- Home
- Lifestyle
- Crispy Dosa Tips: மாவு, கல்லு எல்லாம் சரியா இருந்தும் தோசை ஒட்டுதா? இந்த சீக்ரெட் ட்ரிக்ஸ் மட்டும் ட்ரை பண்ணுங்க!
Crispy Dosa Tips: மாவு, கல்லு எல்லாம் சரியா இருந்தும் தோசை ஒட்டுதா? இந்த சீக்ரெட் ட்ரிக்ஸ் மட்டும் ட்ரை பண்ணுங்க!
Crispy Dosa Tips: தோசை மாவு நன்றாக புளித்திருந்தாலும், அரிசி-உளுந்து அளவு சரியாக இருந்தாலும், சில நேரங்களில் தோசை கல்லில் ஒட்டிக்கொண்டு விடும். முதல் தோசை சரியாக வராமல் போவது பல வீடுகளில் நடக்கும் விஷயம். இதை தவிர்ப்பது எப்படி என்று பார்க்கலாம்.
தோசை ஒட்டாமல் செய்வது எப்படி
அரிசி-உளுந்து அளவு சரியா இருந்தும், மாவு நல்லா புளிச்சிருந்தும் தோசை கல்லுல ஒட்டிக்குதா? எவ்வளவு முயற்சி செஞ்சாலும் ஹோட்டல் மாதிரி பேப்பர் ரோஸ்ட் வரலையா? ஆனா, பிரச்சனை மாவுல இல்ல, தோசைக்கல்லை தயார் பண்ற முறையிலதான் இருக்கு. செஃப்கள் பயன்படுத்துற அந்த சீக்ரெட் ட்ரிக் இதோ.
நீங்களும் ஃபாலோ பண்ணுங்க
தோசை பிரியர்களுக்கு, தோசையின் சுவையை விட அதன் மொறுமொறுப்புதான் ரொம்ப பிடிக்கும். பல சமயம் நாம மாவுக்கான பொருட்களைச் சரியான அளவுல சேர்த்திருப்போம், மாவும் நல்லா புளிச்சிருக்கும் (Fermented). ஆனாலும் தோசை சரியாக வராது. கல்லுல ஒட்டிக்கிறது, இல்லைனா மெத்து மெத்துனு வர்றதுனு பெரிய தலைவலி. இந்த பிரச்சனைக்கு தீர்வா, ஹோட்டல்களில் பயன்படுத்துற இந்த சூப்பர் முறையை நீங்களும் ஃபாலோ பண்ணுங்க.
வெங்காயத்தை வைத்து தேய்க்கவும்
தோசைக்கல்லை அடுப்புல வெச்சு சூடானதும், முதல்ல கொஞ்சம் எண்ணெயை கல்லுல ஊத்துங்க. அப்புறம் ஒரு வெங்காயத்தை பாதியா வெட்டி, அந்தப் பகுதியால கல்லோட மேல் பரப்புல நல்லா தேயுங்க (Rub). மாவு நல்லா இருந்தாலும், கல்லோட பரப்பு சரியா இல்லைனா தோசை ஒட்டிக்கும். வெங்காயம் தேய்க்கும்போது, கல்லுல இயற்கையான நான்-ஸ்டிக் லேயர் உருவாகும்.
தண்ணீரைத் தெளிக்கவும்
வெங்காயம் தேய்ச்சதுக்கு அப்புறம், ஹோட்டல்கள்ல செய்யுற மாதிரி கொஞ்சம் தண்ணியை கல்லுல தெளிங்க. சூடான கல்லுல தண்ணி பட்டதும், அது வெப்பநிலையை சமன்படுத்தும். உடனே ஒரு துணியால கல்லைத் துடைச்சுட்டு தோசை மாவை ஊத்தினா, தோசை கல்லுல ஒட்டாம சமமா வேகும். இதனால தோசை பேப்பர் மாதிரி மொறுமொறுன்னு, சிவப்பா வரும்.
இதை மறக்காதீங்க!
தோசை மாவு எவ்வளவு சூப்பரா இருந்தாலும், ஒவ்வொரு தோசை ஊத்துறதுக்கு முன்னாடியும் கல்லுல எண்ணெய் தடவி, வெங்காயம் தேய்ச்சு, தண்ணி தெளிக்கிறதை மறக்காதீங்க. இந்த ஒரு சின்ன மாற்றம், உங்க வீட்டு தோசையை ஹோட்டல் தோசை மாதிரி சுவையா மாத்திடும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
