- Home
- Lifestyle
- Self-Perception: நம்மளையே நாம் தப்பா புரிஞ்சுக்கிற 5 இடங்கள்.. சைக்காலஜி சொல்வதை கேளுங்க!
Self-Perception: நம்மளையே நாம் தப்பா புரிஞ்சுக்கிற 5 இடங்கள்.. சைக்காலஜி சொல்வதை கேளுங்க!
Self-Perception: நம்மைக் குறித்து நமக்கே நன்றாகத் தெரியும் என்று நினைத்தாலும், சுய-விழிப்புணர்வு என்பது சிக்கலானது. திறமை, தோல்விக்கான காரணம், எதிர்கால உணர்வுகள், மற்றவர்களின் கவனிப்பு ஆகிய 5 விஷயங்களில் நம்மை நாமே தவறாக எடைபோடுகிறோம்.
நம்மளையே நாம் தப்பா புரிஞ்சுக்கிற 5 இடங்கள்
ஒரு தேர்வில் தோல்வியடைந்தாலோ, பணியில் தவறு நேர்ந்தாலோ, அல்லது உறவுகளில் சிக்கல் ஏற்பட்டாலோ, சிலர் உடனடியாக "நான் ஒரு தோல்வியாளன்", "எனக்கு திறமையே இல்லை", "நான் நல்லவனே இல்லை" என்று முடிவெடுத்துவிடுகிறார்கள். ஆனால், ஒரே ஒரு நிகழ்வு மட்டுமே ஒருவருடைய முழு குணத்தையும் தீர்மானித்துவிடாது.
நம்மைப் பற்றி நமது மூளையில் ஒரு நம்பிக்கை உருவகமாகிவிட்டால், அதற்குப் பிறகு வெளிப்படும் தகவல்களையும் அது பாதிக்கத் தொடங்கும். எனவே, ஒரே ஒரு தவறை மட்டும் அடிப்படையாகக் கொண்டு நமது திறமையை எடைபோடுவது சரியானதல்ல.
திறமையை அதிகமாக மதிப்பிடுவது
நமது திறமையை எடைபோடும்போது, நாம் எப்போதும் நடுநிலையாகச் செயல்பட முடியாது. சில சமயங்களில், குறைந்த திறமை உடையவர்கள் தங்களது திறமையை மிக அதிகமாக மதிப்பிட்டுக் கொள்கிறார்கள். மற்றொரு புறம், சிலர் தங்களது திறமையை தேவையை விடக் குறைவாக எடைபோடுகிறார்கள். எனவே, உண்மையில் நமது செயல்பாடு எவ்வாறு அமைந்துள்ளது என்பதை அடிப்படையாகக் கொண்டு நம்மை நாமே மதிப்பிடுவதே சிறந்ததாகும்.
எல்லாம் தெரியும் என நினைப்பது
ஒரு முடிவை எடுக்கும்போது, "நான் தீர ஆலோசித்துதான் இந்த முடிவை எடுத்தேன்" என்று நாம் எண்ணக்கூடும். ஆனால், நமது முடிவுகளுக்குப் பின்னால் இருக்கும் அனைத்துக் காரணங்களும் நமக்கு முழுமையாகத் தெரியாமல் இருக்கலாம். "எனக்கு இது பிடிக்காது" என்று கூறுவது மிக எளிது. ஆனால் அதற்குப் பின்னால் பயம், கடந்த கால அனுபவம், சமூக அழுத்தம் அல்லது தோல்வி அடைந்துவிடுவோமோ என்ற கவலைகூட இருக்கலாம். எனவே, நமது முடிவுகளை எவையெல்லாம் பாதிக்கின்றன என்பதை அறிந்துகொள்வது அவசியமாகும்.
அதீத கற்பனை
நாம் செய்த ஒரு சிறிய தவறைக் மற்றவர்களும் நாள் முழுதும் நினைத்துக் கொண்டிருப்பார்கள் என்றும், நமது தோற்றம் அல்லது பேச்சைப் பற்றி அனைவரும் நம்மைப் போலவே அதிகம் யோசிக்கிறார்கள் என்றும் நாம் நினைப்பது இயல்பே. உண்மையில், நாம் நம் மீது செலுத்தும் கவனத்தை மற்றவர்களும் நம் மீது செலுத்துகிறார்கள் என்று எண்ணுவது தவறாகும். யாரோ ஒருவர் கூறியதை அடிப்படையாகக் கொண்டு, அனைவரும் நம்மை இப்படித்தான் பார்க்கிறார்கள் என்ற பெரிய முடிவிற்கு வரக் கூடாது.
நமக்கு நாமே குத்திக்கொள்ளும் முத்திரை
நான் மிகவும் வெட்கப்படுபவன்", "எனக்குக் கோபம் அதிகம்", "என்னால் பதற்றத்தைத் தாங்க முடியாது"... இது போன்ற நாம் நமக்கே குத்திக் கொள்ளும் முத்திரைகள், காலப்போக்கில் நமது அடையாளமாகவே மாறிவிடும். ஆனால், இந்த சுயக் கருத்து (Self-concept) நமது அனுபவங்கள், நாம் ஏற்கும் பாத்திரங்கள் (roles), நடத்தை மற்றும் நம்மைச் சுற்றியுள்ள சூழல் காரணமாக மாறிக்கொண்டே இருக்கும். எனவே, பழைய அனுபவங்களை அடிப்படையாகக் கொண்டு நமது தற்போதைய திறமையை முழுமையாகத் தீர்மானிப்பது சரியல்ல.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
