Washing Machine Cleaning: வாஷிங் மெஷின்ல தண்ணி சரியா வெளியேற மாட்டிக்குதா? 5 நிமிஷத்துல நீங்களே சரிபண்ணிடலாம்.!

Washing Machine Cleaning Tips Tamil: வாஷிங் மெஷின் ட்ரெயின் பைப், ஃபில்டர் மற்றும் மெஷினின் உள்பகுதியை வீட்டில் இருக்கும் பொருட்களை வைத்தே சுலபமாக சுத்தம் செய்வது எப்படி என்று இங்கு விளக்கமாக பார்க்கலாம்.

Image Credit : AI Generated

வாஷிங் மெஷின் சுத்தம் செய்யும் முறை

துணிகளில் இருந்து வரும் நூல், நாணயங்கள், பாக்கெட்டில் மறந்த காகிதம், அதிகப்படியான டிடர்ஜென்ட் பவுடர் மற்றும் அழுக்கு என எல்லாம் சேர்ந்து மெஷினின் ஃபில்டர் அல்லது பைப்பை அடைத்துவிடும். இதனால், அழுக்குத் தண்ணீர் வெளியேற முடியாமல் தேங்கி, துணிகளில் இருந்து கெட்ட வாசனை வர ஆரம்பிக்கும். மெஷினின் செயல்திறனும் குறைந்துவிடும். உங்கள் மெஷினிலும் இதே பிரச்சினை என்றால், இனி பிளம்பரை அழைக்க வேண்டாம். வீட்டிலேயே இதை சரிசெய்ய சூப்பர் வழிகள் உள்ளன. வாங்க, எப்படி சுத்தம் செய்வது என்று பார்க்கலாம்.

Image Credit : AI Image

1. முதலில் ட்ரெயின் ஃபில்டரை சுத்தம் செய்யுங்கள்

உங்கள் மெஷின் ஃபிரன்ட் லோடாக இருந்தாலும் சரி, டாப் லோடாக இருந்தாலும் சரி, இரண்டிலும் ட்ரெயின் ஃபில்டர் இருக்கும். ஃபிரன்ட் லோட் மெஷினில் இது கீழ் பகுதியில் ஒரு சிறிய கதவுக்குப் பின்னால் இருக்கும். டாப் லோட் மெஷினில் இது ட்ரம்மின் உள்ளே அல்லது பின்புறம் இருக்கலாம். முதலில், மெஷினின் பிளக்கை எடுத்துவிடுங்கள். ஃபில்டருக்குக் கீழே ஒரு சிறிய டப் அல்லது துணியை வைத்துவிட்டு, ஃபில்டரை மெதுவாகத் திருகி வெளியே எடுங்கள். அதில் சிக்கியிருக்கும் நாணயங்கள், ஹேர் பின்கள், நூல்கள் மற்றும் சேறு போன்ற அழுக்குகளை ஒரு டூத் பிரஷ் மற்றும் டிஷ் சோப் கொண்டு நன்றாகக் கழுவி மீண்டும் மாட்டிவிடுங்கள்.

Image Credit : AI Image

2. ட்ரெயின் பைப் (Drain Pipe) அடைப்பை நீக்குதல்

ஃபில்டரை சுத்தம் செய்த பிறகும் தண்ணீர் வெளியேறவில்லையென்றால், பிரச்சினை ட்ரெயின் பைப்பில் இருக்கலாம். மெஷினின் பின்புறம் உள்ள ட்ரெயின் பைப்பை வெளியே எடுங்கள். பல நேரங்களில் பைப் மடிந்து (Kink) இருப்பதால் கூட தண்ணீர் தேங்கும். முதலில் அதை நேராக்குங்கள். பிறகு, ஒரு நீளமான வயர் அல்லது ஹேங்கர் மூலம் பைப்பின் உள்ளே ஏதாவது துணி அல்லது குப்பை சிக்கியுள்ளதா என சரிபாருங்கள். பைப்பின் உள்ளே வேகமாகத் தண்ணீரைப் பீய்ச்சி அடித்தால், உள்ளிருக்கும் அழுக்குகள் அனைத்தும் வெளியேறிவிடும்.

Image Credit : Getty

3. வினிகர் மற்றும் பேக்கிங் சோடா (Baking Soda)

மெஷினின் உள் பாகங்கள் மற்றும் பைப்புகளில் படிந்துள்ள பிசுபிசுப்பான கறைகள் மற்றும் டிடர்ஜென்ட் அழுக்குகளைச் சுத்தம் செய்ய இது ஒரு சிறந்த வழியாகும். வாஷிங் மெஷின் ட்ரம்மில் இரண்டு கப் வெள்ளை வினிகர் (White Vinegar) மற்றும் அரை கப் பேக்கிங் சோடா (Baking Soda) போடுங்கள். இப்போது மெஷினை துணிகள் இல்லாமல் 'டப் க்ளீன்' (Tub Clean) மோடில் அல்லது அதிக சூடான நீர் (Hot Water) சைக்கிளில் ஆன் செய்யுங்கள். வினிகர் மற்றும் பேக்கிங் சோடாவின் ரசாயன வினை, பைப்புகளின் உள்ளே இருக்கும் அனைத்து அழுக்குகளையும் கரைத்து வெளியேற்றிவிடும். இதனால் மெஷினில் இருந்து வரும் துர்நாற்றமும் நீங்கிவிடும்.

Image Credit : Getty

15-20 நாட்களுக்கு ஒருமுறை இப்படி செய்யுங்கள்

உங்கள் வாஷிங் மெஷின் எந்தப் பிரச்சினையும் இல்லாமல் பல ஆண்டுகள் நன்றாக உழைக்க வேண்டுமானால், ஒவ்வொரு 15 முதல் 20 நாட்களுக்கு ஒருமுறை அதன் ஃபில்டரை சுத்தம் செய்யுங்கள். துணிகளைத் துவைக்கும் முன் பாக்கெட்டுகளைச் சரிபார்க்க மறக்காதீர்கள். மாதத்திற்கு ஒருமுறை இந்த வினிகர் வீட்டு வைத்தியத்தைப் பயன்படுத்தி உங்கள் வாஷிங் மெஷினை எப்போதும் புத்தம் புதிதாக வைத்திருங்கள்!