கவரிங் நகை போட்டா அலர்ஜி ஆகுதா? அப்போ இந்த 6 மேஜிக் ட்ரிக்ஸை ட்ரை பண்ணுங்க!
தங்க விலை உயர்வால் கவரிங் நகைகளை அணிய ஆசைப்பட்டாலும், அலர்ஜி மற்றும் அரிப்பு பயத்தால் பலர் அதைத் தவிர்ப்பார்கள். ஆனால், சில எளிய வழிமுறைகளைக் கையாண்டால் எந்தவித அலர்ஜியும் இன்றி, விதவிதமான கவரிங் நகைகளை அணிந்து நாம் அழகாக அசத்த முடியும்.
நெயில் பாலிஷ் மேஜிக்!
நீங்க புதுசா கவரிங் தோடோ, மாலையோ வாங்கினா, அதுல உடம்போடு உரசும் பின்புற பகுதியில் 'கிளியர் நெயில் பாலிஷ்' (Transparent Nail Polish) ஒரு கோட்டிங் கொடுங்க. அது கவரிங் உலோகத்திற்கும் உங்க சருமத்திற்கும் நடுவே ஒரு பாதுகாப்பு சுவரா மாறி அலர்ஜியைத் தடுக்கும்!
மாய்ஸ்சுரைசர் ஒரு கவசம்!
நகைகளை அணியும் முன்பு, காது மடல்களிலோ அல்லது கழுத்திலோ தடிமனான மாய்ஸ்சுரைசர் கிரீம் அல்லது பெட்ரோலியம் ஜெல்லி (Vaseline) தடவுங்கள். இது கவரிங் நகையில் இருக்கும் நிக்கல் (Nickel) உலோகம் வியர்வையோடு கலந்து அலர்ஜி ஏற்படுத்துவதைத் தடுக்கும்."
பிளாஸ்டிக் கட் மேஜிக்!
தோட்டின் கம்பி காதுக்குள் குத்தும் போது தான் அலர்ஜி அதிகமாகும். அதற்கு, மெடிக்கல் ஷாப்பில் கிடைக்கும் குட்டி பிளாஸ்டிக் 'இயர்ரிங் சிலீவ்ஸ்' (Earring Sleeves) வாங்கி கம்பியில் மாட்டி காதில் அணியலாம். அல்லது பிளாஸ்டிக் திருகாணிகளை (Plastic Stoppers) பயன்படுத்துங்கள்.
வியர்வையை தடுங்க
வியர்வையும் கவரிங் உலோகமும் இணையும் போதுதான் அலர்ஜி தீவிரமாகும். அதனால் நகை அணியும் இடத்தில் கொஞ்சம் ஆண்டி-ஃபங்கல் பவுடர் (Anti-fungal powder) அல்லது சாதாரண டேல்கம் பவுடர் தடவி, அந்த இடத்தை எப்போதும் உலர்வாக (Dry) வையுங்கள்.
6 மணி நேர ஃபார்முலா!
உங்களுக்கு சென்சிடிவ் ஸ்கின் இருந்தால், கவரிங் நகைகளை அதிகபட்சம் 5 முதல் 6 மணி நேரத்திற்கு மேல் அணிய வேண்டாம். பங்க்ஷன் முடிந்ததும் முதல் வேலையாக நகைகளைக் கழற்றி விட்டு, அந்த இடத்தை குளிர்ந்த நீரால் கழுவி தேங்காய் எண்ணெய் தடவுங்கள்.
துணியால் ஆன 'ஃபேப்ரிக்' நகைகள்! (Fabric & Thread Option)
மெட்டல் நகைகளே ஒத்துக்காது என்பவர்கள், தாராளமாக சில்க் த்ரெட் (Silk Thread) நகைகள், டெரகோட்டா (Terracotta) அல்லது துணியால் வடிவமைக்கப்படும் 'ஃபேப்ரிக்' நகைகளைத் தேர்ந்தெடுக்கலாம். இது அலர்ஜியும் தராது, அதே சமயம் செம மாடர்ன் லுக்கும் தரும்!
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
