Sprouted Ginger : முளைவிட்ட இஞ்சி நல்லதா? அதை சாப்பிட்டால் என்னாகும்?!
முளைவிட்ட இஞ்சி பயன்படுத்துவதன் நன்மைகள் மற்றும் பக்க விளைவுகள் குறித்து இந்த பதிவில் பார்க்கலாம்.
முளைவிட்ட இஞ்சியை பயன்படுத்தலாமா?
இஞ்சி மண்ணுக்கு அடியில் விளைவதால் மற்ற கிழங்கு வகைகள் மற்றும் காய்கறி போல சீக்கிரமாகவே கெட்டுப்போகாது. ஏனெனில், அதனுள் இயற்கையாகவே அதிக நீர்ச்சத்து இருப்பதால் அவை சீக்கிரம் கெட்டுப் போக வாய்ப்பில்லை. ஆனால் அவற்றை சரியான முறையில் சேமிப்பது ரொம்பவே முக்கியம். இருப்பதும் உள்ள இடங்களில் சேமித்தால் சீக்கிரமாகவே கெட்டுப் போய்விடும். சரி இப்போது வீட்டில் நீண்ட நாட்கள் வாங்கிய இஞ்சி முளைச்சிடுச்சா? பொதுவாகவே நாம் மூளைத்த உருளைக்கிழங்கு, வெங்காயத்தை விஷமென்று கருதி பயன்படுத்த மாட்டோம். அது மாதிரி முளைவிட்ட இஞ்சியை பயன்படுத்தலாமா? கூடாதா? அப்படி பயன்படுத்தினால் அதனால் ஏற்படும் நன்மைகள் மற்றும் தீமைகள் என்ன என்பதை குறித்து இந்த பதிவில் தெரிந்து கொள்ளலாம்.
முளைவிட்ட இஞ்சியை பயன்படுத்தலாமா?
ஆம், தாராளமாக பயன்படுத்தலாம். அது ரொம்ப இல்லனாலும் ஓரளவுக்கு பாதுகாப்பானது. பொதுவாக இஞ்சி காரத்தன்மையுடையது. அதுவே முளைவிட்ட இஞ்சியில் கொஞ்சம் மெல்லியதான இனிப்பு சுவையிருக்கும். எனவே முளைவிட்ட இஞ்சியை நீங்கள் சாலட், சூப் போன்றவற்றிற்கு பயன்படுத்தலாம். ஆனால் அதிகமாக எடுத்துக் கொள்ளக்கூடாது.
முளைவிட்ட இஞ்சியின் நன்மைகள்:
- வழக்கமான இஞ்சியில் இருக்கும் ஊட்டச்சத்தை விட முளைவிட்ட இஞ்சியில் வைட்டமின்கள், மினரல்கள் மற்றும் ஆன்டி ஆக்ஸிடன்ட்கள் அதிகமாகவே இருக்கும். ஆனால் நீண்ட நாள் முளைவிட்டதாக இருக்காமல், புதிதாக முளைவிட்ட இஞ்சியாக இருப்பதுதான் நல்லது. ஏனெனில் அவற்றில் தான் ஊட்டச்சத்துக்கள் முழுமையாக பெறமுடியும். முதிர்ந்த முளைவிட்ட இஞ்சி கசப்பு தன்மையில் இருக்கும்.
- சாதாரண இஞ்சியை போலவே முளைவிட்ட இஞ்சியும் ஜீரணக் கோளாறுகளுக்கு ரொம்பவே நல்லது. இது அஜீரண கோளாறுக்கு, குமட்டல், வாந்தி, வயிற்று உப்புசம், வாயு தொல்லை, வாய் கசப்பு போன்ற பிரச்சனைகளை சரி செய்ய உதவும்.
- முளைவிட்டு இஞ்சியில் இருக்கும் இன்ஃபிளமேட்டரி பண்புகள் உடலில் ஏற்படும் செல் சேதங்களை தடுக்கவும், ஃப்ரீ ரேடிக்கல்ஸ்களை எதிர்த்து போராடவும் உதவுகிறது.
- முளைவிட்ட இஞ்சி இருக்கும் ஆக்சிஜனேற்ற பண்புகள் செல் சேதங்களை தடுக்கும் மற்றும் அதில் புற்றுநோய் எதிர்ப்பு பண்புகள் இருப்பதால் புற்றுநோய் வருவதை தடுக்கவும் உதவுகிறது.
முளைவிட்ட இஞ்சியின் பக்க விளைவுகள்:
- முளைவிட்ட இஞ்சியை அளவுக்கு அதிகமாக எடுத்துக் கொண்டால் அதில் இருக்கும் காரத்தன்மை விளைவாக நெஞ்செரிச்சல், வயிற்று கோளாறு, டயேரியா போன்ற பிரச்சினைகளுக்கு வழிவகுக்கும்.
- நீங்கள் ஆன்டிபிளேட்லெட் மருந்துகள் எடுத்துக் கொண்டால் முளைவிட்ட இஞ்சியை அதிகமாக பயன்படுத்தக் கூடாது. இல்லையெனில் ரத்தப்போக்கை ஏற்படுத்தும்.
- குறைந்த ரத்த அழுத்தம் உள்ளவர்கள் முளைவிட்ட இஞ்சி அதிகமாக எடுத்துக் கொண்டால் லோ பிபி யை உண்டாகிடும்.
- இஞ்சி உங்களுக்கு அலர்ஜியை ஏற்படுத்தினால் முளைவிட்ட இஞ்சியை பயன்படுத்த வேண்டாம். அது அலர்ஜி பிரச்சனையை மேலும் அதிகப்படுத்தும்.