Black Coffee: எடை குறைக்க நினைப்பவர்களுக்கு ஹாட் டிப்ஸ்! பிளாக் காபி குடிக்க வேண்டிய பெஸ்ட் டைம் இதுதான்!

பிளாக் காபி குடிச்சா நிஜமாவே எடை குறையுமா? அதை சரியான நேரத்துல, சரியான முறையில குடிக்கணும். பால், சர்க்கரை போட்ட காபிக்கு குட்பை சொல்லிட்டு, பிளாக் காபியை எப்படி குடிக்கலாம்னு பார்க்கலாம் வாங்க.

சந்தோஷத்துடன் பருகுவோம் மக்களே

பிளாக் காபியில் உடல் எடையைக் குறைத்து, தொப்பையைக் கட்டுப்படுத்த உதவும் பல சத்துக்கள் உள்ளன. இதில் உள்ள 'குளோரோஜெனிக் அமிலம்' (chlorogenic acid) மெட்டபாலிசத்தை அதிகரித்து, உடலில் உள்ள கொழுப்பை வேகமாக கரைக்க உதவுகிறது.

ஏன் குடிக்கனும் பிளாக் காஃபி?

பிளாக் காபியில் காஃபின், தியோபுரோமின், தியோஃபிலின் மற்றும் குளோரோஜெனிக் அமிலம் போன்றவை உள்ளன. இவை உடல் பருமனை குறைக்க உதவுகின்றன. ஆனால், நீங்கள் பால் சேர்த்து காபி குடிக்கும்போது, இந்த சத்துக்களின் அளவு குறைந்துவிடும். அதனால்தான் நிபுணர்கள் பிளாக் காபி குடிக்கப் பரிந்துரைக்கிறார்கள்.

உங்கள் பசியைக் கட்டுப்படுத்தும்

அதுமட்டுமில்லாமல், பிளாக் காபி உங்கள் பசியைக் கட்டுப்படுத்தவும் உதவுகிறது. இது தேவையில்லாத நேரத்தில் ஏற்படும் உணவு ஆசையைக் (cravings) குறைக்கிறது. இதனால், நீங்கள் அதிகமாக சாப்பிடுவதைத் தவிர்க்கலாம்.

எந்த நேரத்தில் குடித்தால் அதிக நன்மை?

சரி, பிளாக் காபியை எந்த நேரத்தில் குடித்தால் அதிக நன்மை கிடைக்கும்? உடற்பயிற்சி செய்வதற்கு முன்பு குடிப்பதுதான் மிகவும் நல்லது. இது உங்கள் எனர்ஜி லெவலை அதிகரித்து, அதிக நேரம் உடற்பயிற்சி செய்ய உதவும். காலையில் வெறும் வயிற்றில் பிளாக் காபி குடித்துவிட்டு உடற்பயிற்சி செய்யுங்கள்.

இந்த தப்பை செய்யவே கூடாது.!

நிபுணர்கள் ஒரு எச்சரிக்கையையும் கொடுக்கிறார்கள். காலையில் வெறும் வயிற்றில் பிளாக் காபி குடித்துவிட்டு, உடற்பயிற்சி செய்யாமல் இருந்தால், அது உடலுக்கு தீங்கு விளைவிக்கும். இது வயிற்றுப் பிரச்சினை மற்றும் அமிலத்தன்மை (acid reflux) போன்றவற்றை ஏற்படுத்தலாம். எனவே, காபி குடித்த பிறகு உடற்பயிற்சி செய்வது அவசியம்.

இதை சேர்த்தால் சுவை சூப்பரா இருக்கும்.!

ஒரு பாத்திரத்தில் ஒன்று அல்லது இரண்டு கப் தண்ணீர் ஊற்றி கொதிக்க வைக்கவும். தண்ணீர் கொதித்ததும், ஒரு டீஸ்பூன் காபி தூளைச் சேர்த்து மீண்டும் கொதிக்க விடவும். பிறகு அதை வடிகட்டி குடியுங்கள். இதில் சர்க்கரை சேர்க்கவே கூடாது. காபி மிகவும் கசப்பாக இருந்தால், சுவைக்காக சிறிது இலவங்கப்பட்டை தூளைச் சேர்த்துக் கொள்ளலாம்.