- Home
- Lifestyle
- Marriage Tips: கல்யாணமான 5 வருஷத்துக்கு பெத்தவங்களை விட்டு தனியா இருங்க! கோச் சொல்லும் வித்தியாசமான அட்வைஸ்
Marriage Tips: கல்யாணமான 5 வருஷத்துக்கு பெத்தவங்களை விட்டு தனியா இருங்க! கோச் சொல்லும் வித்தியாசமான அட்வைஸ்
Marriage Tips: திருமணமான முதல் 5 ஆண்டுகள் பெற்றோரிடமிருந்து தனியாக வாழ வேண்டும் என உறவு பயிற்சியாளர் கூறியுள்ளாராம். இந்த அறிவுரைக்கான காரணங்கள் மற்றும் குடும்ப சூழல் குறித்து தெரிந்துகொள்ளுங்கள்.
5 வருஷம் தனியா இருங்க
கல்யாணமான புதுசுல கணவன் - மனைவி தனியா வாழ்றது அவங்க உறவை பலப்படுத்தும்னு ரிலேஷன்ஷிப் கவுன்சிலரும் எழுத்தாளருமான அஜய் கே பாண்டே சொல்றாரு. தம்பதிகளுக்கு இடையிலான அன்பு, சுதந்திரம், பிரைவசிக்கு முக்கியத்துவம் கொடுக்கணும்னு அவர் அட்வைஸ் பண்றாரு.
மனைவிக்கு முதல் இடம்
கல்யாணத்துக்கு அப்புறம் மனைவியோட ஆசைகள், கனவுகள், உணர்வுகளுக்கு கணவன் முதல் இடம் கொடுக்கணும். குடும்பத்தை மதிக்கிற அதே நேரத்துல, கணவன் - மனைவி உறவையும் பத்திரமா பார்த்துக்க வேண்டியது ரொம்ப முக்கியம்.
விமர்சனம் வேண்டாம்
'இப்படி டிரஸ் பண்ணு', 'இப்படி சமை'னு தொடர்ந்து மனைவியை கண்ட்ரோல் பண்றது அவங்களோட தன்னம்பிக்கையை உடைச்சிடும். துணை அவங்களா இருக்க ஒரு பாதுகாப்பான, ஆதரவான சூழ்நிலையை நீங்க உருவாக்கிக் கொடுக்கணும்.
காதலுக்கு நேரம் கொடுங்க
வீட்டு வேலைகள், பொறுப்புகளுக்கு நடுவுல தம்பதிகள் அவங்களுக்கான தனிப்பட்ட நேரத்தை தொலைச்சிடக் கூடாது. ஒண்ணா உக்காந்து பேசுறது, நேரத்தை செலவிடுறது, அன்பை வெளிப்படுத்துறதுதான் உறவை ஸ்ட்ராங் ஆக்கும்.
துணைக்கு சுதந்திரம் கொடுங்க
துணை எடுக்குற ஒவ்வொரு முடிவையும் கேள்வி கேட்குறது, அவங்களை கண்ட்ரோல் பண்றது உறவுல பெரிய விரிசலை உண்டாக்கும். அவங்களோட தனிப்பட்ட விருப்பங்களுக்கும் சுதந்திரத்துக்கும் நீங்க கண்டிப்பா மரியாதை கொடுக்கணும்.
பிரைவசி அவசியம்
தம்பதிகளுக்குனு தனிப்பட்ட நேரமும் இடமும் கண்டிப்பா தேவை. எந்த பயமும் தயக்கமும் இல்லாம மனசு விட்டு பேசுறதுக்கு இந்த பிரைவசி ரொம்பவே உதவி செய்யும். எப்பவுமே ஒண்ணாவே இருக்குறது, இல்லனா குடும்பத்தோடவே இருக்குறது பர்சனல் ஸ்பேஸை குறைச்சிடும். ஒவ்வொருத்தருக்கும் அவங்களுக்கான தனிப்பட்ட ஆர்வம், நேரம், சுதந்திரம் இருக்க வேண்டியது அவசியம்.
தனிக்குடித்தனம் உறவை பலப்படுத்தும்
கொஞ்ச காலம் தனியா வாழ்றது மூலமா, தம்பதிகள் அவங்களுக்கான முடிவுகளை தாங்களே எடுக்கவும், ஒருத்தரை ஒருத்தர் நல்லா புரிஞ்சுக்கவும் வாய்ப்பு கிடைக்கும். சின்ன சின்ன சந்தோஷங்களை ஒண்ணா அனுபவிக்கிறது அவங்களை இன்னும் நெருக்கமாக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
