Indoor Plants: வீடே கமகமனு மணக்கும்! குறைந்த பராமரிப்பில் வளரும் 5 'மேஜிக்' செடிகள்!
Indoor Plants: வீட்டை அழகாக்கவும், நல்ல நறுமணத்தோட வெச்சுக்கவும் ஆசையா? அப்போ வீட்டுக்குள்ளேயே வளர்க்கக்கூடிய 5 சூப்பரான பூச்செடிகளைப் பத்தி தெரிஞ்சுக்கலாம் வாங்க. அதை எப்படி பராமரிக்கிறது, தண்ணி ஊத்துறதுன்னு எல்லா டிப்ஸும் இங்கே இருக்கு.
வீட்டுக்கு அழகு சேர்க்கும் பூச்செடிகள்
பர்பிள் ஷாம்ராக்
பர்பிள் ஷாம்ராக் (Purple Shamrock) ஒரு வித்தியாசமான செடி. இந்த செடியோட ஊதா நிற இலைகள் பகலில் விரிஞ்சும், இரவில் மூடிக்கொள்ளும். இதுதான் இந்த செடியின் ஸ்பெஷல். இதோட சின்ன சின்ன இளஞ்சிவப்பு, வெள்ளை நிறப் பூக்கள் பார்க்க இன்னும் அழகா இருக்கும்.
எப்படி பராமரிக்கணும்? ஒரு நாளைக்கு 5-6 மணி நேரம் ஃபில்டர் செய்யப்பட்ட சூரிய ஒளி கிடைக்கணும். அதிகமா தண்ணீர் ஊற்ற வேண்டாம். செடியோட பூக்கள் மூடியிருக்கும்போது தண்ணீர் ஊற்றினால், செடி வீணாகிவிடும்.
கலஞ்சோ
தண்ணீர் ஊற்ற மறப்பவர்களுக்கு கலஞ்சோ (Kalanchoe) செடி ஒரு சூப்பர் சாய்ஸ். குறைஞ்ச பராமரிப்புல பூச்செடி வளர்க்க ஆசைப்பட்டா, கலஞ்சோ உங்க வேலையை ஈஸியாக்கும். இதோட தடிமனான இலைகள் நீண்ட காலத்திற்கு தண்ணீரை சேமித்து, ஈரப்பதத்துடன் இருக்கும். இந்த செடி ஒரே நிறத்தில் இல்லாமல், பல நிறங்களில் பூக்கும்.
எப்படி பராமரிக்கணும்? முடிஞ்சவரைக்கும் குறைவா தண்ணீர் ஊற்றுங்க. நல்ல வெளிச்சம் வர்ற இடத்தில் வைங்க. தண்ணீர் சுலபமா வடியக்கூடிய தொட்டியைத் தேர்ந்தெடுங்க. தொட்டியில் தண்ணீர் தேங்காமல் பார்த்துக்கோங்க.
பீஸ் லில்லி
பீஸ் லில்லி (Peace Lily) செடி, வீடுகளில் வளர்க்க மிகவும் விரும்பப்படும் ஒரு செடி. இது குறைவான வெளிச்சத்திலும் வேகமாக வளரும். இதன் வெள்ளை நிறப் பூக்கள் வீட்டுக்கு ஒரு ஆர்ட்டிஸ்டிக் லுக் கொடுப்பதோடு, நல்ல வாசனையையும் தரும். அதுமட்டுமில்லாம, காற்றில் உள்ள நச்சுப் பொருட்களைக் குறைக்கவும் இந்த செடி உதவுது.
பராமரிப்பு டிப்ஸ்: நேரடி சூரிய ஒளியில் இருந்து பாதுகாக்கவும். தொட்டியில் உள்ள மண்ணை எப்போதும் ஈரப்பதத்துடன் வைத்திருங்கள். தினமும் தண்ணீர் ஊற்ற வேண்டாம். பூக்கள் காய்ந்ததும் அவற்றை அகற்றிவிடுங்கள்.
பெகோனியா
பெகோனியா (Begonia) செடியின் ஸ்பெஷாலிட்டி அதன் பூக்கள் மட்டுமல்ல, அதன் வண்ணமயமான இலைகளும்தான். இதை நீங்க ஹால், பால்கனி அல்லது லிவிங் ரூமில் வைக்கலாம்.
எப்படி பராமரிக்கணும்? பிரகாசமான, ஆனால் மறைமுகமான வெளிச்சம் இதற்குத் தேவை. தினமும் தண்ணீர் ஊற்றுவதற்குப் பதிலாக, வாரத்திற்கு இரண்டு முறை ஊற்றினால் போதும். மழைக்காலம் மற்றும் குளிர்காலத்தில் மண் காய்ந்த பிறகு மட்டும் தண்ணீர் ஊற்றுங்கள்.
ஆந்தூரியம்
ஆந்தூரியம் (Anthurium) செடி பார்க்க ரொம்ப அழகா இருக்கும். இந்த செடியின் ஸ்பெஷல் என்னவென்றால், இதன் சிவப்பு, இளஞ்சிவப்பு, வெள்ளை நிறப் பூக்கள் நீண்ட காலத்திற்கு பூத்து இருக்கும். இதை பெட்ரூம் மற்றும் லிவிங் ரூம்களில் வைக்கலாம்.
எப்படி பராமரிக்கணும்? ஒரு நாளைக்கு 3-4 மணி நேரம் மறைமுக சூரிய ஒளி படுற மாதிரி பாத்துக்கோங்க. இலைகளில் தூசி படிந்தால், ஈரமான துணியால் துடைத்து விடுங்கள். மண் காய்ந்த பிறகு மட்டும் தண்ணீர் ஊற்றுங்கள், இல்லையென்றால் வேர்கள் அழுகிவிடும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
