Thengai Paal: ஆடி வெள்ளியில் அம்மனுக்கு பிரியமான தேங்காய் பால் ரெசிபி...செம்ம டேஸ்டாக செய்வது எப்படி..?

Aadi Velli Special 2022: Thengai Paal: ஆடி மாதம் அம்மனுக்கு செய்யும் பூஜையில் நெய்வேதியம் படைக்க முக்கியமாக இடம் பெறும் தேங்காய் பால் பிரசாதம் எப்படி செய்வது என்பதை தெரிந்து வைத்து கொள்வோம். 

thengai-paal

ஆடி பிறந்தாலே நம்முடைய ஊர்களில் விழாக்கள் களை கட்டும். அம்மன் கோவில் திருவிழாக்கள் முதல் ஆபர்கள் வரை எங்கு பார்த்தாலும், கூட்டம் எகிறும். ஆடி முதல் நாளை ஆதி பண்டிகை என்று கொண்டாடுவார்கள். அதன் பின்னர், ஆடி வெள்ளி, ஆடி அமாவாசை எல்லாம் முக்கிய நாட்களில்  அம்மனுக்கு பூஜைகள் செய்ய ஆரம்பித்து விடுவோம்.  இப்படி ஆடி மாதம் அம்மனுக்கு செய்யும் பூஜையில் நெய்வேதியம் படைக்க முக்கியமாக இடம் பெறுவது இந்த தேங்காய் பால் பிரசாதம் ஆகும். அத்தகைய ஆடி மாத சிறப்புகளில் ஒன்றான தேங்காய் பால் ரெசிபி எப்படி செய்வது என்பதை இந்த பதிவின் மூலம் தெரிந்து கொள்வோம்.

தேவையான பொருட்கள்: 

முழு தேங்காய் – 1

 வெல்லம் – முக்கால் கப்

பாசிப்பருப்பு – ரெண்டு டேபிள் ஸ்பூன்

சுக்கு – ஒரு சிறு துண்டு

ஏலக்காய் – 4

நெய் – ஒரு டேபிள் ஸ்பூன்

முந்திரி பருப்பு – 10

செய்முறை விளக்கம்:

அம்மனின் அருள் பெறவும், ஆரோக்கியம் காக்கவும் வீடுகளில் ஆடி மாதத்தில் அம்மனுக்கு பிடித்த தேங்காய் பால் பிரசாதம் செய்து வழிபடுவது வழக்கம். 

தேங்காய் பால் செய்முறைக்கு, முதலில் ஒரு முழு தேங்காயை சிறு சிறு துண்டுகளாக நறுக்கி வைத்துக் கொள்ளுங்கள். நறுக்கி வைத்துள்ள தேங்காய் பற்களை மிக்ஸியில் சேர்த்துக் கொள்ளுங்கள்.

பிறகு அடுப்பில் இரண்டு டேபிள் ஸ்பூன் அளவிற்கு பாசிப்பருப்பை நன்கு வாசம் வர பொன்னிறமாக வறுத்து எடுத்துக் கொள்ளுங்கள்.நீங்கள் வறுத்து வைத்துள்ள பாசிப்பருப்பை  தேங்காயுடன் சேர்த்துக் கொள்ளுங்கள். பின்னர் வாசத்திற்கு பொடித்த சுக்கு, 4 ஏலக்காய்களை சேர்த்து தேவையான அளவு தண்ணீர் ஊற்றி  நைசாக அரைத்து அதிலிருந்து, பால் எடுத்துக் கொள்ளுங்கள். தண்ணீர் விட்டு மூன்று முறை செய்து பால் தனியாக, சக்கை தனியாக பிரித்து எடுத்து கொள்ளுங்கள். 

பின்னர், பொடித்த மண்டை வெல்லத்தை சேர்த்து தேவையான அளவு தண்ணீர் சேர்த்து பாகு காய்ச்சிக் கொள்ளுங்கள்.  பின்னர் குறைந்த தீயில் அடுப்பில் பாலை வைத்து, சூடேற்றுங்கள். தேங்காய் பால் சூடேற ஆரம்பித்ததும், நீங்கள் காய்ச்சி வைத்த வெல்லப்பாகுவை வடிகட்டி அதனுடன் சேர்க்க வேண்டும். இது அதிகம் கொதித்து விடாமல், நுரை கட்ட ஆரம்பித்ததும் அடுப்பை அணைத்து விடுங்கள்.