Chips Packet: பாதி சிப்ஸ்... பாதி காற்று.. கம்பெனிகள் நம்மை ஏமாற்றுகின்றனவா? பின்னாடி சயின்ஸ் இருக்கு!

Chips Packet: சிப்ஸ் பாக்கெட்டில் பாதி சிப்ஸ் மீதி காற்று தான் இருக்கு. கம்பெனி தான் நம்மை ஏமாற்றுகிறது என நினைக்கிறோம். ஆனால் இதற்கு பின்னாடி சயின்ஸ் ஒன்று உள்ளது. அது குறித்து பார்ப்போம்.

Image Credit : chat gpt

சிப்ஸ் பாக்கெட்டில் காற்று மட்டும் இருப்பது ஏன்?

சின்னவர்கள் முதல் பெரியவர்கள் வரை அனைவருக்கும் சிப்ஸ் என்றால் பிடிக்கும். மார்க்கெட்டில் விதவிதமான கம்பெனி சிப்ஸ் பாக்கெட்கள் கிடைக்கின்றன. ஆனால், பாக்கெட்டைப் பிரித்தால் பாதி காற்று, பாதி சிப்ஸாக இருக்கும்போது கோபம் வரும். இது நம்மை ஏமாற்றுவதற்கான மார்க்கெட்டிங் தந்திரம் என நிறைய பேர் நினைக்கிறார்கள். ஆனால், உண்மை அதுவல்ல.

பாக்கெட் உப்பலாகத் தெரிய வேண்டும் என்பதற்காக சாதாரணக் காற்றை நிரப்புகிறார்கள் என நாம் நினைக்கிறோம். ஆனால், அதில் இருப்பது நைட்ரஜன் வாயு. சிப்ஸை பேக் செய்வதற்கு முன்பு, இந்த நைட்ரஜனைத்தான் உள்ளே நிரப்புகிறார்கள். நைட்ரஜனுக்கு நிறமோ, வாசனையோ கிடையாது. நாம் சுவாசிக்கும் காற்றில் கூட 78% நைட்ரஜன்தான் இருக்கிறது. இந்த வாயு உணவுப் பொருளுடன் எந்த வேதிவினையும் புரியாது. அதனால், சிப்ஸ் கெட்டுப் போகாது.

Image Credit : pinterest

சிப்ஸ் பாக்கெட்டில் நைட்ரஜன் வாயு

நாம் விரும்பி சாப்பிடும் சிப்ஸை எண்ணெயில் பொரித்துதான் தயாரிக்கிறார்கள். இதில் ஆக்சிஜன் பட்டால், சிப்ஸ் சீக்கிரமே கெட்டுப்போய், ஒருவித வாசனை வரும். அதன் மொறுமொறுப்பும் போய்விடும். இதைத் தடுக்கத்தான் ஆக்சிஜனுக்குப் பதிலாக நைட்ரஜனை நிரப்புகிறார்கள். இதனால்தான், சிப்ஸ் எப்போதுமே ஃபிரெஷ்ஷாகவும், மொறுமொறுப்பாகவும் இருக்கிறது. அதுமட்டுமல்ல, சிப்ஸ் மிகவும் மெல்லிசாக இருப்பதால், லேசாகத் தொட்டாலே உடைந்துவிடும். ஃபேக்டரியில் இருந்து கடைகளுக்கு வரும் வழியில் பாக்கெட் மீது அழுத்தம் ஏற்பட்டால், சிப்ஸ் நொறுங்கிவிடும்.

Image Credit : Getty

சிப்ஸ் கம்பெனிகள் நம்மை ஏமாற்றுகின்றனவா?

