PCOS: நீர்க்கட்டிகள் ( PCOS ) என்றால் என்ன? அட...இதை கட்டுக்குள் கொண்டு வர இவ்வளவு சிம்பிள் டிப்ஸ் இருக்கா...?

PCOS problem: பெண்கள் சந்திக்கும் நீர்க்கட்டி பிரச்சனைகளை சில எளிய நடவடிக்கைகளின் மூலம் எப்படி கட்டுக்குள் கொண்டு வருவது என்பது பற்றி இந்த பாதிப்பின் மூலம் தெரிந்து வைத்து கொள்வோம். 

PCOS problem:

இன்றைய இளைய தலைமுறையினர் மத்தியில் பி.சி.ஓ.எஸ், ஒழுங்கற்ற மாதவிடாய், வயிற்று வலி, மனநிலை மாற்றங்கள், கருவுறாமை மற்றும் ஹார்மோன் ஏற்றத்தாழ்வு போன்றவை இயல்பாகி உள்ளது. சமீபத்தில், நடிகை ஸ்ருதி ஹாசன் தனது இன்ஸ்டாகிராம் கணக்கில் தான் மிகவும் மோசமான பிசிஓஎஸ் பிரச்சனையால் அவதிப்படுவதாகவும், அதனை கட்டுக்குள் கொண்டு வருவதற்காக உடற்பயிற்சிகள் செய்வதாகவும், ஆரோக்கியமான உணவை எடுத்துக்கொள்வதாகவும் தெரிவித்திருந்தார். 

அதற்கான குறிப்புக்களையும் தெரிவித்துருந்தார். அப்படியாக இந்த பதிவில் நீர்க்கட்டி பிரச்சனை என்றால் என்ன..? அதனை எப்படி சில எளிய நடவடிக்கைகளின் மூலம் கட்டுக்குள் வைத்திருக்கலாம் என்பதை பார்க்கலாம். 

ஆரோக்கியமான மாதவிடாய் சுழற்சி:

பொதுவான ஒரு பெண்ணின் ஆரோக்கியமான மாதவிடாய் சுழற்சிகாலம் என்பது 21 முதல் 35 நாட்கள் வரை என கருதப்படுகிறது. அப்படியான, வழக்கமான மாதவிடாயின் சுழற்சியின்போது, ஒரு பெண்ணின் உடலில் உள்ள அனைத்து நச்சுக்களும் சுத்தம் செய்யப்படுவதால் உடல் ஆரோக்கியமாகி புத்துயிர் பெறுகிறது. இது,பெண்களின் ஆரோக்கியத்திற்கும், மனமகிழ்ச்சிக்கும் ஒரு முக்கியக் காரணமாகும்.

பிசிஓஎஸ் பிரச்சனை என்றால் என்ன? அதன் பாதிப்பு பற்றி அறிக...

பாலிசிஸ்டிக் ஓவரிஸ் சிண்ட்ரோம் (பிசிஓஎஸ்) என்பது பெண்களின் வாழ்க்கை முறை தொடர்பான நோய்களில் ஒன்றாகும். இந்த நோயில், ஹார்மோன் ஏற்றத்தாழ்வு ஏற்படுகிறது. இந்தப் பிரச்சனையால் பாதிக்கப்படும் பெண்கள் மாதவிடாய் கோளாறுகள், கருத்தரிப்பதில் சிக்கல், உடல் எடை அதிகரிப்பு, முகத்தில் முடி வளர்ச்சி தோன்றுதல், நீரிழிவு நோய் அதிகரிப்பு, கருப்பையில் சிறிய நீர்க்கட்டிகள் போன்றவற்றினால் பெரும்பாலும் பாதிக்கப்பட்டுள்ளனர்.  

பிசிஓஎஸ் பிரச்சனை கட்டுப்படுத்தும் வழிமுறைகள்:

இந்த பிசிஓஎஸ் பிரச்சனையை முழுமையாக குணப்படுத்த முடியவில்லை என்றாலும், சில முக்கிய விஷயங்களை பின்பற்றுவதன் மூலம் இவற்றை நிச்சயம் கட்டுக்குள் கொண்டு வரலாம்.

மன அழுத்தமில்லாமல் இருங்கள்: உங்கள் மனதை மன அழுத்தம் இல்லாமல், அமைதியாக வைத்திருங்கள். இதற்காக நீங்கள் ஒவ்வொரு நாளும் யோகா பயிற்சி செய்ய வேண்டும். தினமும் குறைந்தது 10 நிமிடங்களாவது கபாலபாதி செய்வதன் மூலம் பிசிஓஎஸ் குறையும். இது தவிர, அனுலோம் விலோம், பிரமாரி மற்றும் பிராணாயாமம் ஆகியவை ஹார்மோன் சமநிலையின்மையை சரிசெய்கிறது.

மேலும் அன்றாட உணவு முறைகளோடு தினசரி உடற்பயிற்சி, நடைப்பயிற்சியையும் பெண்கள் அதிகளவில் மேற்கொள்ள வேண்டும். ஆம், பிசிஓஎஸ்-ஐ கட்டுப்பாட்டில் வைத்திருக்க நடைப்பயிற்சி சிறந்த வழியாகும். தினமும் குறைந்தது 30 நிமிடங்கள் நடைப்பயிற்சி மேற்கொள்வதன் மூலம் உடல் எடை சரியாக பராமரிக்க முடியும்.

உணவில் மாற்றம்: இந்த பிரச்சனையால் அவதிப்படுவோர் சத்தான உணவுகளைக் குறைந்த அளவு உட்கொள்வது நல்லது. உங்கள் உணவில் இஞ்சி, கிராம்பு, குங்குமப்பூ, பெருஞ்சீரகம், சீரகம், இலவங்கப்பட்டை, கொத்தமல்லி, பூண்டு ஆகியவற்றைக் சேர்த்துக்கொள்ளலாம். அதேபோன்று, ஐஸ்கிரீம், பழச்சாறுகள், சோடா போன்ற அதிக கார்போஹைட்ரேடுகள் நிறைந்த உணவுப்பொருள்களை சேர்த்துக்கொள்வதைத் தவிர்க்க வேண்டும்