- Home
- Lifestyle
- Mutton Kothu Kari Bonda: கெத்தான சுவையில் கொத்துக்கறி போண்டா.! குழந்தைகளுக்கான சத்தான ஸ்நாக்ஸ்.! ரொம்ப ரொம்ப ஈசிங்க.!
Mutton Kothu Kari Bonda: கெத்தான சுவையில் கொத்துக்கறி போண்டா.! குழந்தைகளுக்கான சத்தான ஸ்நாக்ஸ்.! ரொம்ப ரொம்ப ஈசிங்க.!
மட்டன் கொத்துக்கறி போண்டாவை வீட்டிலேயே எளிமையாக செய்வது எப்படி? குழந்தைகள் விரும்பி சாப்பிடும் வகையில் சுவையாகவும், மொறுமொறுப்பாகவும் தயாரிக்கக்கூடிய இந்த சத்தான ஸ்நாக்ஸ் ரெசிபியை தெரிந்து கொள்ளுங்கள்.
அப்பாடா.! இப்படியொரு சுவையில் செம சினாக்ஸ்.!
குழந்தைகளுக்கு தினமும் ஒரே மாதிரியான ஸ்நாக்ஸ் கொடுப்பது பல பெற்றோருக்கும் சவாலாக இருக்கும். கடைகளில் கிடைக்கும் எண்ணெய் அதிகம் நிறைந்த ஸ்நாக்ஸ்களுக்கு பதிலாக, வீட்டிலேயே சுவையாகவும், சத்தாகவும் ஒரு சிற்றுண்டியை தயாரித்து கொடுக்கலாம். அந்த வகையில் குழந்தைகள் விரும்பி சாப்பிடும் வகையில் செய்யக்கூடியதுதான் கொத்துக்கறி போண்டா. மசாலா வாசனையுடன், வெளியில் மொறுமொறுப்பாகவும் உள்ளே மென்மையாகவும் இருக்கும் இந்த போண்டா, மாலை நேர ஸ்நாக்ஸாக மட்டுமல்லாமல், பள்ளியில் இருந்து வரும் குழந்தைகளுக்கும் சிறந்த தேர்வாக இருக்கும்.
ருசியை வரவழைக்கும் ஈசி ரெசிபி
இந்த கொத்துக்கறி போண்டாவை தயாரிக்க முதலில் தேவையான அளவு கொத்துக்கறியை நன்றாக சுத்தம் செய்து வேகவைக்க வேண்டும். குக்கரில் சிறிதளவு மஞ்சள் தூள், உப்பு சேர்த்து கொத்துக்கறியை வேகவைத்துக் கொள்ளலாம். வெந்ததும் அதில் இருக்கும் அதிகப்படியான நீரை வடித்து, கொத்துக்கறியை நன்றாக உதிர்த்து வைத்துக் கொள்ள வேண்டும். குழந்தைகள் சாப்பிடுவதற்கு ஏற்ற வகையில் கொத்துக்கறியை சிறியதாக நறுக்கிக் கொள்வது நல்லது.
ஒரு புடி.! எல்லோரும் வாங்க.!
அடுத்து ஒரு கடாயில் சிறிதளவு எண்ணெய் ஊற்றி, பொடியாக நறுக்கிய வெங்காயம், பச்சை மிளகாய் மற்றும் இஞ்சி-பூண்டு விழுது சேர்த்து வதக்க வேண்டும். வெங்காயம் பொன்னிறமாக மாறியதும் மிளகாய்த்தூள், மஞ்சள்தூள், சீரகத்தூள், கரம் மசாலா போன்றவற்றை தேவையான அளவு சேர்க்கலாம். குழந்தைகளுக்காக தயாரிப்பதால் காரத்தை குறைவாக வைத்துக் கொள்வது நல்லது. பின்னர் வேகவைத்த கொத்துக்கறியை சேர்த்து மசாலாவுடன் நன்றாக கலந்து சில நிமிடங்கள் வதக்க வேண்டும். இறுதியாக கொத்தமல்லி இலை தூவி அடுப்பை அணைக்கலாம்.
