USA Clothes Drying : இந்தியாவில் சகஜம்; ஆனா அமெரிக்காவில் துணிகளை வெளியே காயவைக்க மாட்டாங்க... காரணம் தெரிஞ்சா ஷாக் ஆகிடுவீங்க

why Americans Dont Hang Laundry Outside? அமெரிக்காவில் வீடுகளுக்கு வெளியே கொடியில் துணி காயப்போடும் பழக்கம் இல்லை. இதன் பின்னால் வரலாற்று, சமூக மற்றும் சட்டரீதியான காரணங்கள் உள்ளன. அது என்ன என்று இங்கே பார்க்கலாம்.

Image Credit : AI Image

அமெரிக்காவில் துணி காயவைப்பதில் உள்ள சிக்கல்

அமெரிக்கா தெருக்களில் கொடியில் துணிகள் காய்வதை பார்ப்பது மிகவும் அபூர்வம். இது ஒரு சாதாரண விஷயமாக இருந்தாலும், அமெரிக்க சமூகத்தில் இதை ஒரு மாதிரியாக பார்க்கிறார்கள். 20-ஆம் நூற்றாண்டில் டிரையர் மெஷின்கள் வந்த பிறகு, வெளியே துணி காயப்போடும் பழக்கம் படிப்படியாக குறைந்துவிட்டது. பல வீட்டு உரிமையாளர்கள் சங்கங்கள் (Homeowners Associations - HOAs) வெளியே துணி காயப்போட தடை விதித்துள்ளன. இதற்குப் பின்னால் பல சமூக, வரலாற்று காரணங்கள் இருக்கின்றன.

Image Credit : Gemini AI

வீட்டு உரிமையாளர்கள் சங்கத்தின் விதிகள்

வெளியே துணி காயப்போட தடை இருப்பதற்கு முக்கிய காரணம், பகுதியின் அழகை கெடுக்கக்கூடாது என்பதுதான். வீட்டு உரிமையாளர்கள் சங்கங்கள் (HOAs) தங்கள் குடியிருப்பு பகுதியின் 'visual integrity'-ஐ பாதுகாக்க விரும்புகின்றன. அழகான வீடுகளுக்கு நடுவே துணிகள் தொங்குவது நன்றாக இருக்காது என அவர்கள் நினைக்கிறார்கள். இது மதிப்பை பாதிக்கும் என்றும் HOAs வாதிடுகிறது. உதாரணமாக, கலிபோர்னியாவில் நல்ல வெயில் அடித்தாலும், பல சங்கங்கள் இந்த தடையை விதித்துள்ளன. 1960-களில் இருந்து இந்த விதிகள் மிகவும் கடுமையாகிவிட்டன.

Image Credit : Gemini AI

சமூக அந்தஸ்து

வெளியே துணி காயப்போடுவதை ஏழ்மையின் அடையாளமாக பார்க்கும் ஒரு சமூக பார்வை அமெரிக்காவில் உள்ளது. 1950, 60-களில் டிரையர் மெஷின்கள் பரவலானபோது இந்த எண்ணம் உருவானது. அப்போது, வீட்டில் டிரையர் இருப்பது ஒரு ஸ்டேட்டஸ் சின்னமாக பார்க்கப்பட்டது. வெளியே துணி காயப்போட்டால் மதிப்பு குறைந்துவிடும் என்ற பயமும் ஒரு காரணம். மேலும், அமெரிக்காவில் பெரும்பாலான வீடுகளில் மொட்டை மாடி இல்லாததால், அங்கும் துணி காயவைப்பதில்லை.

Image Credit : Gemini AI

அமெரிக்கர்கள் துணிகளை எப்படி காயவைக்கிறார்கள்?

வெளியே துணி காயவைக்க கட்டுப்பாடுகள் இருப்பதால், அமெரிக்கர்கள் பெரும்பாலும் எலக்ட்ரிக் அல்லது கேஸ் டிரையர்களைத்தான் பயன்படுத்துகிறார்கள். ஒவ்வொரு வீட்டிலும் வாஷிங் மெஷினுடன் டிரையர் இருப்பது சர்வ சாதாரணம். 2020 கணக்குப்படி, அமெரிக்காவில் 80% வீடுகளில் டிரையர் மெஷின்கள் உள்ளன. இது அவர்களின் நவீன வாழ்க்கை முறையின் முக்கிய அங்கமாகிவிட்டது. அடுக்குமாடி குடியிருப்புகளில் உள்ள லாண்டரி வசதிகளிலும் டிரையர்கள் வழங்கப்படுகின்றன.

Image Credit : Gemini AI

'ரைட் டு டிரை' இயக்கம்

டிரையர்கள் அதிக மின்சாரத்தை பயன்படுத்துவதால், சுற்றுச்சூழல் பாதிப்பு குறித்த கவலைகள் எழுந்துள்ளன. இதனால், அமெரிக்காவில் 'ரைட் டு டிரை' (Right to Dry) என்ற இயக்கம் வலுப்பெற்று வருகிறது. இந்த இயக்கம், வெளியே துணி காயவைக்க இருக்கும் தடைகளை நீக்கக் கோருகிறது. ஃப்ளோரிடா, கலிபோர்னியா போன்ற சில மாகாணங்கள் இந்த தடைகளை நீக்கும் சட்டங்களை இயற்றியுள்ளன. சூரிய ஒளியில் துணிகளை காயவைப்பதன் மூலம் ஆண்டுக்கு 1000 கிலோகிராம் கார்பன் டை ஆக்சைடு வெளியேற்றத்தை குறைக்கலாம் என மதிப்பிடப்பட்டுள்ளது.