- Home
- Lifestyle
- Towel Planter DIY: பழைய டவலை தூக்கி போடாதீங்க! 5 மாடர்ன் செடித் தொட்டிகளை ஈஸியா செய்யலாம்!
Towel Planter DIY: பழைய டவலை தூக்கி போடாதீங்க! 5 மாடர்ன் செடித் தொட்டிகளை ஈஸியா செய்யலாம்!
வீட்ல பழைய டவல் இருக்கா? அதை வச்சு தரை துடைக்கலாம்னு நினைக்கிறீங்களா? கொஞ்சம் வெயிட் பண்ணுங்க. அதே பழைய டவலை வச்சு சூப்பரான, ஸ்டைலான செடித் தொட்டிகளை நீங்களே செய்யலாம்.
டவல் பிளான்டர் செய்வது எப்படி?
முதல்ல, ஒரு பக்கெட்டில் சிமென்ட் மற்றும் தண்ணீர் சேர்த்து கெட்டியான கலவையா ரெடி பண்ணுங்க. இப்போ, பழைய டவலை இந்தக் கலவையில முழுசா முக்கி எடுங்க. பிறகு, ஒரு பக்கெட், பாத்திரம் அல்லது தொட்டியை தலைகீழா வச்சு, அது மேல இந்த டவலை விரிச்சு விடுங்க. உங்களுக்குப் பிடிச்ச டிசைன்ல ஓரங்களை மடிச்சு விடலாம். இதை 24 முதல் 48 மணி நேரம் நல்லா வெயில்ல காய விடுங்க. சிமென்ட் நல்லா காய்ந்து கெட்டியானதும், அந்த அச்சுல இருந்து மெதுவா பிரிச்சு எடுத்தா, அழகான, உறுதியான டவல் செடித் தொட்டி ரெடி!
டப் டவல் பிளான்டர்
உங்ககிட்ட ஏற்கனவே செடி வச்ச பழைய டப் அல்லது கண்டெய்னர் இருக்கா? அதுக்கும் ஒரு கிரியேட்டிவ் லுக் கொடுக்கலாம். சிமென்ட் கலவையில நனைச்ச டவலை அந்த கண்டெய்னர் மேல டிசைனா விரிச்சு காய விடுங்க. காய்ஞ்சதும், அந்த கண்டெய்னர் மேல டவலோட அழகான டெக்ஸ்ச்சர் லேயர் உருவாகிடும். உங்களுக்கு விருப்பம்னா, பெயின்ட் அடிச்சு, கற்களை வச்சும் அலங்கரிக்கலாம்.
சின்ன டவலில் இன்டோர் பிளான்டர்
உங்ககிட்ட சின்ன கைத் துண்டுகள் (Hand Towels) இருந்தா, அத வச்சும் இன்டோர் பிளான்டர்ஸ் செய்யலாம். ஒரு கூல்டிரிங்ஸ் கேன் அல்லது சின்ன கண்டெய்னர் மேல, சிமென்ட்ல நனைச்ச டவலை தலைகீழா தொங்க விடுங்க. 24-லிருந்து 48 மணி நேரம் காய்ஞ்ச பிறகு, அதுல மண்ணை நிரப்பி சின்ன செடிகள் அல்லது சக்குலன்ட்ஸ் (succulents) நடலாம். வீட்டுக்குள்ள அழகா அலங்கரிக்க இது ஒரு சூப்பர் ஐடியா.
ஸ்டாண்டுடன் கூடிய டவல் பிளான்டர்
பழைய ஸ்டாண்ட் இருந்தா, அத வச்சும் ஸ்டைலான டவல் பிளான்டர் செய்யலாம். ஸ்டாண்ட் மேல ஒரு பெரிய பாத்திரத்தை (bowl) வைங்க. இப்போ, சிமென்ட்ல முக்கின டவலை அந்த பாத்திரத்தின் மேல விரிச்சு விடுங்க. காய்ஞ்சதும், பார்க்குறதுக்கு துணியைத் தொங்க விட்ட மாதிரி ஒரு லுக் கிடைக்கும். இதுக்கு மேல கோல்டன், சில்வர் அல்லது பல வண்ண மெட்டாலிக் பெயின்ட் அடிச்சா இன்னும் சூப்பரா இருக்கும்.
பிளாக் டவல் பிளான்டரில் எஸ்தெடிக் லுக்
உங்க பிளான்டருக்கு ஒரு மாடர்ன் மற்றும் எஸ்தெடிக் (aesthetic) லுக் கொடுக்கணுமா? அப்போ அதுக்கு பிளாக் மெட்டாலிக் பெயின்ட் அடிங்க. சாதாரண சிமென்ட் கலவையில டவலை முக்கி, ஒரு பக்கெட் மேல வச்சு டிசைன் பண்ணுங்க. காய்ஞ்சதும், அதோட ஓரங்களைச் சரிசெய்து, மேல பிளாக் அல்லது சாம்பல் நிற (charcoal shade) மெட்டாலிக் பெயின்ட் அடிங்க. இப்படி செஞ்சா, பிளான்டர் பார்க்க ரொம்ப ஸ்டைலா தெரியும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
