- Home
- Lifestyle
- Kitchen Hacks: எலுமிச்சை இனி காயாது; வீணாகாது! மாதக்கணக்கில் ஃப்ரெஷ்ஷாக வைக்க 3 மேஜிக் ட்ரிக்ஸ் இதோ!
Kitchen Hacks: எலுமிச்சை இனி காயாது; வீணாகாது! மாதக்கணக்கில் ஃப்ரெஷ்ஷாக வைக்க 3 மேஜிக் ட்ரிக்ஸ் இதோ!
Kitchen Hacks: எலுமிச்சை பழம் காய்ந்து வீணாகாமல், பல மாதங்களுக்கு ஃப்ரெஷ்ஷாக வைத்திருக்க 3 சூப்பர் ஃப்ரீஸர் ட்ரிக்ஸ் குறித்து இந்த செய்தியில் விரிவாக பார்க்கலாம்.
எலுமிச்சையை ஃப்ரெஷ்ஷாக வைக்க ட்ரிக்ஸ்
சமையலறையில் எலுமிச்சை ஒரு ஆல்-ரவுண்டர் என்பதில் சந்தேகமில்லை. ஆனால், மொத்தமாக வாங்கி வைத்தால் சில நாட்களிலேயே காய்ந்து, சாறு வற்றி, அழுகிப் போய்விடும். இந்த கவலை இனி வேண்டாம். உங்கள் வீட்டு ஃப்ரீசரைப் பயன்படுத்தியே, பல மாதங்களுக்கு எலுமிச்சையை ஃப்ரெஷ்ஷாக வைத்திருக்க மூன்று சூப்பர் வழிகள் உள்ளன.
அடிக்கடி எலுமிச்சை சாறு பயன்படுத்துபவர்களுக்கு இந்த முறை மிகவும் பயனுள்ளதாக இருக்கும். எலுமிச்சைகளைப் பிழிந்து, விதைகள் மற்றும் சதைப் பகுதியை வடிகட்டி, சுத்தமான சாற்றை மட்டும் ஐஸ் க்யூப் ட்ரேக்களில் ஊற்றி ஃப்ரீசரில் உறைய வைக்கவும். இந்த ஐஸ் கட்டிகளை ஒரு ஜிப்-லாக் பையில் மாற்றி சேமித்தால், சுமார் 10 மாதங்கள் வரை அதன் சுவையும் மணமும் மாறாமல் இருக்கும். தேவைப்படும்போது ரசம், சூப், ஜூஸ் அல்லது சாலட் போன்றவற்றில் ஒரு க்யூப் எடுத்துப் போட்டால் போதும், வேலை நொடியில் முடியும்.
இப்படி செய்தால் எலுமிச்சை 4 மாதம் கெடாமல் இருக்கும்
ஒவ்வொரு முறையும் பழத்தை வெட்டிப் பிழிய வேண்டிய அவசியம் இருக்காது. இதுதான் இருக்கிறதிலேயே புத்திசாலித்தனமான வழி. முழு எலுமிச்சையை சேமிப்பது மிகவும் எளிதானது. பழங்களை நன்றாகக் கழுவி, துளியும் ஈரமில்லாமல் துடைத்து, காற்றுப் புகாத டப்பா அல்லது ஜிப்-லாக் பையில் போட்டு ஃப்ரீசரில் வைக்கவும். இந்த முறையில் சேமித்தால், எலுமிச்சை சுமார் 3 முதல் 4 மாதங்கள் வரை கெடாமல் இருக்கும். பயன்படுத்தும் முன், சில நிமிடங்கள் அறை வெப்பநிலையில் வைத்தால் போதும், சாறு பிழியத் தயாராகிவிடும்.
டீ, லெமன் வாட்டர் அல்லது குளிர்பானங்களில் பயன்படுத்த, எலுமிச்சைத் துண்டுகளை உறைய வைப்பது சிறந்த தேர்வாகும். பழத்தை மெல்லிய வட்டங்களாக நறுக்கி, விதைகளை நீக்கி, ஒரு தட்டில் தனித்தனியாக அடுக்கி ஒரு மணி நேரம் உறைய வைக்கவும். பிறகு அவற்றை ஒரு பையில் மாற்றி சேமித்தால், தேவைப்படும்போது துண்டுகள் ஒன்றுடன் ஒன்று ஒட்டாமல் தனித்தனியாக எடுக்க வரும்.
இதையும் படிங்க: D-Mart Shopping: டி-மார்ட் போறீங்களா? இந்த 'ஸ்மார்ட் ட்ரிக்ஸ்' தெரிஞ்சா நிறைய பணம் மிச்சப்படுத்தலாம்!
எலுமிச்சையை சேமிக்கும் முன் கவனிக்க வேண்டியவை
எந்த முறையில் சேமிப்பதாக இருந்தாலும், முதலில் எலுமிச்சையை நன்றாகக் கழுவ வேண்டியது அவசியம். அதன் தோலில் உள்ள மெழுகு, பூச்சிக்கொல்லி எச்சங்கள் மற்றும் தூசியை அகற்ற இது உதவும். கழுவிய பின், ஒரு துளி ஈரம் கூட இல்லாமல் சுத்தமான துணியால் துடைத்துவிடுவது மிக முக்கியம், இல்லையெனில் பழத்தின் தரம் பாதிக்கப்படலாம். உறைய வைத்த எலுமிச்சையை ஒருமுறை வெளியில் எடுத்த பிறகு, மீண்டும் அதை ஃப்ரீசரில் வைப்பதைத் தவிர்க்க வேண்டும்.
அது அதன் சுவையையும் தரத்தையும் குறைத்துவிடும். சேமிக்கும் பைகள் அல்லது டப்பாக்களில் தேதியை எழுதி வைப்பது, எவ்வளவு நாட்களாக சேமிப்பில் உள்ளது என்பதைக் கண்காணிக்க உதவும். இந்த எளிய முறைகள் மூலம், எலுமிச்சை விலை மலிவாக இருக்கும்போது மொத்தமாக வாங்கி சேமிக்கலாம். இது உங்கள் பணத்தை மிச்சப்படுத்துவதோடு, உணவு வீணாவதையும் தடுக்கும். இனி திடீர் விருந்தாளிகள் வந்தாலும் கவலைப்படத் தேவையில்லை.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
