எரிவாயு, பெட்ரோல், கிரடிட் கார்டுகளில் புதிய மாற்றம்!!

எல்பிஜி சிலிண்டர் விலை, கிரட்டி கார்டு,  அரசு ஊழியர்களுக்கான அகவிலைப்படி ஆகியவற்றில் செப்டம்பர் ஒன்று முதல் மாற்றங்கள் ஏற்பட வாய்ப்புள்ளது. 

எரிவாயு, பெட்ரோல், கிரடிட் கார்டுகளில் மாற்றம்!!

செப்டம்பர் 1 முதல் பல பெரிய மாற்றங்கள் நிகழ உள்ளன. இந்த மாற்றங்களில் எல்பிஜி சிலிண்டர் விலை, கிரடிட் கார்டு விதிகளும் அடங்கும். அதுமட்டுமின்றி, அரசு ஊழியர்களுக்கான அகவிலைப்படி தொடர்பான சிறப்பு அறிவிப்புகளும் வெளியாக வாய்ப்புள்ளது. செப்டம்பர் மாதத்தில் என்னென்ன மாற்றங்கள் நிகழ வாய்ப்புள்ளது?  அது உங்கள் பாக்கெட்டை எந்த அளவிற்கு பாதிக்கும் என்று பார்க்கலாம். 

எல்பிஜி சிலிண்டர்

ஒவ்வொரு மாதத்தின் முதல் தேதியிலும் இந்திய அரசு எல்பிஜி விலையை மாற்றியமைக்கிறது. வணிக எரிவாயு சிலிண்டர்கள், வீடுகளில் பயன்படுத்தப்படும் எரிவாயு சிலிண்டர்களின் விலைகளில் மாற்றங்கள் நிகழ்ந்து வருகின்றன. இந்த பின்னணியில் இந்த முறையும் எல்பிஜி சிலிண்டர் விலையில் மாற்றம் இருக்கும் என எதிர்பார்க்கப்படுகிறது. கடந்த மாதம் வணிக எல்பிஜி எரிவாயு சிலிண்டரின் விலை ரூ.8.50 அதிகரித்தது. ஜூலையில் இதன் விலை ரூ.30 குறைந்தது. 

சிஎன்ஜி-பிஎன்ஜி விலை

எல்பிஜி சிலிண்டர் விலையுடன், எண்ணெய் சந்தைப்படுத்தல் நிறுவனங்களும் விமான எரிபொருள், சிஎன்ஜி-பிஎன்ஜி விலைகளையும் மாற்றியமைக்க இருப்பதாக கூறப்படுகிறது. 

டிராய்

போலி அழைப்புகள், போலி செய்திகளைத் தடுக்க தொலைத்தொடர்பு நிறுவனங்களை டிராய் எச்சரித்துள்ளது. இதற்காக டிராய் கடுமையான வழிகாட்டுதல்களை வெளியிட்டுள்ளது. ஜியோ, ஏர்டெல், வோடாபோன், ஐடியா, பிஎஸ்என்எல் போன்ற தொலைத்தொடர்பு நிறுவனங்கள் 140 மொபைல் எண்களுடன் தொடங்கி பிளாக்செயின் அடிப்படையிலான டிஎல்டி டெலிமார்க்கெட்டிங் அழைப்புகள்,  வணிக செய்திகளை அனுப்ப வேண்டும் என்று டிராய் கேட்டுள்ளது. 

கிரடிட் கார்டு விதி

எச்டிஎஃப்சி வங்கி பயன்பாட்டு பில் செலுத்தல் பரிவர்த்தனைகளுக்கான ரிவார்டு வரம்பை செப்டம்பர் 1 முதல் நிர்ணயிக்க உள்ளது. இதன்படி வாடிக்கையாளர்கள் இந்த பரிவர்த்தனைகளுக்கு மாதத்திற்கு 2,000 புள்ளிகளை மட்டுமே பெற முடியும். மூன்றாம் தரப்பு செயலிகள் மூலம் பணம் செலுத்துவதற்கு எச்டிஎஃப்சி வங்கி எந்த ரிவார்டுகளையும் வழங்காது. 

ஐடிஎஃப்சி

செப்டம்பர் 2024 முதல், ஐடிஎஃப்சி வங்கி கிரடிட் கார்டுகளுக்கான குறைந்தபட்ச தொகையை குறைக்க உள்ளது. கட்டண தேதியும் 18ல் இருந்து 15 நாட்களாக குறைக்கப்படும். இது தவிர, செப்டம்பர் 1, 2024 முதல் யுபிஐ உடன் பிற தளங்களில் பணம் செலுத்த ரூபே கிரடிட் கார்டுகளைப்  பயன்படுத்தும் வாடிக்கையாளர்கள் பிற கட்டண சேவை வழங்குநர்களின் கிரடிட் கார்டு   பயன்படுத்துபவர்களுக்கு வழங்கப்படும் ரிவார்டு புள்ளிகளைப் பெறுவார்கள். 

ஆதார் புதுப்பிப்பு காலக்கெடு

ஆதார் அட்டையை இலவசமாகப் புதுப்பிக்க கடைசி தேதி செப்டம்பர் 14 ஆகும். அதன் பிறகு, ஆதாருடன் தொடர்புடைய சில விஷயங்களை இலவசமாகப் புதுப்பிக்க முடியாது. செப்டம்பர் 14க்குப் பிறகு, ஆதாரைப் புதுப்பிக்க நீங்கள் கட்டணம் செலுத்த வேண்டியிருக்கும். இருப்பினும், ஆதாரை இலவசமாகப் புதுப்பிக்க கடைசி தேதி ஜூன் 14, 2024, இது செப்டம்பர் 14, 2024 வரை நீட்டிக்கப்பட்டது. 

அகவிலைப்படி

செப்டம்பரில் மத்திய அரசு ஊழியர்களுக்கு முக்கிய அறிவிப்பு வெளியாக வாய்ப்புள்ளது. அரசு ஊழியர்களுக்கு அகவிலைப்படி 3 சதவீதம் அதிகரிக்க வாய்ப்புள்ளது. தற்போது அரசு ஊழியர்களுக்கு 50 சதவீதம் அகவிலைப்படி (டிஏ) வழங்கப்படுகிறது, 3 சதவீதம் உயர்வுக்குப் பிறகு, அது 53 சதவீதத்தை எட்டும்.