பாப்கார்ன் வெறும் நொறுக்குத்தீனினு நினைச்சிருப்பீங்க.. அது உடல் ஆரோக்கியத்துக்கு எவ்ளோ முக்கியம் தெரியுமா? 

Health Benefits Of Popcorn : பாப்கார்ன் உண்பதால் உடலுக்கு சில ஆரோக்கியமான நன்மைகளும் கிடைக்கின்றன. நமக்கு மகிழ்ச்சி அளிக்கும் ஹார்மோனை தூண்டும் ஆற்றல் கூட பாப்கார்னுக்கு உண்டு. 

Health Benefits Of Popcorn In Tamil

பாப்கார்ன் என்றாலே அது ஒரு நொறுக்குத்தீனியாக தான் எல்லோர் நினைவுக்கும் வரும். ஆனால் அது மக்காச்சோளம். சோளத்தை நாம் நேரடியாக உண்ணாமல் ஏர் பாப் முறையில் வெடிக்கச் செய்து உண்கிறோம். இப்போதெல்லாம் அவை தியேட்டர், பஸ் ஸ்டாண்ட், சூப்பர் மார்க்கெட் என எல்லா இடங்களிலும் விற்கின்றன.

பல குழந்தைகளுக்கு சோளம் என்றால் தெரியாது ஆனால் பாப்கார்ன் தான் பேவரைட். பாப்கார்ன் எல்லோரும் விரும்பி சாப்பிட அறிவியல் சார்ந்த ஒரு காரணமும் உண்டு. அதில் மகிழ்ச்சியை தூண்டும் ஹார்மோன் என சொல்லப்படும் டோபமைனை தூண்டும் ஆற்றல் உண்டு. பாப்கார்ன் நம் மனநிலையை சீராக்கிவிடுகிறது. 

இதெல்லாம் பெரிய விஷயமா என்றால், ஆம் பெரிய விஷயம் தான். மனநிலை ஒருவருக்கு சீராக இருந்தாலே மன அழுத்தம் இருக்காது. இதுவே நம்மை பாதி நோய்களில் இருந்து காப்பாற்றும். உண்மையில், சிப்ஸ் போன்ற நொறுக்குத்தீனிகளை விட பாப்கார்ன் பல வழிகளில் சிறந்ததாக உள்ளது. அதை குறித்து இந்தப் பதிவில் காணலாம். 

பாப்கார்னில் அடங்கியுள்ளவை: 

ஒரு கப் பாப்கார்னில் 30 கலோரிகள் உள்ளன. இதில் கொழுப்பு 0.5 கிராம், நார்ச்சத்தும், புரதமும் 1 கிராம் உள்ளன. கார்போஹைட்ரேட் 6 கி, உப்பு 1 மிகி, பொட்டாசியம் 70 மிகி உள்ளது. மனிதனுக்கு அன்றாடம் தேவைப்படும் வைட்டமின் பி6 10%, மாங்கனீசு 10% உள்ளது. இதில் உடலுக்கு தேவையான நார்ச்சத்து, வைட்டமின்கள் மற்றும் தாதுப்பொருட்கள் உள்ளன. 

ஆரோக்கிய நன்மைகள்:

பாப்கார்ன் முழு தானியமான சோளத்தில் இருந்து தயாரிக்கப்படுகிறது. இதில்  அதிக ஆக்ஸிஜனேற்றங்கள் உள்ளன. நாம் உண்ணும் சில பழங்கள், காய்கறிகளை விட பாப்கார்னில் அதிகளவு ஆக்ஸிஜனேற்றங்கள் நிறைந்து காணப்படுகிறது. 

தானியங்களில் உள்ள பசையத்தை சிலரால் ஜீரணிக்க முடியாது. அவர்கள் கூட பாப்கார்ன் உண்ணலாம். எளிதில் செரிமானம் அடையும். செலியாக் நோய் இருப்பவர்களும் பாப்கார்ன் உண்ணலாம். 

எடையை குறைக்க நினைப்பவர்கள் சாப்பிடத் தகுந்த ஸ்நாக் பாப்கார்ன். குறைந்த கலோரியுள்ள நொறுக்குத்தீனி பாப்கார்ன். 

எலும்புகளின் ஆரோக்கியம், காயம் விரைந்து குணமாதல்போன்றவற்றிற்கு தேவையான மாங்கனீஸ் பாப்கார்னில் உள்ளது. இது வளர்சிதை மாற்றத்திற்கும் உதவும். 

பாப்கார்னில் நார்ச்சத்து அதிகமுள்ளது. ஆகவே செரிமானம் மேம்பாடு அடைய செய்யும். குடல் செயல்பாட்டையும் பாப்கார்ன் ஆதரிக்கிறது. 

