பூண்டு உரிக்க சூப்பர் ஐடியா.!2 கிலோ பூண்டையும் இப்படி ஈஸியா 1 நிமிடத்தில் உரித்து ஸ்டோர் பண்ணி வைக்கலாம் ..

Poondu urippathu eppadi in Tamil: இனி 2 முதல் 3 கிலோ பூண்டையும் எந்த விதமான சிரமமும் இல்லாமல், இப்படி ஈஸியாக 1 நிமிடத்தில் உரித்து விடலாம்..பிறகு, இதனை 6 முதல் 12 மாதம் பிரிட்ஜில் ஸ்டோர் பண்ணி வைக்கலாம்.

poondu urippathu eppadi

இன்றைய பரபரப்பான வாழ்கை முறையில், காலையில் எழுந்து இல்லத்தரசிகள் சமையல் வேலை செய்யும் போது, ரொம்பவே கடினமான வேலை பூண்டு உரிப்பது. அதேபோன்று, பெரிய விசேஷம் வைத்து வீட்டிற்கு யாரேனும் விருந்தினர்கள் வந்தால், 2 முதல் 3 கிலோ பூண்டு கூட தோல் உரிக்கும் வேலை இருக்கும்.

ஆனால், தோல் உரிக்கும் போது நகம் கீறல்களில் வலி இருக்கும்..சில நேரம் கைகள் மரத்துப்போகும். மேலும், அதிக நேரம் செலவழியும்..இனி அந்த கவலை வேண்டாம். வேலைக்கு செல்லும்பெண்களாக இருந்தாலும் சரி,  இல்லத்தரசிகளாக இருந்தாலும் சரி, இனி 2 முதல் 3 கிலோ பூண்டையும் கத்தியும், இல்லாமல் எந்த விதமான சிரமமும் இல்லாமல், இப்படி ஈஸியா 1 நிமிடத்தில் உரித்து விடலாம்..பிறகு, இதனை 6 முதல் 12 மாதம் ஸ்டோர் பண்ணி வைக்கலாம்.

முதலில் அதற்கு நீங்கள் ஒரு கிலோ முழு பூண்டை எடுத்து, ஒரு துணியில் வைத்து சுருட்டி, ஒரு கட்டையை வைத்து அடித்தால் கூட சுலபமாக அது நமக்கு பிரிந்து கிடைத்து விடும். பூண்டின் அளவு குறைவாக இருந்தால், கைகளை கொண்டும் பிரித்து கொள்ளலாம். பிறகு எல்லா பூண்டையும் ஒரு முறத்தில் கொட்டி புடைத்தால், மேலே இருக்கும் லேசான தோலை நீக்கிவிட்டு பூண்டு பற்களை மட்டும் தனியாக வைத்துக் கொள்ளுங்களாம்.

அடுப்பில் ஒரு அகலமான கடாயை வைத்து சூடு செய்து அதில் தனித்தனியாக இருக்கும் பூண்டை கொட்டி 60 செகண்ட்ஸ் சூடு செய்யுங்கள். ஒரு கரண்டியை வைத்து இரண்டு முறை கலந்துவிடலாம். குறிப்பாக, பூண்டுக்கு உள்ளே சூடு ஏறி இருக்கக் கூடாது. பூண்டின் தோல் மட்டும் தான் சூடாகி இருக்க வேண்டும். என்பதை நினைவில் கொள்ளுங்கள்.

பிறகு அடுப்பை அணைத்து விடுங்கள். பிறகு ஒரு பெரிய காட்டன் துணி எடுத்துக்கோங்க. அதில் அவித்த இந்த பூண்டை கொட்டி நன்றாக முடிச்சை போட்டுக் கொள்ள வேண்டும். இப்போது இந்த முடிச்சை துணி துவைப்பது போல தரையில் நன்றாக அடிக்க வேண்டும். 10 முறை அடித்தால் கூட தவறு கிடையாது.
பிறகு அந்த முடிச்சை அவிழ்த்து உள்ளே பூண்டை பாருங்கள். பூண்டில் இருக்கும் தோல்கள் எல்லாம் தனித்தனியாக பிரிந்து வந்திருக்கும்.

சில பூண்டில் தோல் ஒட்டி இருக்கும். உங்கள் கையாலேயே அப்படியே வேர்க்கடலை உரிப்பது போல உரித்தாலே பூண்டு தோல் சுலபமாக வந்துவிடும். இந்த பூண்டை முறத்தில் கொட்டி நன்றாக புடைத்து பூண்டை தனியாக எடுத்துவிட்டால் ஐந்தே நிமிடத்தில் வேலை முடிந்தது. பிறகு இதனை எடுத்து, 6 மாதம் வரை ஸ்டோர் செய்து பிரிட்ஜிலும் வைத்துக் கொள்ளலாம். இந்த முறை முடிவதற்கு மொத்தமாக 10 நிமிடம் கூட ஆகாது.