TV Remote: டிவி ரிமோட் வேலை செய்யலையா? வீட்டிலேயே 5 நிமிடத்தில் சரி செய்ய 'சூப்பர்' டிப்ஸ்!

TV Remote: ஆர்வமாக டிவி பார்க்கும்போது ரிமோட் வேலை செய்யாமல் போகும்போது கடுப்பாகும். கோபத்தில் அந்த ரிமோட்டை தூக்கி வீசி விடாதீர்கள். வீட்டிலேயே டிவி ரிமோட்டை 5 நிமிடத்தில் சரி செய்வது குறித்து பார்க்கலாம்.

Image Credit : AI

டிவி ரிமோட்டை வீட்டிலேயே சரி செய்ய சூப்பர் டிப்ஸ்

வீட்டில் டிவி பார்த்துக்கொண்டிருக்கும்போது திடீரென ரிமோட் வேலை செய்யாமல் போனால் ஏற்படும் எரிச்சலை சொல்ல வார்த்தைகளே இல்லை. ரிமோட்டின் பேட்டரியை உடனே மாற்றிப் பார்ப்போம், அப்போதும் வேலை செய்யாவிட்டால், ரிமோட் வீணாகிவிட்டது என நினைத்து புதியதை வாங்க கிளம்பிவிடுவோம்.

ஆனால், உங்கள் TV remote-ஐ சரிசெய்ய சில எளிய வழிகள் உள்ளன. பெரும்பாலான ரிமோட் கோளாறுகளை வெறும் 10 நிமிடங்களில், வீட்டிலேயே சரிசெய்துவிட முடியும் என்பதுதான் உண்மை. பொதுவாக ரிமோட் பழுதாக பெரிய மின்சார கோளாறுகள் காரணம் இல்லை. உள்ளே சேர்ந்த தூசி, எண்ணெய் பிசுக்கு, பேட்டரி முனைகளில் படியும் துரு போன்ற பிரச்னைகள்தான் அதன் செயல்பாட்டை முடக்கிவிடுகின்றன. எனவே, புதிய ரிமோட் வாங்கும் முன் இந்த வழிமுறைகளை முயற்சித்துப் பாருங்கள்.

இதையும் படிங்க:Mosquito Bites: உங்களை மட்டும் கொசு தேடி வந்து கடிக்குதா? அறிவியல் சொல்லும் 5 காரணங்கள்!

Image Credit : Gemini AI

ரிமோட்டை பிரிக்காமலேயே சரிசெய்யலாம்

முதலில், உங்கள் ஸ்மார்ட்போன் கேமராவை ஆன் செய்து, ரிமோட்டின் நுனியில் உள்ள IR பல்பை கேமராவுக்கு நேராக காட்டுங்கள். இப்போது ரிமோட்டில் ஏதேனும் ஒரு பட்டனை அழுத்தும்போது, போன் திரையில் ஊதா நிற ஒளி தெரிந்தால், ரிமோட் சிக்னல் அனுப்புகிறது என்று அர்த்தம். பிரச்னை டிவியின் சென்சாரில் இருக்கலாம். ஒளி தெரியவில்லை என்றால், கோளாறு ரிமோட்டில்தான். அடுத்ததாக, ரிமோட்டில் இருந்து பேட்டரிகளை முழுவதுமாக அகற்றிவிடுங்கள்.

பிறகு, பவர் பட்டனை சுமார் 30 விநாடிகள் அழுத்திப் பிடிக்கவும். இது உள்ளே தேங்கியிருக்கும் தேவையற்ற மின்சாரத்தை வெளியேற்றும். அதன்பின், புதிய பேட்டரிகளைப் பொருத்தி சோதித்துப் பாருங்கள். பேட்டரி வைக்கும் இடத்தில் துரு அல்லது அழுக்கு படிந்திருந்தால், அதை ஒரு பென்சில் அழிப்பான் அல்லது லேசான ஆல்கஹால் கொண்டு சுத்தம் செய்வதும் அவசியம்.

Image Credit : Gemini AI

ரிமோட்டை கழற்றி சுத்தம் செய்வது எப்படி?

மேற்கண்ட வழிகளில் பலன் இல்லையென்றால், ரிமோட்டின் உள்ளே சுத்தம் செய்ய வேண்டிய நேரம் இது. பேட்டரிகளை அகற்றிவிட்டு, ரிமோட்டின் திருகுகளைக் கழற்றுங்கள். ஒரு மெல்லிய பிளாஸ்டிக் அட்டை அல்லது பிரையிங் டூல் கொண்டு, ரிமோட்டின் பக்கவாட்டுப் பகுதிகளை மெதுவாகப் பிரித்துத் திறக்கவும். உலோகக் கருவிகளைப் பயன்படுத்த வேண்டாம், அது சர்க்யூட் போர்டை சேதப்படுத்தக்கூடும்.

உள்ளே இருக்கும் ரப்பர் கீ-பேட் மற்றும் பச்சை நிற சர்க்யூட் போர்டை (PCB) தனித்தனியாகப் பிரிக்கவும். ஒரு பஞ்சில் ஐசோபுரோப்பைல் ஆல்கஹாலை சிறிதளவு எடுத்து, சர்க்யூட் போர்டை மெதுவாகத் துடைத்து சுத்தப்படுத்துங்கள். ரப்பர் கீ-பேடை சோப்பு நீரில் கழுவி, அது காய்ந்த பிறகு மீண்டும் பொறுத்த வேண்டும். ஈரம் சிறிதளவு இருந்தாலும் ரிமோட் மீண்டும் பழுதடைய வாய்ப்புள்ளது.

இதையும் படிங்க: Kitchen Hacks: சமையலறைக்கு பேப்பர் டவலா? துணியா? ஆரோக்கியத்துக்கு எது பெஸ்ட்?

Image Credit : Gemini AI

டிவி ரிமோட் வேலை செய்யலனா மாற்று வழிகள் என்ன?

இவை அனைத்தையும் செய்த பிறகும் ரிமோட் வேலை செய்யவில்லை என்றால், அதன் IR LED அல்லது மைக்ரோசிப் போன்ற உள் பாகங்கள் சேதமடைந்திருக்கலாம். மேலும், ரிமோட் கீழே விழுந்து உடைந்திருந்தாலோ அல்லது தண்ணீர் பட்டிருந்தாலோ, பழுதுபார்ப்பதை விட புதியது வாங்குவதே புத்திசாலித்தனம். ஆகவே அடுத்த முறை ரிமோட் வேலை செய்யவில்லை என்றால், தூக்கி எறிவதற்கு முன் மேற்கண்ட டிப்ஸ்களை ஒருமுறை முயற்சித்துப் பாருங்கள்.