பாப்கார்னில் காணப்படும் கரையும் நார்ச்சத்து கொலஸ்ட்ரால் அளவை குறைக்க உதவுகிறது.

நம் உடலின் செரிமான மண்டலத்தில் முக்கியமான குடல் பாக்டீரியாவை பாப்கார்ன் ஊக்குவிக்கிறது. இதில் உள்ள ப்ரீபயாடிக் ஃபைபர் நன்மை செய்யும் குடல் பாக்டீரியாவுக்கு உணவாகிறது. 

இரத்தச் சர்க்கரை அளவை கூட பாப்கார்ன் கட்டுப்பாட்டுக்குள் வைக்கும். இதில் உள்ள நார்ச்சத்து மற்றும் ஆக்ஸிஜனேற்றிகள் இரத்த சர்க்கரை அளவை சீராக வைத்திருக்க உதவுகின்றன. 

பாப்கார்ன் சாதாரண நொறுக்குத்தீனி தான். ஆனால் இதில் புற்றுநோயை எதிர்த்துப் போராடும் பண்புகள் கூட உள்ளன. இதில் காணப்படும் ஆன்டிஆக்ஸிடன்ட்கள், பைட்டோ கெமிக்கல்கள் புற்றுநோய் எதிர்ப்பு பண்புகளை கொண்டுள்ளன. 

இதையும் படிங்க:  Chicken Popcorn : நான்-வெஜ் பிரியர்களுக்கு பிடித்த க்ரிஸ்பியான KFC பாப் கார்ன் சிக்கன் வீட்டிலேயே செய்யலாமா?

இந்த ஆரோக்கிய நன்மைகள் ஒருபுறம் என்றால் டோபமைன் சுரப்பை தூண்டுவது இன்னொருபுறம். பாப்கார்னுக்கும் நம் உடலில் சுரக்கும் மகிழ்ச்சி ஹார்மோனான டோபமைனுக்கும் ஒரு  தொடர்பு உள்ளது. நாம் ஒவ்வொரு முறை பாப்கார்ன் சாப்பிடும் போதும் மகிழ்ச்சியாக உணர்வோம் என்பது அறிவியல் ரீதியான உண்மை.

நாம் தியேட்டரில் படம் பார்க்கும்போது பார்கார்னை கொறித்திருப்போம். அதனுடைய சுவை மற்றும் வாசனை இரண்டும் நமக்கு கிளர்ச்சியை கொடுக்கும். பாப்கார்னில் உள்ள உப்பு, வெண்ணெய் அல்லது சீஸ்   டோபமைன் சுரப்பை தூண்டுகிறது. மொருமொருப்பாக பாப்கார்னை உண்பது, திருப்திகரமான உணர்வை அளித்து டோபமைனைத் தூண்டும். 

பாப்கார்னில் உள்ள சில பொருள்களும் டோபமைன் சுரப்பை அதிகரிக்கும். அதனால் நாம் அதை உண்ணும்போது மகிழ்ச்சியாக உணர்வோம். பாப்கார்னில் உள்ள ஃபைனிலெதிலமைன் (PEA) இயற்கையாக மனநிலை மேம்படுத்தும் பொருளாகும். ஏக்கம், உணர்ச்சி ரீதியான டோபமைன் சுரப்பை அதிகரிக்கும். பார்கார்னில் உள்ள டைரோசின் தான் மூளையில் டோபமைனாக மாற்றமடையும் அமினோ அமிலமாகும். மற்றொரு அமினோ அமிலமான டிரிப்டோபான் செரோடோனினாக மாற்றப்படுவதால் மகிழ்ச்சியாக உணர்கிறோம். 

எந்த மாதிரியான பாப்கார்ன் ஆரோக்கியமானது? 

வீட்டில் குக்கரில் ஏர்-பாப் முறையில் செய்யலாம். மைக்ரோவேவ் பயன்படுத்தி செய்வதும் நல்லது. ஏர்-பாப் முறையில் செய்யும் பாப்கார்ன் சிறந்தது. உப்பு குறைவாக அல்லது உப்பு சேர்க்காத பாப்கார்ன் ஆரோக்கியமானது. முழு தானியமாக இருக்கும் சோளம் அல்லது விளைந்த சோளத்தை பயன்படுத்தலாம். கூடுதல் சுவை தேவைப்பட்டால் மூலிகை பொருள்கள், காரம் சேர்க்கலாம். என்னதான் நல்ல விளைவுகளை தந்தாலும் 1 முதல் 2 கப் பாப்கார்ன் சாப்பிட்டாலே போதும். வரம்பு மீற வேண்டாம்.

இதையும் படிங்க:  Weight Loss Tips : உடல் எடையை குறைக்கும் பாப்கார்ன்: காரணம் இது தான்!