- Home
- Lifestyle
- Fridge Cleaning: கெமிக்கல் இல்லாம உங்க ஃபிரிட்ஜை வாசனையா, பளிச்சுனு மாத்த சிம்பிள் டிப்ஸ்!
Fridge Cleaning: கெமிக்கல் இல்லாம உங்க ஃபிரிட்ஜை வாசனையா, பளிச்சுனு மாத்த சிம்பிள் டிப்ஸ்!
வீட்டில் இருக்கும் சிம்பிளான பொருட்களை வைத்தே ஃபிரிட்ஜை கெமிக்கல் இல்லாமல் சுத்தப்படுத்தலாம். பாக்டீரியா, கெட்ட வாடை எல்லாம் நீங்கி, ஃபிரிட்ஜ் பளபளன்னு புதுசு மாதிரி ஆகிவிடும்.
ஃபிரிட்ஜ் சுத்தம் செய்யும் இயற்கை முறை
ரெஃப்ரிஜிரேட்டர் கிளீனிங்
ரெஃப்ரிஜிரேட்டர் கிளீனிங், கெமிக்கல் இல்லாமல் ஃபிரிட்ஜை சுத்தம் செய்ய பேக்கிங் சோடா, எலுமிச்சை சாறு, தண்ணீர், ஸ்பாஞ்ச், ஒரு சின்ன கிண்ணம், வேக்யூம் அல்லது பிரஷ் போதும். இந்த பொருட்கள் எல்லாம் வீட்டிலேயே இருக்கும். ஃபிரிட்ஜில் உள்ள எல்லாவற்றையும் வெளியே எடுத்துவிட்டு கிளீனிங்கை ஆரம்பிக்கலாம். முதலில் ஃபிரிட்ஜில் உள்ள அனைத்து உணவுகளையும், அலமாரிகளையும் வெளியே எடுக்க வேண்டும். பின், ஃபிரிட்ஜின் பின்புறம் மற்றும் அடியில் உள்ள தூசிகளை வேக்யூம் அல்லது பிரஷ் கொண்டு சுத்தப்படுத்தவும்.
வினிகர் லிக்விட்
வினிகர் மற்றும் சுடுதண்ணீர் கலவை ஃபிரிட்ஜை சுத்தம் செய்ய உதவும் மிகச்சிறந்த இயற்கை கிருமிநாசினியாகும். சம அளவு வினிகரையும் வெதுவெதுப்பான நீரையும் கலந்து ஒரு ஸ்பிரே பாட்டிலில் ஊற்றிக் கொள்ளவும். இந்த கலவையை ஃபிரிட்ஜின் உட்புறம், அலமாரிகள் மற்றும் கதவுப் பகுதிகளில் ஸ்பிரே செய்து, ஒரு சுத்தமான துணியால் துடைத்து எடுக்க வேண்டும்.
வினிகரில் உள்ள அசிட்டிக் அமிலம் துர்நாற்றத்தை உடனடியாகப் போக்குவதுடன், கறைகளையும் எளிதில் நீக்கும். ஃபிரிட்ஜில் உருவாகும் பாக்டீரியா, பூஞ்சை மற்றும் கிருமிகளை அழித்து, உணவுகளைப் பாதுகாப்பாக வைக்க இது உதவுகிறது. வேதிப்பொருட்கள் இல்லாத இந்த எளிய இயற்கை முறை, ஃபிரிட்ஜை எப்போதும் புதுப்பொலிவுடனும், துர்நாற்றமின்றியும் வைத்திருக்கச் செய்யும் சிறந்த வழி.
துர்நாற்றம் போக என்ன செய்ய வேண்டும்?
ஃபிரிட்ஜை சுத்தம் செய்த பிறகும் சில நேரங்களில் கெட்ட வாடை தொடர்ந்து இருக்கலாம். இதற்கு வீட்டிலேயே எளிய முறையில் தீர்வு காணலாம். ஒரு சிறிய கிண்ணத்தில் பேக்கிங் சோடாவை வைத்து ஃபிரிட்ஜுக்குள் வையுங்கள். பேக்கிங் சோடா, ஃபிரிட்ஜில் இருக்கும் விரும்பத்தகாத வாடைகளை உறிஞ்சிக்கொள்ளும். சில நாட்களுக்கு ஒருமுறை பேக்கிங் சோடாவை மாற்றுவது நல்லது. இதுதவிர, வெட்டிய எலுமிச்சை துண்டுகளை ஒரு கிண்ணத்தில் வைத்து ஃபிரிட்ஜுக்குள் வைக்கலாம். காபி தூள் மற்றும் சிறிதளவு வெண்ணிலாவையும் பயன்படுத்தலாம். இவை கெட்ட வாடையை குறைத்து, ஃபிரிட்ஜுக்குள்
புத்துணர்ச்சியான மணத்தை ஏற்படுத்த உதவும். உணவுப் பொருட்களை மூடி வைப்பதும், கெட்டுப்போன உணவுகளை உடனடியாக அகற்றுவதும் வாடை ஏற்படுவதைத் தடுக்க உதவும். ஃபிரிட்ஜின் உள்ளே அலமாரிகள், மூலைகள், கதவு ரப்பர் பகுதிகளையும் முறையாக சுத்தம் செய்வது அவசியம். இவ்வாறு பராமரித்தால் ஃபிரிட்ஜ் எப்போதும் சுத்தமாகவும் புத்துணர்ச்சியாகவும் இருக்கும்.
டோரில் உள்ள ரப்பர் சீலை மறக்காதீர்கள்
ஃபிரிட்ஜின் உள்ளேயும் வெளியேயும் சுத்தம் செய்த பிறகு, டோரில் இருக்கும் ரப்பர் சீலையும் சுத்தம் செய்ய மறக்காதீர்கள். இந்தப் பகுதியில் உணவுத் துகள்கள், ஈரப்பதம் போன்றவை சேர்ந்து அழுக்கு படியலாம். இதனால் காலப்போக்கில் பூஞ்சை மற்றும் விரும்பத்தகாத வாடை ஏற்பட வாய்ப்புள்ளது. ரப்பர் சீலை சுத்தம் செய்ய, சிறிதளவு வினிகரில் நனைத்த மென்மையான துணியால் நன்றாகத் துடைக்கலாம். ரப்பரின் மடிப்புகளுக்குள் இருக்கும் அழுக்கை அகற்ற சிறிய மென்மையான பிரஷையும் பயன்படுத்தலாம். சுத்தம் செய்த பிறகு ஈரப்பதம் இல்லாமல் உலர்ந்த துணியால் துடைப்பது நல்லது. குறிப்பாக மூலைகள் மற்றும் மடிப்புகளில் அழுக்கு இருக்கிறதா என்பதையும் கவனமாகப் பாருங்கள். இவ்வாறு முறையாக சுத்தம் செய்வது ஃபிரிட்ஜை சுகாதாரமாகவும், டோர் சீல் நன்றாகவும் பராமரிக்க உதவும். மாதத்திற்கு ஒருமுறையாவது ரப்பர் சீலைச் சுத்தம் செய்வது நல்ல பழக்கமாகும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