போண்டா பிடிக்காலம் வாங்க வாங்க
இப்போது போண்டாவுக்கான மாவை தயார் செய்ய வேண்டும். இதற்கு கடலை மாவுடன் சிறிதளவு அரிசி மாவு, உப்பு, மஞ்சள்தூள் மற்றும் தேவையான அளவு தண்ணீர் சேர்த்து கெட்டியான பதத்தில் மாவை கலந்து கொள்ள வேண்டும். மாவு மிகவும் தளர்வாக இல்லாமல், கொத்துக்கறி உருண்டையை நன்றாகப் பிடிக்கும் அளவுக்கு இருக்க வேண்டும்.
தீயில் பொன்னிறமாகும் வரை பொரிக்க வேண்டும்
வதக்கிய கொத்துக்கறியை சிறிய உருண்டைகளாக உருட்டிக் கொள்ள வேண்டும். ஒவ்வொரு உருண்டையையும் கடலை மாவில் நன்றாக முக்கி எடுத்து, சூடான எண்ணெயில் போட்டு மிதமான தீயில் பொன்னிறமாகும் வரை பொரிக்க வேண்டும். அதிக தீயில் பொரித்தால் வெளிப்புறம் மட்டும் சீக்கிரம் சிவந்து, உள்ளே சரியாக வேகாமல் போகலாம். எனவே மிதமான தீயில் பொறுமையாக பொரிப்பதே சிறந்தது.
சூடாக இருக்கும்போதே பரிமாறினால் சுவையோ சுவை
பொன்னிறமாக வெந்ததும் போண்டாக்களை எண்ணெயில் இருந்து எடுத்து, டிஷ்யூ பேப்பரில் வைத்து அதிகப்படியான எண்ணெயை உறிஞ்சிக் கொள்ளலாம். சூடாக இருக்கும்போதே பரிமாறினால் அதன் மொறுமொறுப்பான சுவை குழந்தைகளுக்கு மிகவும் பிடிக்கும். இதனுடன் புதினா சட்னி அல்லது தேங்காய் சட்னி கொடுத்தாலும் சுவையாக இருக்கும்.
கொத்துக்கறியில் புரதச்சத்து உள்ளிட்ட பல்வேறு ஊட்டச்சத்துக்கள் கிடைக்கின்றன. இருப்பினும், இது எண்ணெயில் பொரிக்கப்படும் ஸ்நாக்ஸ் என்பதால் அளவோடு கொடுப்பது நல்லது. குழந்தைகளின் வயதுக்கு ஏற்ப மசாலா மற்றும் காரத்தின் அளவை மாற்றிக் கொள்ளலாம். நன்றாக வேகவைத்த இறைச்சியை மட்டுமே பயன்படுத்த வேண்டும்.
மாலை நேரத்தில் குடும்பத்துடன் சூடான தேநீருடன் சாப்பிடுங்க
வீட்டில் கிடைக்கும் எளிய பொருட்களைக் கொண்டு சுவையாக தயாரிக்கக்கூடிய இந்த கொத்துக்கறி போண்டா, குழந்தைகளுக்கு வித்தியாசமான ஸ்நாக்ஸ் கொடுக்க நினைக்கும் பெற்றோருக்கு நல்ல ஐடியாவாக இருக்கும். மாலை நேரத்தில் குடும்பத்துடன் சூடான தேநீர் அல்லது குழந்தைகளுக்கான பானத்துடன் இந்த போண்டாவை பரிமாறினால், அனைவரும் விரும்பி சாப்பிடுவார்கள். சுவையும் சத்தும் நிறைந்த இந்த ஈஸியான ரெசிபியை வீட்டிலேயே செய்து பார்த்து மகிழுங்கள்!
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