இந்த நைட்ரஜன் காற்று, ஒரு குஷன் போல இருந்து சிப்ஸை உடையாமல் பாதுகாக்கிறது. அப்படியானால் சின்ன பாக்கெட்டில் விற்கலாமே என உங்களுக்கு ஒரு கேள்வி வரலாம். ஆனால், சிப்ஸ் எல்லாம் ஒரே அளவில் இருக்காது. அதன் வடிவம், தடிமனுக்கு ஏற்ப இடம் தேவைப்படும். அதனால்தான் பாக்கெட் பெரிதாக இருக்கிறது. அப்படியென்றால் கம்பெனிகள் நம்மை ஏமாற்றுகின்றனவா? நிச்சயமாக இல்லை.

ஏனென்றால், ஒவ்வொரு பாக்கெட்டிலும் சிப்ஸின் எடை எவ்வளவு என்று தெளிவாக எழுதியிருப்பார்கள். நாம் வாங்கும் போது அதைச் சரிபார்த்துக் கொள்ளலாம். மொத்தத்தில், சிப்ஸ் பாக்கெட்டில் இருக்கும் காற்று நம்மை ஏமாற்றுவதற்கு அல்ல. சிப்ஸை ஃபிரெஷ்ஷாகவும், உடையாமலும் நம்மிடம் கொண்டு வந்து சேர்ப்பதற்காகத்தான்.

Image Credit : Getty

'நைட்ரஜன் ஃபிளஷிங்'என்றால் என்ன?

சிப்ஸ் பாக்கெட்டில் நைட்ரஜன் வாயுவை நிரப்பும் இந்தத் தொழில்நுட்ப முறைக்கு 'நைட்ரஜன் ஃபிளஷிங்' என்று பெயர். உருளைக்கிழங்கை எண்ணெயில் வறுத்துப் பேக் செய்யும்போது, அந்தப் பையில் இருக்கும் ஆக்ஸிஜனை முழுமையாக வெளியேற்றிவிட்டு, அதற்குப் பதிலாக அதிக அழுத்தத்தில் நைட்ரஜன் வாயுவை உள்ளே செலுத்துவார்கள்.

எண்ணெயில் பொரிக்கப்பட்ட உணவுகள் ஆக்ஸிஜனுடன் தொடர்புகொள்ளும்போது, அதில் உள்ள கொழுப்பு அமிலங்கள் ஆக்ஸிஜனேற்றம் அடையும். இதனால் உணவின் சுவை மாறி, ஒருவித துர்நாற்றம் வீசத் தொடங்கும். வேதியியலில் இதை 'ரான்சிடிட்டி' என்பார்கள். நைட்ரஜன் வாயு இதை முற்றிலும் தடுக்கிறது.

பாக்டீரியா மற்றும் பூஞ்சை வளர்ச்சி தடுப்பு

ஆக்ஸிஜன் மற்றும் ஈரப்பதம் இருக்கும் இடத்தில்தான் பூஞ்சைகளும் (Fungus) பாக்டீரியாக்களும் வேகமாக வளரும். நைட்ரஜன் வாயு பாக்கெட்டுக்குள் இருக்கும் ஈரப்பதத்தை உறிஞ்சி, பாக்டீரியாக்கள் வளர முடியாத ஒரு உறைவிடத்தை உருவாக்குகிறது. இதனால் ரசாயனப் பொருட்கள் (Preservatives) எதுவும் சேர்க்காமலேயே சிப்ஸ் பல மாதங்களுக்குக் கெட்டுப்போகாமல் இருக்கும்.

பாக்கெட்டின் ஆயுட்காலம் கூடுகிறது

மேலும் நைட்ரஜன் வாயுவை நிரப்புவதால், கடைகளின் அலமாரிகளிலும் கிடங்குகளிலும் சிப்ஸ் பாக்கெட்டுகளை நீண்ட நாட்கள் கெட்டுப்போகாமல் வைத்திருக்க முடிகிறது. இது சில்லறை வியாபாரிகளுக்கும் நிறுவனங்களுக்கும் பெருமளவில் நஷ்டத்தைக் குறைக்கிறது.