நீளமான பப்பாளி vs உருண்டை பப்பாளி: எதில் அதிக இனிப்பு இருக்கும்?
சுவையான பப்பாளியை வாங்குவது எப்படி என்று இந்த பதிவில் தெரிந்து கொள்ளலாம்.
Which Papaya is Sweeter, Round or Long?
பப்பாளி பழம் சுவையான மற்றும் ஆரோக்கியமான பழமாக கருதப்படுகிறது. இதில் வைட்டமின் ஏ, வைட்டமின் சி, பொட்டாசியம், நார்ச்சத்து போன்ற ஊட்டச்சத்துக்கள் நிறைந்துள்ளன. இவை உடலுக்கு பல வழிகளில் மிகவும் நன்மை பயக்கும். பப்பாளி பழத்தை சாலட், ஸ்மூத்தி அல்லது வெறும் வயிற்றில் கூட காலையில் சாப்பிடலாம். இத்தகைய சூழ்நிலையில், சில சமயங்களில் நாம் வாங்கும் பப்பாளி இனிப்பாகவே இருக்காது. எனவே, சந்தையில் விற்பனையாகும் நீளமான அல்லது வட்டமான பப்பாளி இவை இரண்டில் எது ரொம்பவே இனிப்பான பப்பாளி. அதை தேர்ந்தெடுப்பது எப்படி என்று இந்த பதிவில் பார்க்கலாம்.
நீளமான அல்லது வட்டமான: எது சுவையானது?
வட்டமான பப்பாளி
வட்டமான பப்பாளியில் குறைவான விதைகள் உள்ளன. ஆனால் இதை இனிப்புகளின் தொகுப்பு என்று சொல்லலாம். மேலும் இதில் நீச்சத்து மற்றும் இயற்கை இனிப்பும் நிறைந்துள்ளன.
நீளமான பப்பாளி
இந்த பப்பாளி ஆண்டு முழுவதும் எளிதாக பெறலாம். இந்த பப்பாளியில் விதைகள் அதிகமாக உள்ளன. நீர் சத்தும் நிறைந்துள்ளன. ஆனால் இது வட்டமான பப்பாளியை விட குறைவான இனிப்பு மற்றும் ஜூசி கொண்டது.
எனவே நீங்கள் நீர்ச்சத்து நிறைந்த மற்றும் இனிப்பான பப்பாளி பழத்தை சாப்பிட விரும்பினால் வட்டமான பப்பாளி தான் சிறந்த தேர்வு.
இனிப்பான பப்பாளியை தேர்ந்தெடுக்க சில வழிகள் :
நிறம் - பப்பாளி நிறம் ஆரஞ்சு அல்லது மஞ்சள் நிறத்தில் இருந்தால் அது பழுத்த பப்பாளி என்று அர்த்தம்.
தோலை பார்த்து வாங்குதல் - பப்பாளியின் தோல் பகுதி மென்மையான, பளபளப்பான, எந்த புள்ளிகளும் இல்லாமல் புதிதாக இருந்தால் அது இயற்கை முறையில் பழுத்த பப்பாளியாகும். மேலும் அதிக ஜோசி மற்றும் இனிப்பாகவும் இருக்கும்.
தொட்டுப் பார்த்து வாங்குதல் - பப்பாளியின் தோல் பகுதி கடினமாக இருந்தால் அதை வாங்குவது நல்லதல்ல.
பப்பாளி பழத்தின் ஆரோக்கிய நன்மைகள் :
- பப்பாளி பழத்தில் இருக்கும் பைப்பேன் மற்றும் நார்ச்சத்து செரிமான செயல்முறையை சிறப்பாக செய்யும்.
- பப்பாளியில் கலோரிகள் குறைவாகவும், நார்ச்சத்தும் நிறைந்துள்ளதால் இது வயிறை நிரப்பிய உணர்வை கொடுத்து, கொழுப்பை எரித்து உடல் எடையை கட்டுக்குள் வைக்கும்.
- பப்பாளி பழத்தில் நார்ச்சத்து நிறைந்துள்ளதால் இதை தொடர்ந்து சாப்பிட்டு வந்தால் மலச்சிக்கல் பிரச்சனையில் இருந்து நிவாரணம் அளிக்கும் மற்றும் வயிற்றை சுத்தமாக வைக்கும்.
- பப்பாளியில் வைட்டமின் சி அதிகமாக உள்ளதால் இது வெள்ளை ரத்த அணுக்களை அதிகரிக்கும். இதனால் உடலில் நோய் எதிர்ப்பு சக்தி வலுப்படும்.
- பப்பாளி பழத்தில் இருக்கும் வைட்டமின் ஏ சருமத்தை உள்ளிருந்து ஊட்டமளித்து பளபளக்க செய்யும் மற்றும் தலைமுடி வளர்ச்சிக்கும் மிகவும் நன்மை பயக்கும்.