- Home
- Lifestyle
- உங்க வீட்டு கிச்சனை பளபளன்னு மாத்த தம்மாத்தூண்டு எலுமிச்சை போதும்! இந்த டிப்ஸ் ஃபாலோ பண்ணுங்க
உங்க வீட்டு கிச்சனை பளபளன்னு மாத்த தம்மாத்தூண்டு எலுமிச்சை போதும்! இந்த டிப்ஸ் ஃபாலோ பண்ணுங்க
Kitchen Cleaning Tips : கிச்சனை சுத்தம் செய்ய மார்க்கெட்ல நிறைய கிளீனர்கள் இருக்கு. ஆனா, கெமிக்கல் இல்லாத இயற்கையான பொருட்களை வெச்சு சுத்தம் செய்யுறதுக்கு நம்ம கிச்சன்லயே வழியிருக்கு.
Kitchen Cleaning Tips
நம்ம வீட்டுல ரொம்ப முக்கியமான இடம் கிச்சன்தான். சமையலுக்குத் தேவையான பொருட்கள், பாத்திரங்கள், கருவிகள்னு எப்போதுமே கிச்சன்ல நிறைய பொருட்கள் இருக்கும். ஆனா, அந்த பொருட்களை சுத்தமா, ஒழுங்கா வைக்கலைன்னா கிச்சன்ல வேலை பார்க்குறதே கஷ்டமாயிடும். கிச்சனை சுத்தம் செய்ய மார்க்கெட்ல ஏகப்பட்ட கிளீனர்கள் விற்கப்படுது. ஆனா, நம்ம கிச்சன்லயே இருக்குற இயற்கையான பொருட்களை வெச்சு சுத்தம் செய்யும்போது, எதுக்கு வெளிய இருந்து வாங்கணும்? ஆமாங்க, எலுமிச்சை சாறை வெச்சே கிச்சனை சூப்பரா சுத்தம் செய்யலாம். அது எப்படின்னு பார்க்கலாம் வாங்க.
Lemon Kitchen Hacks: ஃபிரிட்ஜ்ல வெச்சாலும் லெமன் காய்ஞ்சு போகுதா? இந்த சிம்பிள் ஹேக் ட்ரை பண்ணுங்க!
ஸ்ப்ரே யூஸ் பண்ணுங்க
எலுமிச்சை சாறு கலந்த கிளீனிங் ஸ்ப்ரேயை வெச்சு கிச்சனை ரொம்ப ஈஸியா சுத்தம் செய்யலாம். இதுக்காக நீங்க சூப்பர் மார்க்கெட்டுக்கு எல்லாம் போகத் தேவையில்லை. பாதி எலுமிச்சையோட சாறை எடுத்து, அதுகூட கொஞ்சம் வினிகர் சேர்த்துக்கோங்க. இதை ஒரு ஸ்ப்ரே பாட்டில்ல ஊத்தி வெச்சுக்கிட்டா, தேவைப்படும்போது பயன்படுத்தலாம். சுத்தம் செய்ய வேண்டிய இடங்கள்ல இதை ஸ்ப்ரே பண்ணி துடைச்சா, எல்லாம் பளிச்னு ஆகிடும். எலுமிச்சை சாறுக்கு நிறைய பயன்கள் இருக்கு. மைக்ரோவேவ் சுத்தம் செய்றதுல இருந்து, பாத்திரங்கள்ல இருக்குற துருவை நீக்குற வரைக்கும் இது உதவும்.
மைக்ரோவேவ்
நிமிடங்கள்ல எலுமிச்சை சாறை வெச்சு மைக்ரோவேவை சுத்தம் செஞ்சிடலாம். எலுமிச்சை சாறை தண்ணில கலந்து மைக்ரோவேவ் உள்ள ஸ்ப்ரே பண்ணுங்க. ஒரு 10 நிமிஷம் அப்படியே விட்டுட்டு, அதுக்கப்புறம் துடைச்சு எடுத்தா போதும். மைக்ரோவேவ்ல இருக்குற எந்தக் கறையையும் எலுமிச்சை சாறு ஈஸியா நீக்கிடும்.
ஸ்டீல் பாத்திரங்கள்
தொடர்ந்து பயன்படுத்தும்போது ஸ்டீல் பாத்திரங்களோட பளபளப்பு மங்கிப்போகும். ஆனா, எலுமிச்சை சாறை வெச்சு பழைய பாத்திரங்களைக்கூட புதுசு மாதிரி மாத்தலாம். பாத்திரம் தேய்க்கும்போது, அதுல சில சொட்டு எலுமிச்சை சாறு விட்டா போதும். உங்க பாத்திரங்கள் புதுசு மாதிரி ஜொலிக்கிறதை நீங்களே பார்க்கலாம்.
துருப்பிடிச்ச கத்தி
எலுமிச்சையில ஆசிட் தன்மை இருக்கிறதால, அது துருவை சுலபமா நீக்கிடும். இதுல இருக்குற ஆன்டி-பாக்டீரியல் மற்றும் ஆன்டி-செப்டிக் குணங்கள் துருவை அகற்றி, கத்தியை புதுசாக்கும். வெட்டுன எலுமிச்சை மேல கொஞ்சம் உப்பு தூவி, கத்தியை நல்லா தேய்ச்சு கழுவுங்க. இது கத்தியில் ஒட்டியிருக்கிற கறை, அழுக்கு எல்லாத்தையும் நீக்கிடும்.
கட்டிங் போர்டு
தொடர்ந்து காய்கறிகளை வெட்டும்போது, கட்டிங் போர்டுல உணவுத் துகள்களும், கறைகளும் படிய வாய்ப்பிருக்கு. ஆனா, எலுமிச்சையை வெச்சு இதை ஈஸியா சுத்தம் செய்யலாம். போர்டு மேல பாதி எலுமிச்சையை உப்புல தொட்டு நல்லா தேய்ச்சு கழுவுங்க. உங்க கட்டிங் போர்டு புத்தம் புதுசா ஜொலிக்கும்.
கெட்ட வாசனை போகும்
கிச்சனை சுத்தம் செய்யுறதுக்கு மட்டுமில்ல, கெட்ட வாசனையை நீக்குறதுக்கும் எலுமிச்சை உதவும். சமையல் செய்யுறதால பலவிதமான வாசனைகள் கிச்சன்ல தங்கியிருக்கும். இதைத் தவிர்க்க, எலுமிச்சை சாறு கலந்த தண்ணியை கிச்சன் முழுக்க ஸ்ப்ரே பண்ணா போதும்.
அதேநேரம், பித்தளை பாத்திரங்களை சுத்தம் செய்ய எலுமிச்சை சாறை பயன்படுத்தாதீங்க. ஏன்னா, அது நச்சுப் பொருட்கள் உருவாகக் காரணமாகலாம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
