தலையணை இல்லாமல் தூங்குவதால் இவ்வளவு நன்மைகள் கிடைக்குமா?

சிலருக்குத் தலையணை இல்லாமல் தூக்கமே வராது. வேறு சிலருக்கோ தலையணை இல்லாமல் தூங்கினால்தான் நிம்மதியாக இருக்கும். தலையணை இல்லாமல் தூங்குவதால் என்ன நிகழும் தெரியுமா?

Benefits of Sleeping without Pillow

நம் உடலுக்குத் தூக்கம் மிகவும் அவசியம். சோர்வடைந்த உடலை மீண்டும் புத்துணர்ச்சியுடனும், சுறுசுறுப்புடனும் மாற்றத் தூக்கம் உதவுகிறது. ஆனால், பலர் நிம்மதியாகவும், அமைதியாகவும் தூங்குவதற்குத் தலையின் கீழ் தலையணையை வைத்துக் கொள்கின்றனர். பலருக்குத் தலையணை இல்லாமல் தூக்கமே வராது. ஆனால், தலையணை இல்லாமல் படுப்பதே நல்ல பழக்கம் என்கின்றனர் சுகாதார நிபுணர்கள். தலையணை இல்லாமல் படுத்தால் நமக்குக் கிடைக்கும் நன்மைகள் என்ன என்பதை இப்போது தெரிந்து கொள்வோம்.

Sleeping without Pillow

முதுகுவலியைக் குறைக்கிறது 

இக்காலத்தில் பலருக்கு முதுகுவலி பிரச்சினை உள்ளது. இந்த முதுகுவலிக்குப் பல காரணங்கள் உள்ளன. ஆனால், இப்படிப்பட்டவர்கள் தலையணையைப் பயன்படுத்தவே கூடாது. உங்களுக்கு இந்தப் பிரச்சினை இருந்தால், தலையணை இல்லாமல் படுப்பதைப் பழக்கப்படுத்திக் கொள்ள வேண்டும். ஏனெனில், தலையணை இல்லாமல் படுத்தால் உங்கள் முதுகெலும்பு நேராக இருக்கும். இதனால் வலி ​​குறையும். 

கழுத்து வலியைக் குறைக்கிறது 

கழுத்துவலிக்குப் பல காரணங்கள் உள்ளன. ஆனால், கழுத்துவலியால் அவதிப்படுபவர்கள் தலையணையைப் பயன்படுத்தவே கூடாது. ஆம், நீங்கள் தலையணை இல்லாமல் படுத்தால் வலி ​​குறையும். நீங்கள் தலையணை இல்லாமல் தூங்கினால், உங்கள் கழுத்து மற்றும் தோள்களுக்கு இரத்த ஓட்டம் சீராக இருக்கும். இதனால் கழுத்துவலி குறையும். 

சருமம், கூந்தல்

தலையணை வைத்துப் படுப்பதால் கூந்தல், சருமம் பாதிக்கப்படும். உங்களுக்குத் தெரியுமா? தலையணை வைத்துப் படுப்பவர்களுக்குத்தான் கூந்தல், சருமம் தொடர்பான பிரச்சினைகள் வருவதாகப் பல ஆய்வுகள் கூறுகின்றன. ஏனெனில், தலையணையில் தூசி, அழுக்கு, வியர்வை அதிகமாக இருக்கும். இதனால் முகத்தில் முகப்பருக்கள் ஏற்படும். அதேபோல், கூந்தல் உதிரும். எனவே, நீங்கள் தலையணை இல்லாமல் படுப்பதைப் பழக்கப்படுத்திக் கொண்டால், இந்தப் பிரச்சினையிலிருந்து விடுபடலாம். 

தலைவலியைக் குறைக்கிறது

சிலருக்குக் காலையில் எழுந்தவுடன் தலைவலி ஏற்படும். இதற்குக் காரணம் தலையணைதான் என்கின்றனர் சுகாதார நிபுணர்கள். ஏனெனில், உயரமான தலையணையில் படுப்பதால் தலைக்கு இரத்த ஓட்டம், ஆக்ஸிஜன் விநியோகம் குறையும். இதனால்தான் காலையில் தூக்கம் எழுந்தவுடன் தலைவலி ஏற்படுகிறது. எனவே, இப்படிப்பட்ட பிரச்சினை உள்ளவர்கள் தலையணை இல்லாமல் படுப்பதைப் பழக்கப்படுத்திக் கொள்ள வேண்டும். 

உடல் தோரணை மேம்படும்

தலையின் கீழ் தலையணை வைத்துப் படுத்தால், உங்கள் கழுத்து அதிக நேரம் வளைந்திருக்கும். இதனால், நாளடைவில் உங்கள் கழுத்து அதிகமாக வளையும். எனவே, தலையணை இல்லாமல் தூங்குவதைப் பழக்கப்படுத்திக் கொள்ளுங்கள். இது உங்கள் கழுத்தை நேராக வைத்திருக்கும். 

நல்ல தூக்கம்

தலையணை இருந்தால்தான் தூக்கம் வரும் என்று பலர் கூறுவார்கள். ஆனால், தலையணையால் தேவையற்ற பிரச்சினைகள் வரும். இதனால் உங்களுக்குச் சரியாகத் தூக்கம் வராது. எனவே, நீங்கள் தலையணை இல்லாமல் படுப்பதைப் பழக்கப்படுத்திக் கொள்ள வேண்டும். உங்களுக்குத் தெரியுமா? தலையணை இல்லாமல் தூங்குவதால் மூளைக்கு இரத்த ஓட்டம், ஆக்ஸிஜன் அதிகரிக்கும். இதனால் உங்கள் மன அழுத்தம் குறையும். அதேபோல், நன்றாகத் தூக்கம் வரும்.