நீங்க வாங்கும் பேக், செருப்பு ஒரிஜினல் லெதர் தானா? கண்டுபிடிக்க 5 சூப்பர் வழிகள்
லெதர் பொருட்கள் எப்போதுமே ராயல் லுக் தரும். ஆனால், இன்று ஒரிஜினல் எது, டூப்ளிகேட் எது என அறிவது கடினம். ஷாப்பிங்கில் ஏமாறாமல் இருக்க, நீங்கள் வாங்கும் பேக், செருப்பு உண்மையான லெதர் தானா என்று 5 நொடியில் கண்டுபிடிக்க இதோ சூப்பர் டிப்ஸ்!
'முள்' போன்ற துளைகள்
ஒரிஜினல் லெதர் என்பது விலங்குகளின் தோலால் செய்யப்படுவது. அதனால், அதன் மேல் பகுதியில் இயற்கையான, சீரற்ற குட்டி குட்டி துளைகள் (Pores) இருக்கும். அதுவே போலி லெதர் என்றால் பிளாஸ்டிக் கோட்டிங் இருப்பதால், அதன் மேல் பகுதி எந்த வித துளைகளும் இல்லாமல் ரொம்ப 'பர்பெக்ட்டா' வழவழனு இருக்கும்!
நகத்தால் ஒரு 'அழுத்தம்' கொடுங்க!
வாங்கும் பொருளின் ஒரு ஓரத்தில் உங்கள் நகத்தால் லேசாக அழுத்திப் பாருங்கள். ஒரிஜினல் லெதர் என்றால் அந்த இடத்தில் லேசான சுருக்கமோ அல்லது தழும்புகளோ விழுந்து, மெதுவாக பழைய நிலைக்குத் திரும்பும். போலி லெதர் என்றால் ரப்பர் மாதிரி இருக்கும், நகத்தின் அச்சு கூட விழாது!
ஓரங்களை உற்றுப் பாருங்கள்!
லெதர் பையின் வெட்டப்பட்ட ஓரங்களை (Edges) பாருங்கள். உண்மையான லெதராக இருந்தால், அதன் ஓரங்கள் சற்று கரடுமுரடாகவும், இழைகளுடனும் (Rough and Fibrous) இருக்கும். அதுவே டூப்ளிகேட் லெதர் என்றால், அதன் ஓரங்கள் பிளாஸ்டிக் வெட்டப்பட்டது போல ரொம்ப 'ஷார்ப்' ஆகவும், ஸ்மூத்தாகவும் இருக்கும்.
லெதர் மேல் ஒரு சொட்டுத் தண்ணீர்
ஷாப்பிங் போகும் போது யாருக்கும் தெரியாமல் ஒரு சொட்டுத் தண்ணீரை அந்த லெதர் மேல் வச்சுப் பாருங்க. உண்மையான லெதர் இயற்கையாகவே தண்ணீரை சில நொடிகளில் உறிஞ்சிக் கொள்ளும் . அதுவே போலியான லெதர் பிளாஸ்டிக் கலந்தது என்றால், தண்ணீர் உறிஞ்சப்படாமல் அப்படியே உருண்டோடிவிடும்!
சலுகை விலை (Discount):
பியூர் லெதர் தயாரிப்பதற்கு அதிக செலவாகும். 'ஒரிஜினல் லெதர் ஹேண்ட் பேக் வெறும் 300 ரூபாய்' என்று யாராவது விற்றால், கண்ணை மூடிக்கொண்டு முடிவு செய்துவிடுங்கள் அது டூப்ளிகேட் என்று! தரமான லெதர் பொருட்கள் எப்போதுமே சற்று விலை அதிகமாகத்தான் இருக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
