கோடையில் தினமும் ஒரு எலுமிச்சை சாப்பிட்டால் என்ன நடக்கும்?

கோடையில் தினமும் ஒரு எலுமிச்சையை ஏதாவது ஒரு வகையில் எடுத்துக் கொண்டால் என்ன நடக்கும் என்பதைப் பற்றி தெரிந்து கொள்வோம்...

எலுமிச்சையில் வைட்டமின் சி நிறைந்துள்ளது. இது நம்மை ஆரோக்கியமாக வைத்திருப்பதோடு, இளமையாக மாற்றவும் உதவுகிறது. உடல் எடையை குறைக்க நினைப்பவர்களுக்கும் இது மிகவும் உதவுகிறது. எலுமிச்சையில் வைட்டமின் சி மற்றும் எளிதில் கரையக்கூடிய நார்ச்சத்து நிறைந்துள்ளது.  இதய சம்பந்தமான பிரச்சனைகள் வராமல் தடுக்கவும், இரத்த சோகையை குறைக்கவும், சிறுநீரக கற்கள் வராமல் தடுக்கவும், செரிமான பிரச்சனைகளை குறைக்கவும் உதவுகிறது. எனவே கோடையில் தினமும் ஒரு எலுமிச்சையை ஏதாவது ஒரு வகையில் எடுத்துக் கொண்டால் என்ன நடக்கும் என்பதைப் பற்றி தெரிந்து கொள்வோம்...

கல்லீரலை ஆரோக்கியமாக்கும் எலுமிச்சை..

எலுமிச்சை சாறு குடிப்பதால் கொழுப்பு கல்லீரல் பிரச்சனையை சரி செய்யலாம். எலுமிச்சையில் இயற்கையாகவே நச்சு நீக்கும் பண்புகள் உள்ளன. இவை கல்லீரலை ஆரோக்கியமாக வைத்திருக்க உதவுகின்றன.  தினமும் காலையில் வெதுவெதுப்பான நீரில் எலுமிச்சை சாறு கலந்து குடித்தால், அனைத்து நச்சுக்களும் வெளியேறும்.

சிறுநீரக கற்களை கரைக்கும் எலுமிச்சை..

சிறுநீரக கற்களால் நீங்கள் அவதிப்பட்டால், உங்கள் உணவில் எலுமிச்சையை சேர்த்துக் கொள்ளுங்கள். எலுமிச்சை ஆண்டு முழுவதும் எளிதாக கிடைக்கும் பழம். எலுமிச்சை நீரில் அதிக அளவு சிட்ரேட் உள்ளது, இது சிறுநீரகங்களை ஆரோக்கியமாக வைத்திருக்கும். சிட்ரேட் கால்சியம் படிகங்கள் உருவாகாமல் தடுக்கிறது, இது சிறுநீரக கற்கள் பிரச்சனையை தடுக்கிறது.

இன்சுலின் உணர்திறனை குறைக்க உதவுகிறது

எலுமிச்சை ஹார்மோன்களை சமநிலைப்படுத்த உதவுகிறது. மறைமுகமாக உடல் எடை குறைவதை ஊக்குவிக்கிறது. எலுமிச்சையில் காணப்படும் முக்கிய கூறுகளில் ஒன்று பாலிஃபீனால்கள், இது இன்சுலின் எதிர்ப்பை குறைப்பதில் முக்கிய பங்கு வகிக்கிறது. இன்சுலின் எதிர்ப்பு அதிகரிப்பதால் இன்சுலின் ஹார்மோனுக்கான பதில் குறைந்து, இரத்தத்தில் சர்க்கரை அளவு கட்டுக்குள் இல்லாமல் போகிறது.

வைட்டமின் சி நிறைந்துள்ளன

எலுமிச்சை வைட்டமின் சி  நல்ல மூலம், எனவே தினமும் 1 எலுமிச்சை சாப்பிடுவதன் மூலம் வைட்டமின் சி தினசரி தேவையில் பாதி இதன் மூலம் கிடைக்கிறது.  வைட்டமின் சி அதிகமாக உள்ள பழங்கள், காய்கறிகள் சாப்பிடுவதால் இதய நோய்கள்,   பக்கவாதம் ஏற்படும் அபாயம் குறைகிறது.

நல்ல பாக்டீரியாக்களை ஊக்குவிக்கிறது
உடலில் நல்ல பாக்டீரியாக்களின் வளர்ச்சி நோய் எதிர்ப்பு சக்தியை அதிகரிக்கிறது. எலுமிச்சையில் பெக்டின் என்ற நார்ச்சத்து நிறைந்துள்ளது, இது ஆரோக்கியமான குடல் பாக்டீரியாக்களின் வளர்ச்சியை ஊக்குவிக்கும் ப்ரீபயாடிக் ஆகும். எனவே, தினமும் காலையில் எலுமிச்சை சாறை ஏதாவது ஒரு வகையில் எடுத்துக் கொண்டால் போதும்.