Washing Machine: லிக்விட் vs பவுடர்: உங்கள் வாஷிங் மெஷினுக்கு எது நல்லது? ஆயுளை கூட்டும் ரகசியம்!

Washing Machine: வாஷிங் மெஷினுக்கு லிக்விட் டிடர்ஜெண்ட் நல்லதா அல்லது பவுடர் நல்லதா? ஃபிரண்ட் லோட் மற்றும் டாப் லோட் மெஷின்களுக்கு ஏற்ற சரியான டிடர்ஜெண்டை தேர்ந்தெடுத்து, மெஷினின் ஆயுளை அதிகரிக்கும் டிப்ஸ் குறித்து பார்க்கலாம்.

Image Credit : AI

லிக்விட் vs பவுடர்: வாஷிங் மெஷினுக்கு எது நல்லது?

ஒரு காலத்தில் செல்வந்தர்களின் வீடுகளில் மட்டுமே இருந்த வாஷிங் மெஷின், இப்போது அனைத்து வீடுகளிலும் அத்தியாவசியமான ஒன்றாக மாறிவிட்டது. ஆனால், மெஷினுக்கு திரவ டிடர்ஜெண்ட் நல்லதா அல்லது பவுடர் நல்லதா என்பதில் பலருக்குக் குழப்பம் நீடிக்கிறது. உங்கள் மெஷினுக்கு எது சரியான தேர்வு என்று இதில் விரிவாகப் பார்க்கலாம்.

வாஷிங் மெஷின் வகைகள்

சந்தையில் 'டாப் லோட்' (Top Load) மற்றும் 'ஃபிரண்ட் லோட்' (Front Load) என இரண்டு வகையான வாஷிங் மெஷின்கள் உள்ளன. துணிகள் மிகச் சுத்தமாகத் துவைக்கப்பட வேண்டும், திறன்மிக்கதாக இயங்க வேண்டும் என்றால் ஃபிரண்ட் லோட் மெஷின் சரியான தேர்வாகும். விலை குறைவாகவும், எளிதாகப் பயன்படுத்தவும் விரும்பினால் டாப் லோட் மெஷினை வாங்கலாம். இருப்பினும், துணி சுத்தமாவதில் மிக முக்கியப் பங்கு டிடர்ஜெண்ட்களுக்கே உள்ளது.

இதையும் படிங்க: கடல் மீன் vs ஆற்று மீன்: எதில் சத்துக்கள் அதிகம்? உடம்புக்கு எது நல்லது? ஊட்டச்சத்து நிபுணர்கள் விளக்கம்!

Image Credit : Chatgpt

ஃபிரண்ட் லோட்

ஃபிரண்ட் லோட் மெஷின்கள், துணிகளை மெதுவாகச் சுழற்றி கரைகளை நீக்குகின்றன. இதனால் துணிகள் விரைவில் சேதமடையாது. குறைந்த அளவு தண்ணீரும், குறைந்த மின்சாரமுமே இதற்குப் போதுமானது. இதன் சுழற்சி வேகம் அதிகமாக இருப்பதால் துணிகள் விரைவில் காய்ந்துவிடும். இயங்கும்போது சத்தமும் மிகக் குறைவாகவே வரும்.

டாப் லோட்

டாப் லோட் மெஷின்கள் சிக்கனமானவை.மெஷின் இயங்கிக் கொண்டிருக்கும்போதே கூடுதல் துணிகளை உள்ளே போட முடியும். ஃபிரண்ட் லோட் மெஷினில் இந்த வசதி இல்லை. மேல்புறம் திறக்கும் வகையில் அமைந்திருப்பதால், ஈரப்பதம் தங்கி பூஞ்சை ஏற்படும் பிரச்சினையும் குறைவு. ஆனால், இது துணிகளைச் சற்று வேகமாகச் சுழற்றித் துவைப்பதால் துணிகள் விரைவில் பழமையடைய வாய்ப்புள்ளது.

இதையும் படிங்க: Smart Meter: கரண்ட் பில் அதிகமாக வந்துருச்சா? இனி அந்த கவலை இல்லை.. அரசு சொன்ன குட்நியூஸ்!

Image Credit : Getty

டிடர்ஜெண்ட் எப்போது மாற்ற வேண்டும்?

நீங்கள் பயன்படுத்தும் மெஷினின் வகையைப் பொறுத்து டிடர்ஜெண்ட்டையும் மாற்ற வேண்டும். ஃபிரண்ட் லோட் மெஷினுக்குக் குறைந்த அளவு தண்ணீரே தேவைப்படும் என்பதால், திரவ டிடர்ஜெண்ட் (Liquid) அல்லது நுரை குறைவாக வரக்கூடிய பவுடர் சிறந்தது. டாப் லோட் மெஷினுக்கு அதிக தண்ணீர் தேவைப்படும் என்பதால், எளிதில் கரையக்கூடிய பவுடர் டிடர்ஜெண்ட் ஏற்றது. தவறான டிடர்ஜெண்ட்டைப் பயன்படுத்தினால், அது மெஷினுக்குள் கட்டியாகி மெஷினின் ஆயுளைக் குறைத்துவிடும்.

பசுமை டிடர்ஜெண்ட்கள்

சுற்றுச்சூழலுக்குப் பாதிப்பு ஏற்படுத்தாத 'பசுமை டிடர்ஜெண்ட்கள்' தற்போது சந்தையில் கிடைக்கின்றன. இவை குறைந்த தண்ணீர் பயன்படுத்தும் ஃபிரண்ட் லோட் மெஷின்களுக்காகவே பிரத்யேகமாகத் தயாரிக்கப்படுகின்றன. டாப் லோட் மெஷினுக்கு ஏற்ற சூழல்-நட்பு டிடர்ஜெண்ட்களும் உள்ளன. துணிகள் சுத்தமாக வேண்டும், அதேவேளையில் சுற்றுச்சூழலையும் பாதுகாக்க வேண்டும் என்று நினைத்தால் இது ஒரு நல்ல தேர்வாகும்.

இதையும் படிங்க: Gas Booking: இனி புக் பண்ண 4 மணிநேரத்துல கேஸ் சிலிண்டர் வீட்டுக்கு வரும்! சூப்பர் அறிவிப்பு!

Image Credit : Getty

டிடர்ஜெண்ட் பயன்படுத்தும்போது கவனிக்க வேண்டியவை

அளவுக்கு அதிகமான பயன்பாடு அபாயகரமானது: அதிக டிடர்ஜெண்ட் போட்டால் துணி நன்றாகச் சுத்தமாகும்" என்பது தவறான கருத்து. அதிக பவுடர் அல்லது லிக்விட் பயன்படுத்தினால் நுரை அதிகமாகி, மெஷினின் மோட்டாரைப் பாதிக்கும். மேலும் துணிகளிலும் சோப்பு வாசனை தங்கிவிடும்.

கடின நீர் பிரச்சினை: உங்கள் வீட்டில் உவர்ப்பு நீர் அல்லது உப்புத் தண்ணீர் வருகிறது என்றால், பவுடரை விட லிக்விட் டிடர்ஜெண்ட் மட்டுமே சிறந்த பலனைத் தரும். உப்பு நீரில் பவுடர் சரியாகக் கரையாமல் துணியில் வெள்ளைத் திட்டுகளாகப் படிந்துவிடும்.