- Home
- Lifestyle
- Running Shoes: உங்க கால்களுக்கு எது செட் ஆகும்? ரன்னிங் ஷூ வாங்கும் போது செய்யக்கூடாத 3 தவறுகள்!
Running Shoes: உங்க கால்களுக்கு எது செட் ஆகும்? ரன்னிங் ஷூ வாங்கும் போது செய்யக்கூடாத 3 தவறுகள்!
Running Shoes: சரியான ரன்னிங் ஷூவை தேர்ந்தெடுப்பது எப்படி? ரன்னிங் ஷூ வாங்கும் போது மக்கள் செய்யும் பொதுவான தவறுகள் மற்றும் அவற்றை தவிர்ப்பதற்கான வழிகளை இங்கே விரிவாகப் பார்க்கலாம்.
14
Image Credit : Asianet News
ரன்னிங் ஷூ வாங்கும் போது செய்யக்கூடாத 3 தவறுகள்
புதிதாக ஓட ஆரம்பிப்பவர்கள் அல்லது பழைய ஷூவை மாற்றுபவர்கள் செய்யும் முதல் தவறு, அதன் கலர் மற்றும் டிசைனைப் பார்த்து வாங்குவதுதான். ஆனால், ரன்னிங் ஷூ என்பது ஒரு ஃபேஷன் பொருள் மட்டுமல்ல. அது உங்கள் கால் ஆரோக்கியத்தையும், ஓடும் திறனையும் தீர்மானிக்கும் முக்கிய கருவி. தவறான ஷூவை வாங்கினால், கால் வலி, முழங்கால் வலி போன்ற காயங்கள் ஏற்படுவது நிச்சயம்.
ஏசியாநெட் தமிழ்-ஐ உங்கள் முதன்மைத் தேர்வாக்குங்கள்
24
Image Credit : Asianet News
மாலை நேரத்தில் ஷூ வாங்குவது நல்லது
நிறைய பேர் தங்களுக்குத் தெரிந்த வழக்கமான சைஸ் ஷூக்களை வாங்குவார்கள். ஆனால், ரன்னிங் ஷூ விஷயத்தில் இது ஒரு பெரிய தவறு. மாலையில் நம் பாதங்கள் லேசாக வீங்கியிருக்கும். எனவே, மாலை நேரத்தில் ஷூ வாங்குவது நல்லது. ஷூவை அணியும்போது, உங்கள் மிக நீளமான விரலுக்கும் ஷூவின் முனைக்கும் இடையில் குறைந்தபட்சம் ஒரு பெருவிரல் அளவு இடைவெளி இருக்க வேண்டும். ஓடும்போது பாதங்கள் சற்று முன்னோக்கி நகரும் என்பதால் இந்த இடைவெளி அவசியம்.
34
Image Credit : Asianet News
கால் அமைப்புக்கு ஏற்ற சப்போர்ட் தரும் ஷூ
ஒவ்வொருவரின் கால் அமைப்பும், ஓடும் விதமும் வித்தியாசமானது. சிலரது பாதம் ஓடும்போது உள்நோக்கி (ஓவர்ஃபுரோனேஷன்) அல்லது வெளிநோக்கி (சூப்பினேஷன்) சாயும். சிலருக்கு நியூட்ரலாக இருக்கும். உங்கள் கால் அமைப்புக்கு ஏற்ற சப்போர்ட் தரும் ஷூக்களை வாங்குவது காயங்களைத் தடுக்க உதவும். ஸ்போர்ட்ஸ் ஷூ கடைகளில் 'gait analysis' என்ற சோதனை செய்வார்கள். டிரெட்மில்லில் உங்களை ஓட வைத்து, உங்கள் ஓட்டத்தை ஆய்வு செய்து, பொருத்தமான ஷூக்களைப் பரிந்துரைப்பார்கள்.
44
Image Credit : google
தேய்ந்துபோன ஷூவை மாற்றுவது காயங்களைத் தவிர்க்கும்.
நீங்கள் தார் ரோட்டில் ஓடுகிறீர்களா அல்லது மலை, காடு போன்ற ட்ரெயில்களில் ஓடுகிறீர்களா என்பதைப் பொறுத்து ஷூவைத் தேர்ந்தெடுக்க வேண்டும். ரோட்டில் ஓட அதிக குஷனிங் உள்ள ஷூக்கள் தேவை. ட்ரெயில் ரன்னிங் ஷூக்களுக்கு நல்ல கிரிப், முள் மற்றும் கற்களிலிருந்து பாதத்தைப் பாதுகாக்கும் திறன் இருக்க வேண்டும். ஆன்லைனில் தள்ளுபடி கிடைக்கிறது என்று பார்க்காமல், புதிய மாடல் அல்லது பிராண்டை கடையில் முயற்சித்துப் பார்த்து வாங்குவதே புத்திசாலித்தனம். ஒரு ரன்னிங் ஷூ பொதுவாக 300-500 மைல்கள் (சுமார் 500-800 கி.மீ.) ஓடிய பிறகு அதன் சப்போர்ட்டை இழந்துவிடும். தேய்ந்துபோன ஷூவை மாற்றுவது காயங்களைத் தவிர்க்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
Latest Videos
