுற்றுப்புறத்தில் தண்ணீர் தேங்காமல் பார்த்துக் கொள்ளுங்கள். ஏன் என்றால் அங்கு தான் கொசுக்கள் அதிகம் இனப்பெருக்கம் செய்யும் என்பது குறிப்பிடத்தக்கது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
