Turbine ventilator: தொழிற்சாலை கூரைகளில் பொருத்தப்படும் டர்பைன் வென்டிலேட்டர்கள்..! எதற்காக தெரியுமா..?
Turbine ventilator: தொழிற்சாலைகளின் கூரை மீது வட்ட வடியில் சுற்றிக்கொண்டிருக்கும் டர்பைன் வென்டிலேட்டர்களை பொருத்தப்படுகிறது. அது எதற்காக என்று என்றாவது நீங்கள் சிந்தித்து உண்டா..? அதனால் கிடைக்கும் நன்மைகள் என்ன என்பதை இந்த பதிவில் பார்க்கலாம்.
நாட்டின் பொருளாதார முன்னேற்றத்திற்கு, தொழிற்சாலைகள் முக்கிய பங்கு வகிக்கின்றன. இத்தகைய தொழிற்சாலைகளில் பாதுகாப்பு என்பது இன்றியமையாததாகும். தொழிற்சாலைகளையும், இயந்திரங்களையும் முறையாக பராமரித்து அவைகளின் பணிகளைத் தவறில்லாது செய்யும் வகையில் முன் எச்சரிக்கை நடவடிக்கை அவசியம். ஏனெனில், இயந்திரங்கள் அல்லது கருவிகள் பழுதடைந்த நிலையில் விபத்துக்கள் ஏற்படலாம்.
டர்பைன் வென்டிலேட்டர்கள் பொறுத்தப்படுப்பது ஏன்..?
தொழிற்சாலைகளில் தொடர்ந்து 24 மணி நேரமும் இயந்திரங்கள் ஓடிக்கொண்டிருக்கும். முற்றிலும் அடைக்கப்பட்ட இடம் என்பதாலும், உட்புறம் அதிகளவு சூடான வெப்பநிலை அதிகரிக்கும். இதனால் அறை முழுவதும் சூடான காற்று இருக்கும். இதனால் பணியாளர்கள் வேலையை தொடர்ந்து செய்ய இயலாது.
அதேபோன்று, மற்ற இடங்களை போன்று ஏசி போன்ற குளிரூட்டிகளை பொருத்தும் வசதி கிடையாது. இந்த சிக்கலை தீர்த்து தொழிற்சாலையின் உட்புறத்தை குளிர்விப்பதற்காகவே உருவாக்கப்பட்டது தான் டர்பைன் வென்டிலேட்டர்கள்.
இந்த டர்பைன் வென்டிலேட்டர்கள் தொழிற்சாலைக்குள் உற்பத்தியாகும் சூடான காற்றை உறிஞ்சி வெளியேற்றுகிறது.
எதனால் கூரைகளின் மேற்புறத்தில் பொருத்தப்படுகின்றது..?
பொதுவாக அறை முழுவதும் இருக்கும் சூடான காற்று மிகவும் லேசானது என்பதால் எளிதில் மேல் நோக்கி நகரும். அதனை எளிதாக வெளியேற்றுவதற்காகவே டர்பைன் வென்டிலேட்டர்கள் தொழிற்சாலை கூரைகளின் மேற்புறத்தில் பொருத்தப்படுகின்றன.
இதனால் தொழிற்சாலையின் உட்புறம் முழுவதையும் வெப்பம் தணிந்து, குளிர்ச்சியாக வைத்திருக்கும். இதனால் தொழிலாளர்களும் சுறுசுறுப்புடன் தங்கள் பணிகளை செய்ய உதவியாக இருக்கும். அத்துடன் அதிக வெப்பம் காரணமாக இயந்திரங்களில் கோளாறு ஏற்படுவதும் தடுக்கப்படுகிறது.
டர்பைன் வென்டிலேட்டர்கள் பயன்பாட்டின் நன்மைகள்:
மின்சாரம் மூலம் இயங்கக்கூடிய எக்ஸ்டாஸ்ட் பேன்களை விட, ஒரு ரூபாய் கூட செலவு இல்லாமல் இயங்க கூடிய டர்பன் வென்டிலேட்டர்கள் மிகவும் சிறப்பானவையாகும்.
ஆம், இந்த டர்பைன் வென்டிலேட்டர்கள் இயக்குவதற்கு என தனியாக மின்சார செலவு கிடையாது, சிறிதளவு காற்று அடித்தலேபோதும், அந்த விசையே அதனைச் சுழச்செய்கிறது.
தொழிற்சாலைகளில் ஜன்னல்கள் மற்றும் கதவுகளுக்கு அருகில் பொருத்தப்பட்டிருக்கும் எக்ஸ்டாஸ்ட் பேன்கள் மூலம் குறிப்பிடத்தக்க வெப்ப காற்று வெளியாகும்.
ஆனால், இந்த டர்பன் வென்டிலேட்டர்கள் தொழிற்சாலையின் உச்சி வரை பரவி இருக்கும் வெப்பத்தை இழுந்து அகற்றும்.
ஒருவேலை மின்சாரம் தடைபட்டாலோ, மோட்டார் பழுதானாலோ எக்ஸ்டாஸ்ட் பேன்கள் வேலை செய்யாமல் நின்றுவிடும். ஆனால் காற்றை மட்டுமே ஆதாரமாகக் கொண்டு இயங்கக்கூடிய டர்பைன் வென்டிலேட்டர்கள் வெப்பக் காற்றை 24 மணிநேரமும் வெளியேற்றும்.
எக்ஸ்டாஸ்ட் பேனை விட, டர்பைன் வென்டிலேட்டர்கள் மின்சார நுகர்வு முதல் செயல்திறன் வரை, சிறந்த வகை என நிரூபிக்கப்பட்டுள்ளது. இதனையே ஆலை உரிமையாளர்களும் பரிந்துரைக்கின்றனர்.
ஒருவேலை மின்சாரம் தடைபட்டாலோ, மோட்டார் பழுதானாலோ எக்ஸ்டாஸ்ட் பேன்கள் வேலை செய்யாமல் நின்றுவிடும். ஆனால் காற்றை மட்டுமே ஆதாரமாகக் கொண்டு இயங்கக்கூடிய டர்பைன் வென்டிலேட்டர்கள் வெப்பக்காற்றை 24 மணிநேரமும் வெளியேற்றும்.
எக்ஸ்டாஸ்ட் பேனை விட, டர்பைன் வென்டிலேட்டர்கள் மின்சார நுகர்வு முதல் செயல்திறன் வரை, சிறந்த வகை என நிரூபிக்கப்பட்டுள்ளது. இதனையே ஆலை உரிமையாளர்களும் பரிந்துரைக்கின்றனர்.
சேனலை கிளிக் செய்து பின்தொடரவும்
