அரிசியை இந்த மாதிரி சமச்சி பாருங்க: உடம்புல சுகரே ஏறாது

அரிசி நமது உடலுக்கு ஊட்டச்சத்துகளையும், பல்வேறு ஆற்றலையும் வழங்குகிறது. ஒருசிலர் அரிசியை ஊறவைத்தும், ஒருசிலர் சாதாரணமாக கழுவியவுடனும் சமைக்கின்றனர். அப்படி ஊறவைத்து சமைப்பதால் நமது உடலுக்கு கிடைக்கும் நன்மைகள் என்ன என்பது பலருக்கும் தெரியாது. மைக்ரோவேவ் ஓவன் போன்ற பல நவீன இயந்திரங்களை பயன்படுத்தும்போது நமது வாழ்க்கையை எளிதாக்குகின்றன. ஆனால், தற்போதைய நவீன வாழ்க்கை முறையில் நமது பாரம்பரிய சமையல் முறைகளையும், அவை அளிக்கும் ஆரோக்கிய நன்மைகளையும் மறந்து விடுகிறோம்.

அரிசியை ஊறவைத்து சமைப்பதால் கிடைக்கும் நன்மைகள்

அரிசியில் பைடிக் அமிலம் என்ற ஒரு பொருள் உள்ளது. இது உடலில் இரும்பு, துத்தநாகம் போன்ற முக்கியமான தாதுக்களை உறிஞ்சுவதை தடுக்கிறது. மேலும் அரிசியை ஊறவைப்பதன் மூலம்  இந்த பைடிக் அமிலம் வெகுவாக குறைகிறது. இதனால் மூலம் உடலில் இரும்பு, துத்தநாகம் போன்ற தாதுக்களின் அளவு அதிகரிக்கிறது. மேலும் ரத்த சோகை பிரச்சினை உள்ளவர்களுக்கும் இது மிகவும் பயனுள்ளதாக அமைகிறது.

செரிமானத்தை எளிதாக்குகிறது

அரிசியை ஊறவைத்து சமைப்பதால் அரிசியில் உள்ள மாவுசத்து மென்மையாகிறது. இதனால் அரிசி எளிதில் செரிமானமாகிறது. இப்படி செய்வது குழந்தைகள், வயதானவர்கள், செரிமானக் கோளாறு உள்ளவர்களுக்கு நல்ல தீர்வாக அமைகிறது. மேலும் மலச்சிக்கலையும் தவிர்க்கிறது.

சர்க்கரையை கட்டுப்படுத்துகிறது

பொதுவாக அரிசி வகை உணவுகளை சர்க்கரை நோயாளிகள் தவிர்க்க வேண்டும் என மருத்துவர்கள் பரிந்துரைக்கின்றனர். ஆனால் அரிசியை ஊறவைத்து சமைப்பதால் அது உடலில் சர்க்கரை அதிகரிப்பதை கட்டுப்படுத்துவதாக சொல்லப்படுகிறது.

ஊட்டச்சத்து அளவு அதிகரிக்கிறது

அரிசியை ஊறவைத்து சமைப்பதால் அதில் உள்ள வைட்டமின்கள் மற்றும் தாதுக்களின் அளவு அதிகரிக்கிறது. வைட்டமின் பி குழுமத்தின் அளவு அதிகரிக்கிறது. இது வைட்டமின்கள் நரம்பு மண்டலத்தின் ஆரோக்கியத்திற்கு உதவுகிறது.

ஊறவைக்கும் நேர அளவு

ஒருசிலர் அரிசியை 3 முதல் 4 மணி நேரம் அளவிற்கு தண்ணீரில் ஊறவைக்கின்றனர். ஆனால் இப்படி செய்வதால் அரிசியில் உள்ள வைட்டமின் மற்றும் மினரல்ஸ் தண்ணீரில் கரைந்துவிடுகிறது. அரிசியை அதிக நேரம் ஊறவைக்க வேண்டிய அவசியம் கிடையாது. 15 முதல் 20 நிமிடங்களுக்கு ஊறவைத்தாலே போதுமானது.