உஷார்! உருளைக்கிழங்கு முதல் பூண்டு வரை: ஃபிரிட்ஜில் இந்த 5 காய்கறிகளை வைத்தால் விஷமாகும் அபாயம்.. இப்போதே மாற்றிடுங்கள்!

ஃபிரிட்ஜில் வைத்தால் ஆயுள் கூடும் என்று நினைக்கிறீர்களா? இந்த 5 காய்கறிகளுக்கு அது ஆபத்து. குளிர்ச்சியில் வைப்பதால் இவை விஷத்தன்மை அடைந்து புற்றுநோய் உள்ளிட்ட அபாயங்களை ஏற்படுத்தலாம்

Image Credit : AI Generated

உருளைக்கிழங்கு முதல் பூண்டு வரை: ஃபிரிட்ஜில் இந்த 5 காய்கறிகளை வைத்தால் விஷமாகும் அபாயம்

மார்க்கெட்டிலிருந்து காய்கறிகளை வாங்கி வந்ததும், நம்மில் பலர் அதை ஃபிரிட்ஜில் வைப்பதை வழக்கமாக வைத்திருக்கிறோம். குளிர்ச்சியாக இருந்தால் காய்கறிகள் ஃப்ரெஷ்ஷாக இருக்கும் என்பதுதான் அதற்கு முக்கிய காரணம். ஆனால், நிபுணர்கள் சொல்வதே வேறு. எல்லா காய்கறிகளும் குளிரை விரும்புவதில்லை. சில காய்கறிகளை ஃபிரிட்ஜில் வைத்தால், அவற்றின் சுவை, மணம், சத்துக்கள் குறைந்து விரைவில் கெட்டுப்போகும். அதனால், எந்தெந்த காய்கறிகளை ஃபிரிட்ஜில் வைக்கக்கூடாது என்பதைத் தெரிந்துகொள்வது ரொம்ப முக்கியம்.

Image Credit : Asianet News

வெள்ளரிக்காய்

முதலில் வெள்ளரிக்காய். இதை ஜில்லென்று சாப்பிட்டால் நன்றாக இருக்கும் எனப் பலரும் ஃபிரிட்ஜில் வைக்கிறார்கள். ஆனால், 10°C-க்கு குறைவான வெப்பநிலையில் 2-3 நாட்கள் வைத்தாலே போதும், அது மஞ்சள் நிறமாக மாறி கெட்டுவிடும். குறிப்பாக, தக்காளி, தர்பூசணி, அவகாடோ பழங்களுடன் வைத்தால், அவற்றிலிருந்து வரும் எத்திலீன் வாயுவால் வெள்ளரிக்காய் சீக்கிரம் கெட்டுப்போகும். அதனால், இதை நேரடி வெயில் படாத இடத்தில், சாதாரண வெப்பநிலையில் வைப்பதே நல்லது.

Image Credit : Asianet News

பூண்டு

இரண்டாவதாக பூண்டு. பூண்டின் தனித்துவமான மணம், காரமான சுவை மற்றும் மருத்துவ குணங்கள் ஃபிரிட்ஜின் குளிருக்கு குறைந்துவிடும். ஃபிரிட்ஜில் இருக்கும் ஈரப்பதம் பூண்டை சீக்கிரம் முளைக்க வைத்து, மென்மையாகி கெட்டுப்போகச் செய்யும். பிளாஸ்டிக் கவர் அல்லது மூடிய டப்பாவில் வைத்தால் ஈரப்பதம் இன்னும் அதிகமாகும். அதற்குப் பதிலாக, குளிர்ச்சியான, காற்றோட்டமான, உலர்ந்த இடத்தில் வைத்தால் பூண்டு அதிக நாட்கள் நன்றாக இருக்கும்.

Image Credit : Pexels

வெங்காயம்

வெங்காயமும் ஃபிரிட்ஜுக்கு ஏற்றதல்ல. குளிர்ச்சியான சூழலில் வைத்தால், அதிலுள்ள ஸ்டார்ச் சர்க்கரையாக மாறி, வெங்காயம் மென்மையாகிவிடும். கூடவே, ஈரப்பதத்தால் முளைக்கவும் ஆரம்பிக்கும். இருட்டான, காற்றோட்டமான இடத்தில் வைத்தால் வெங்காயம் 1-2 மாதங்கள் வரை கெட்டுப்போகாது. அதேபோல, தக்காளியை ஃபிரிட்ஜில் வைப்பது மிகப் பெரிய தவறு. குளிர்ச்சியான சூழல் தக்காளியின் உள் அமைப்பைப் பாதித்து, அதை சப்பென்றும் ருசியற்றதாகவும் மாற்றிவிடும். சாதாரண வெப்பநிலையில் வைத்தால் அதன் இயல்பான சுவையும் மணமும் அப்படியே இருக்கும்.

Image Credit : Asianet News

உருளைக்கிழங்கு

கடைசியாக உருளைக்கிழங்கு. இதை ஃபிரிட்ஜில் வைப்பது உடல் ஆரோக்கியத்திற்கு ஆபத்தானது என நிபுணர்கள் எச்சரிக்கின்றனர். குளிரில் வைத்தால், அதிலுள்ள ஸ்டார்ச் சர்க்கரையாக மாறி, சமைக்கும்போது இனிப்பாகவும், நிறம் மாறியும் இருக்கும். அதுமட்டுமல்ல, இப்படி வைத்த உருளைக்கிழங்கை அதிக வெப்பத்தில் வறுத்தால் 'அக்ரிலாமைடு' (Acrylamide) என்ற ரசாயனம் உருவாகும் அபாயம் உள்ளது. எனவே, இதை இருட்டான, உலர்ந்த மற்றும் காற்றோட்டமான இடத்தில் வைக்க வேண்டும். சமைத்த பிறகு மீதமுள்ள உருளைக்கிழங்கை மட்டும் ஆறவைத்து ஃபிரிட்ஜில் வைப்பதுதான் சரியான முறை.