Cockroach Repellent Plants: கிச்சனில் கரப்பான்பூச்சி தொல்லையா? இந்த 4 செடிகள் வீட்டில் இருந்தால் அலறியடித்து ஓடும்!

Kitchen: வீட்டின் சமையலறை, ஸ்டோர் ரூம் மற்றும் ஈரப்பதம் அதிகம் உள்ள இடங்களில் கரப்பான்பூச்சிகள் மிக வேகமாகப் பெருகிவிடும்? இதை கெமிக்கல் இல்லாமல் எளிமையாக விரட்ட உதவும் 4 செடிகளைப் பற்றி இங்கே பார்க்கலாம்.

Image Credit : Asianet News

கரப்பான்பூச்சி விரட்டும் செடிகள்

வீட்டின் சமையலறை, ஸ்டோர் ரூம் மற்றும் ஈரப்பதம் அதிகம் உள்ள இடங்களில் கரப்பான்பூச்சிகள் மிக வேகமாகப் பெருகிவிடும். இவற்றைக் கட்டுப்படுத்த கடைகளில் விற்கும் ரசாயன ஸ்ப்ரேக்களைப் பயன்படுத்தினால், அது நம் ஆரோக்கியத்திற்கு, குறிப்பாக உணவுகள் இருக்கும் சமையலறைக்கு நல்லதல்ல. இதற்கு ஒரு சூப்பர் இயற்கை தீர்வு உள்ளது. சில குறிப்பிட்ட செடிகளை வீட்டில் வளர்ப்பதன் மூலம், அவற்றிலிருந்து வரும் நறுமணத்திற்கே கரப்பான் பூச்சிகள் வீட்டை விட்டு ஓடிவிடும். இந்த செடிகள் வீட்டிற்கு அழகைத் தருவதோடு, பூச்சிகளையும் இயற்கையாக விரட்டுகின்றன. அவை என்னென்ன செடிகள் என்பதை பார்ப்போம்.

Image Credit : AI

புதினாச் செடி

சமையலறையில் உணவுப் பொருட்கள் இருப்பதால் அங்குதான் கரப்பான்பூச்சிகள் அதிகம் படையெடுக்கும். இதைத் தடுக்க புதினா ஒரு எளிய அஸ்திரமாகும். புதினாவின் அசாத்தியமான நறுமணம் கரப்பான்பூச்சிகளுக்கு அலர்ஜியை ஏற்படுத்தும். மிகக் குறைந்த இடமே இருந்தால் கூட ஒரு சிறிய பிளாஸ்டிக் பாட்டில் அல்லது தொட்டியில் புதினா தண்டை வைத்தே இதை எளிதாக வளர்க்கலாம். சமையலறை ஜன்னல் அல்லது சிங்க் (Sink) அருகில் இதை வைக்கலாம். இதனால் கரப்பான்பூச்சி மட்டுமின்றி, ஈ மற்றும் சிறிய பூச்சிகளும் வராது.

Image Credit : pinterest

பிரியாணி இலைச் செடி

பிரியாணி இலை உணவிற்கு நறுமணமும் சுவையும் தருவதோடு மட்டுமல்லாமல், சிறந்த பூச்சி விரட்டியாகவும் செயல்படுகிறது. இந்த இலையில் இருந்து வெளிவரும் ஒருவித காரமான வாசனை கரப்பான்பூச்சிகள் மற்றும் கொசுக்களுக்குப் பிடிக்காது. இந்தச் செடியைச் சமையலறையிலோ அல்லது பால்கனியிலோ வளர்க்கலாம். செடி வளர்க்க முடியாதவர்கள், காய்ந்த பிரியாணி இலைகளைக் கரப்பான்பூச்சிகள் நடமாடும் இடங்களில் தூவி வைக்கலாம்.

Image Credit : gemini

லாவெண்டர் செடி

லாவெண்டர் பூக்களின் வாசனை மனிதர்களாகிய நமக்கு மன அமைதியைத் தந்தாலும், பூச்சிகளுக்கு அது எமனாக மாறும். இதன் கடுமையான வாசனை கரப்பான்பூச்சிகளின் நுகர்வுத் திறனைப் பாதிக்கும் என்பதால் அவை இந்தச் செடி இருக்கும் பக்கமே வராது. வரவேற்பறை அல்லது பால்கனியில் லாவெண்டர் செடியை வளர்க்கலாம். காய்ந்த லாவெண்டர் இலைகளைப் பூச்சிகள் வரும் நுழைவாயில்களில் போட்டு வைப்பதும் நல்லது.

Image Credit : Getty

ரோஸ்மேரி செடி

ரோஸ்மேரி ஒரு சிறந்த மூலிகைச் செடியாகும். இதன் நறுமணம் வீடு முழுக்க ஒரு புத்துணர்ச்சியான சூழலை உருவாக்கும். கொசுக்கள் மற்றும் கரப்பான்பூச்சிகளை விரட்டுவதில் ரோஸ்மேரிக்கு முக்கியப் பங்கு உண்டு. சூரிய ஒளி நன்றாகப் படும் இடத்தில் இந்தச் செடியை மிக எளிதாக வளர்த்துவிடலாம். உங்களது கிச்சன் கார்டன் அல்லது ஜன்னல் ஓரங்களில் இதை வைத்தால் வீடு பசுமையாவதோடு, கரப்பான்பூச்சித் தொல்லையும் நிரந்தரமாக நீங்கும்.