வாக்கிங் போறது நல்லது தான்! ஆனா இந்த பிரச்சனைகள் பற்றி எச்சரிக்கையா இருங்க!

நடைபயிற்சி ஒரு சிறந்த உடற்பயிற்சி என்றாலும், அதை அதிகமாக செய்வதால் ஏற்படும் பிரச்சனைகள் குறித்து இந்த பதிவில் பார்க்கலாம். 

Walking

நடைபயிற்சி மிகவும் எளிமையான ஆரோக்கியமான உடற்பயிற்சிகளில் ஒன்றாகும் என்பதை பெரும்பாலான மக்கள் ஒப்புக்கொள்கிறார்கள். எந்த இடத்திலும் நடைபயிற்சி மேற்கொள்ள முடியும். அதற்கு, எந்த குறிப்பிட்ட உபகரணங்களும் தேவையில்லை, ஆனால் அதிகமாக நடைபயிற்சி மேற்கொளவதால் அது அசௌகரியத்தையும் ஏற்படுத்தும்.

வழக்கமாக நடைப்பயிற்சி மேற்கொள்ள முடிவு செய்யும் போது, சில முன்னெச்சரிக்கை நடவடிக்கைகளைப் பின்பற்றுவதை எப்போதும் நினைவில் கொள்ள வேண்டும். அதிக நடைப்பயிற்சியால் பல உடல்நலப் பிரச்சனைகள் ஏற்படுகின்றன. எனவே, காயத்தைத் தவிர்ப்பதற்கும், பொது ஆரோக்கியத்தைப் பாதுகாப்பதற்கும் நடைபயிற்சி தொடர்பான அதிகப்படியான உடல் உழைப்பின் அறிகுறிகளைக் கண்டறிவது முக்கியமானதாகிறது. நடப்பதால் ஏற்படக்கூடிய சில பொதுவான பிரச்சனைகள் குறித்து இந்த பதிவில் பார்க்கலாம்.

Side Effects Of Too Much Walking

கீழ் முதுகு வலி

அதிகமான நடைபயிற்சியால் ஏற்படும் பொதுவான உடல்நலப் பிரச்சனை கீழ் முதுகு வலி, குறிப்பாக மோசமான தோரணை அல்லது பலவீனமான மைய தசைகள் இருந்தால் இந்த பிரச்சனை அதிகமாகும். அதிகமாக நடைபயிற்சி செய்வது அல்லது நீண்ட தூரம் செய்வது ஆகியவை முதுகெலும்பு மற்றும் கீழ் முதுகு தசைகளில் அழுத்தத்தை ஏற்படுத்தும். இந்த வலியின் காரணமாக நீண்ட நேரம் நடப்பது அல்லது நிற்பது கூட சங்கடமாக இருக்கும், இது மந்தமான வலி முதல் கடுமையான வேதனை வரை தீவிரம் கொண்டதாக இருக்கலாம்.

கால் வலி மற்றும் கொப்புளங்கள்

கால்களில் வலி, குறிப்பாக குதிகால், வளைவுகள் மற்றும் கால்விரல்கள், அதிகப்படியான நடைபயிற்சிக்கான ஆரம்ப அறிகுறிகளில் ஒன்றாகும். உங்கள் குதிகால் எலும்பை உங்கள் கால்விரல்களுடன் இணைக்கும் தசைநார் வீக்கமடையும் ஒரு நிலை இந்த வலிக்கு காரணமாக இருக்கலாம். கால்களில் மீண்டும் மீண்டும் அழுத்தம் ஏற்படுவது பொதுவாக இந்த வீக்கத்திற்கு காரணமாகும், பொருத்தமான காலணிகளை அணியாமல் நீண்ட தூரம் நடக்கும்போது இந்த பிரச்சனை ஏற்படலாம்.

தசை வலி மற்றும் மூட்டு வலி

மூட்டு வலி என்பது அதிக நடைபயிற்சிக்கான பொதுவான அறிகுறியாகும். இது பொதுவாக ஒரு உடற்பயிற்சிக்குப் பிறகு 24 முதல் 48 மணிநேரங்களுக்கு உச்சத்தை அடைகிறது. சில அசௌகரியங்கள் இயற்கையாக இருந்தாலும், நாள்பட்ட அல்லது கடுமையான வலி  ஏற்படலாம்.

வீக்கம்

அதிகப்படியான நடைப்பயிற்சியின் மற்றொரு பொதுவான அறிகுறி பாதங்கள் மற்றும் கணுக்கால்களில் வீக்கம். திசுக்களில் திரவம் குவிவது இந்த வீக்கத்தை ஏற்படுத்துகிறது, இது அதிக நேரம் நடப்பதால் ஏற்படுகிறது. நடைபயிற்சி தூரம் அல்லது தீவிரத்தை திடீரென அதிகரிக்கும் நபர்களுக்கு இந்த நோய் மிகவும் பொதுவானது, இது தசைகள், தசைநாண்கள் மற்றும் தாடை எலும்பைச் சுற்றியுள்ள எலும்பு திசுக்களின் வீக்கத்தால் ஏற்படுகிறது.

சுறுசுறுப்பாக இருக்க நடைபயிற்சி ஒரு சிறந்த வழியாகும், ஆனால் அதிகமாக நடைபயிற்சி மேற்கொள்வதால் ஏற்படும்  அபாயங்கள் குறித்து எச்சரிக்கையாக இருக்க வேண்டியது அவசியம். ஒருவேளை உங்களுக்கு கால் வலி, தசைகளில் வலி மற்றும் கீழ் முதுகு வலி ஆகியவை உங்கள் உடலுக்கு ஓய்வு தேவை என்பதற்கான அறிகுறிகளாகும்.

எனவே உங்கள் உடலில் கவனம் செலுத்துவதன் மூலமும், பொருத்தமான காலணிகளை அணிவதன் மூலமும், உங்கள் நடைப்பயணத்தின் தீவிரத்தை படிப்படியாக அதிகரிப்பதன் மூலமும் காயம் ஏற்படாமல் நடப்பதன் பல ஆரோக்கிய நன்மைகளை நீங்கள் அறுவடை செய்யலாம். ஏதேனும் அடிப்படைப் பிரச்சனைகளைத் தீர்ப்பதற்கும், நீண்டகாலத் தீங்கைத் தவிர்ப்பதற்கும், உங்கள் அறிகுறிகள் கடுமையாகவோ அல்லது தொடர்ந்து இருந்தாலோ மருத்துவ கவனிப்பைப் பெறுவது அவசியம்.