- Home
- Lifestyle
- Natural Wall Cooling: வெயிலில் இருந்து வீட்டை பாதுகாக்கும் இயற்கை ஏசி ! சுவர்களை குளிர்ச்சியாக்கும் 5 சூப்பர் பூங்கொடிகள்!
Natural Wall Cooling: வெயிலில் இருந்து வீட்டை பாதுகாக்கும் இயற்கை ஏசி ! சுவர்களை குளிர்ச்சியாக்கும் 5 சூப்பர் பூங்கொடிகள்!
Top 5 Climbing Plants: கோடை காலத்தில் வீட்டுச் சுவர்கள் அதிக வெயிலால் சூடாகிவிடும். இதைத் தடுக்க, போஹன்வில்லா, மதுமாலதி, அபராஜிதா, க்ளிமாடிஸ் போன்ற பூங்கொடிகளை வளர்க்கலாம். இவை சுவர்களுக்கு நிழல் தந்து, வீட்டை குளிர்ச்சியாக வைத்திருக்கும்.
வீட்டை பாதுகாக்கும் இயற்கை ஏசி
கோடை காலத்தில் சுட்டெரிக்கும் வெயிலும், அனல் காற்றும் வீட்டின் வெளிச் சுவர்களை ரொம்பவே சூடாக்கிவிடும். இதனால், அறைக்கு உள்ளேயும் வெப்பம் அதிகமாகி, சுவர்களின் பொலிவும் குறையலாம். இந்த சூழலில், பூங்கொடிகள் உங்கள் தோட்டத்திற்கு அழகு சேர்ப்பதோடு, சுவர்களை இயற்கையாக மூடி வெப்பத்தில் இருந்து காக்கவும் உதவுகின்றன. இந்த கொடிகளின் அடர்த்தியான இலைகள் சுவர்களுக்கு நிழல் தந்து, வெயிலின் தாக்கத்தைக் குறைக்கும். உங்கள் வீட்டை பசுமையாகவும், அழகாகவும் மாற்ற விரும்பினால், இந்த 5 கொடிகள் ஒரு சூப்பர் சாய்ஸ்.
அபராஜிதா கொடி (சங்குப்பூ கொடி)
குறைந்த இடவசதி உள்ள வீடுகளுக்கு இந்த சங்குப்பூ கொடி ஒரு மிகச்சிறந்த சாய்ஸ். இதிலிருக்கும் நீலம் மற்றும் வெள்ளை நிறப் பூக்கள் பார்ப்பதற்குக் கண் குளிர்ச்சியாக இருக்கும். இதன் பூக்கள் ஆன்மீக ரீதியாகவும், மூலிகை டீ தயாரிக்கவும் பயன்படுத்தப்படுகின்றன. சுவரோரம் அல்லது சிறிய கம்பிகளை நட்டுப் படரவிட்டால், இது ஒரு அழகான பசுமைப் போர்வையை உருவாக்கி சுவர்களுக்குக் குளுமை தரும்.
காகிதப் பூ கொடி (போஹன்வில்லா)
வறட்சியையும் சுட்டெரிக்கும் வெயிலையும் தாங்கி வளரக்கூடிய மிகச்சிறந்த கொடி இது. இளஞ்சிவப்பு, வெள்ளை, மஞ்சள், ஊதா எனப் பல வண்ணங்களில் பூத்துக் குலுங்கும். இதற்கு அதிக தண்ணீர் தேவையில்லை. காம்பவுண்ட் சுவர் அல்லது வெளிச்சுவர் அருகே நட்டு வைத்தால், இதன் கிளைகள் அடர்த்தியாகப் படர்ந்து சுவருக்கு முழு நிழல் தரும். இதனால் சுவர்களின் வெப்பம் பெருமளவு குறையும்.
ரயில்வே க்ரீப்பர் கொடி
பெயருக்கு ஏற்றாற்போல், அசுர வேகத்தில் பரவக்கூடிய ஒரு அழகான பூங்கொடி. ஆரஞ்சு மற்றும் சிவப்பு நிறத்தில் கொத்துக் கொத்தாகப் பூக்கள் பூக்கும். எந்தவொரு பழைய சுவரையும் இது புதிய அழகாக மாற்றும். வீட்டின் வெளிச்சுவர்கள் அல்லது வேலிகளில் படரவிட்டால், அடர்த்தியான இலைகளால் சுவரை முழுமையாக மூடி, வீட்டின் சுற்றுப்புறத்தைக் குளிர்ச்சியாக வைத்திருக்கும்.
மதுமாலதி கொடி
வாசனை மிகுந்த பூக்களோடு, மிக வேகமாகப் படரும் தன்மை கொண்டது இந்த மதுமாலதி கொடி. இதன் பூக்கள் வெள்ளை, இளஞ்சிவப்பு, சிவப்பு என அடுத்தடுத்து நிறம் மாறும் குணம் கொண்டவை. தோற்றத்திற்கு மிகவும் ரம்மியமாக இருக்கும். சுவர்களின் உதவியோடு மிகக் குறுகிய காலத்திலேயே உயரமாக வளர்ந்து, ஒரு 'இயற்கை திரைச்சீலை' போல வீட்டின் சுவர்களை வெயிலில் இருந்து மறைத்துக் கொள்ளும்.
க்ளிமாடிஸ் கொடி
பெரிய மற்றும் வண்ணமயமான மலர்களால் தோட்டப் பிரியர்களைக் கவரும் கொடி வகை இது. ஊதா, இளஞ்சிவப்பு மற்றும் நீல நிறத்தில் பெரிய பூக்கள் பூக்கும். லேசான நிழல் மற்றும் வெயில் இருக்கும் இடத்தில் இது நன்றாக வளரும். மெதுவாகச் சுவர்களை மூடி, ஒரு 'இயற்கை இன்சுலேஷன்' போலச் செயல்பட்டு, வெளிப்புற வெப்பம் வீட்டிற்குள் ஊடுருவுவதைத் தடுக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
