Hair Growth: கூந்தல் வளர்ச்சி கிடுகிடுவென வளர நெல்லிக்காய் சாற்றுடன் கலக்க வேண்டிய 5 பொருட்கள்!

அடர்த்தியான, ஆரோக்கியமான கூந்தல் பெற நெல்லிக்காய் சாறுடன் 5 இயற்கை பொருட்களைக் கலந்து பயன்படுத்தும் எளிய வழிகள்! முடியின் வேர்களை வலுவாக்கி, முடி கொட்டுவதைக் கட்டுப்படுத்தும் சிறந்த ஹேர் கேர் குறிப்புகள் பற்றித் தெரிந்துகொள்ளுங்கள்.

Image Credit : Getty

கற்றாழை ஜெல் :

கற்றாழை ஜெல்லில் உள்ள ஈரப்பதமூட்டும் பண்புகள், மண்டை ஓட்டின் (Scalp) வறட்சியை நீக்கி குளிர்ச்சியடையச் செய்கிறது. நெல்லிக்காய் சாற்றுடன் கற்றாழை ஜெல்லைக் கலந்து தேய்க்கும்போது, கூந்தல் மென்மையாவதுடன் அதன் வளர்ச்சியும் வேகமாகும்.

Image Credit : Getty

வெந்தயம் :

வெந்தயத்தில் புரோட்டீன் மற்றும் நியாசின் போன்ற சத்துக்கள் அதிகமுள்ளன. இவை முடியின் வேர்களை பலப்படுத்தி, முடி மெலிந்து போவதைத் தடுக்கின்றன. வெந்தயத்தை ஊறவைத்து அரைத்து, நெல்லிக்காய் சாற்றுடன் சேர்த்து தலைக்கு பேக் போலப் பயன்படுத்தலாம்.

Image Credit : Getty

விளக்கெண்ணெய் :

முடி அடர்த்தியாக வளர விளக்கெண்ணெய் மிகவும் சிறந்தது. நெல்லிக்காய் சாற்றுடன் சில துளிகள் விளக்கெண்ணெய் கலந்து முடியின் நுனி வரை தேய்த்து வந்தால், முடி உடைவது தடுத்து, நல்ல தடிமனான கூந்தல் வளரும்.

Image Credit : Getty

வெங்காயச் சாறு :

வெங்காயச் சாற்றில் உள்ள சல்பர் சத்து, மண்டை ஓட்டில் ரத்த ஓட்டத்தை அதிகரித்து புதிய முடி வளர உதவுகிறது. இது முடி உதிர்வை மிக விரைவாகக் கட்டுப்படுத்தும். நெல்லிக்காய் மற்றும் வெங்காயச் சாற்றின் கலவை கூந்தலுக்கு நல்ல பலனைத் தரும்.

Image Credit : Getty

தேங்காய் எண்ணெய் :

நம் பாரம்பரிய தேங்காய் எண்ணெய் முடியின் ஈரப்பதத்தை அப்படியே தக்கவைக்க உதவுகிறது. நெல்லிக்காய் சாற்றுடன் தேங்காய் எண்ணெயைக் கலந்து தலைக்கு மசாஜ் செய்வதன் மூலம், முடி பிளவுபடுவது (Hair breakage) தடுத்து, கூந்தல் நீளமாகவும் வலுவாகவும் வளரும்.