டைல்ஸ் அடிக்கடி உடைஞ்சு போகுதா? வெறும் 10 நிமிடத்தில் ஒட்ட வைக்க சூப்பர் டிப்ஸ்!!

Fixing Broken Tiles at Home : உங்கள் வீட்டின் டைல்ஸ் உடைந்திருந்தாலோ அல்லது விரிசல் ஏற்பட்டாலோ அதை சுலபமாக சரி செய்வது எப்படி என்று இங்கு பார்க்கலாம்.

Fixing Broken Tiles at Home In Tamil

முன்பெல்லாம் எல்லோருடைய வீட்டின் குளியலறை அல்லது சமையலறையில் மட்டுமே டைல்ஸ் பதித்து வந்தனர். ஆனால் இன்றைய காலகட்டத்தில் வீட்டின் எல்லா பகுதிகளிலும் டைல்ஸ் ஆக்கிரமித்துள்ளது என்பதை நீங்களே பார்த்திருப்பீர்கள். பளிங்கு மற்றும் வெறும் தரையின் சகாப்தம் மறைந்து, பளபளக்கும் டைல்ஸ்கள் நிறுவும் காலம் இது.

சொல்லப்போனால் இந்த காலத்தில் டைல்ஸ் பதிக்காத வீடுகளை பார்க்கவே முடியாது. அதற்கு முக்கிய காரணம் அவை பார்ப்பதற்கு மிகவும் அழகாகவும் சுத்தம் செய்வதற்கு எளிதாகவும் இருப்பதால்தான். இதனால்தான் பெரும்பாலான மக்கள் தங்களது வீடுகளில் டைல்ஸ் பதிக்க விரும்புகிறார்கள்.

இருந்தபோதிலும் சில நேரங்களில் டைல்ஸ்களில் விரிசல்கள் ஏற்படுகிறது. இதனால் அவை பார்ப்பதற்கு அழகாக இருப்பதில்லை. மேலும் அவற்றில் அழுக்குகள் உடனே தங்கத் தொடங்குகின்றன. அத்தகைய சூழ்நிலையில் டைல்ஸ் மாற்றுவது மட்டுமே வழி. ஆனால் அடிக்கடி இப்படி டைல்ஸ் மாற்றுவது சாத்தியமில்லை.

எனவே உடைந்த டைல்ஸ்களை ஏன் வீட்டிலேயே சரி செய்யக்கூடாது? ஆம், சில எளிய குறிப்புகளை பின்பற்றுவதன் மூலம் நீங்கள் உங்கள் வீட்டில் டைல்ஸ்களில் ஏற்பட்ட விரிசல்களை ஒரு நொடியில் சரி செய்யலாம் தெரியுமா? அது எப்படி என்பதை அறிய நீங்கள் விரும்பினால் இந்த பதிவை தொடர்ந்து படியுங்கள். 

இதையும் படிங்க: வீட்டை இப்படி சுத்தம் செய்ங்க.. எப்போதும் பளபளனு இருக்கும்..!

உடைந்த அல்லது விரிசல் ஏற்பட்ட டைல்ஸ் சரி செய்ய டிப்ஸ் :

தேவைப்படும் பொருட்கள்

டைல்ஸ் ஏற்பட்ட விரிசலை சரி செய்ய எபோக்சி திரவம் (உடைந்த டைல்ஸ்களை சரி செய்ய பயன்படுத்தப்படும் ஒரு பொதுவான பொருள்), வெள்ளை சிமெண்ட், பருத்தி அல்லது மைக்ரோஃபைபர் துணி, டூத் பிக், பாத்திரம் கழுவு திரவம் மற்றும் தண்ணீர். இது தவிர, பழுது பார்க்கும் போது கைகளில் கைகளின் பாதுகாப்பிற்காக கையுறைகள் மற்றும் சிமெண்ட் துசியைத் தவிர்க்க முகமூடிகளை பயன்படுத்த மறக்காதீர்கள்.

இதையும் படிங்க:  இந்த ஒரு பொருளை கலந்து வீடு துடைத்து பாருங்கள்..கரப்பான், பல்லி,எறும்பை விரட்டி, அழுக்கை போக்கி நறுமணம் வீசும்

விரிசலை சரி செய்வதற்கு முன் முதலில் டைல்ஸ்களை சுத்தம் செய்யவும் :

உடைந்த அல்லது விரிசல் ஏற்பட்ட டைல்ஸ் பழுது பார்க்கும் முன் விரிசல் உள்ளே குவிந்துள்ள அழுக்குகளை நன்கு சுத்தம் செய்வது மிகவும் முக்கியம்.  உண்மையில் டைல்ஸ்களில் விரிசல் ஏற்படுவதால் அதன் உள்ளே தூசி மற்றும் அழுக்குகள் சீக்கிரமாகவே குவிந்துவிடும். தூசியுடன் அவற்றை சரி செய்ய முடியாது.

எனவே அதை நன்கு சுத்தம் செய்ய வேண்டும். எனவே அதை சரியாக சுத்தம் செய்ய அதன் மீது பாத்திரங்களை கழுவும் திரவத்தை ஊற்றி சுத்தம் செய்த பிறகு தண்ணீரில் கழுவவும். அதன் பிறகு பருத்தி அல்லது மைக்ரோ ஃபைபர் துணியால் தரையை நன்கு துடைத்து எடுக்கவும். தளம் முற்றிலும் காய்ந்தவுடன் பழுதுபார்க்கும் செயல் முறையை தொடங்க வேண்டும்.

டைல்ஸ் விரிசலை சரி செய்யும் முறை :

டைல்ஸ்களில் உள்ள விரிசல்களை சரி செய்ய முதலில் எபோக்சி திரவம் மற்றும் சிமெண்டை ஒரு பாத்திரத்தில் எடுத்துக் கொள்ளுங்கள். இப்போது அதில் சிறிதளவு தண்ணீர் சேர்த்து கட்டி போல் தயாரிக்கவும். பேஸ்ட் தயாரானதும் அதை உடைந்த அல்லது விரிசல் ஏற்பட்ட டைல்ஸ் மீது நன்றாக பரப்பி விரிசல்களில் நிரப்பவும். மெல்லிய விரிசல்களில் பேஸ்டை நிரப்ப ஒரு டூத் பிக் உதவியுடன் நிரப்பலாம்.

இந்த பேஸ்ட் கோடுகளின் விரிசல்களில் நன்கு பரவியதும் சுமார் 15 முதல் 20 நிமிடங்கள் வரை அவற்றை நன்கு காய வைக்கவும். அதன் பிறகு டைல்ஸ்களில் பரவி இருக்கும் கூடுதல் பேஸ்ட்டை துடைத்துவிட்டு மீண்டும் ஒருமுறை டிஷ்வாஷ் திரவத்தை கொண்டு ஓடுகளை சுத்தம் செய்யவும். இந்த வழியில் ஓடுகளில் உள்ள விரிசல்கள் எளிதில் நிரப்பப்படும். இருப்பினும், இவற்றை செய்வதற்கு முன் கையுறை மற்றும் முகமூடி அணிய மறக்காதீர்கள்.