USA Travel Tips: அமெரிக்கா போறீங்களா? இந்தியர்களே இந்த 15 விஷயங்களை மறக்காதீங்க!
USA Travel Tips: முதல்முறையா அமெரிக்கா பயணம் செய்யப் போறீங்களா? விசா, செலவுகள், டிப்ஸ், போக்குவரத்து, வரி, டிரைவிங் விதிகள்னு நீங்க கண்டிப்பா தெரிஞ்சுக்க வேண்டிய 15 விஷயங்கள் இங்கே பார்க்கலாம்.
அமெரிக்கா செல்லும் இந்தியர்களுக்கு எச்சரிக்கை
வேலை, படிப்பு, சுற்றுலா அல்லது உறவினர்களைப் பார்க்க முதல்முறையாக அமெரிக்கா செல்லும் இந்தியர்கள், அங்குள்ள வாழ்க்கை முறை மற்றும் விதிகளைப் பற்றித் தெரிந்துகொள்வது அவசியம். இந்தியாவுடன் ஒப்பிடும்போது அமெரிக்காவின் சட்டங்கள், போக்குவரத்து, செலவுகள் முற்றிலும் வேறுபட்டவை. சரியான திட்டமிடல் இல்லையென்றால், விமான நிலையத்தில் இறங்கியதுமே சிக்கல்கள் வரலாம்.
அமெரிக்கா செல்ல சரியான விசா (B1/B2, H-1B, F-1) அல்லது ESTA (சில நாடுகளுக்கு) தேவை. விசா கையில் இருந்தால் மட்டும் போதாது. இமிகிரேஷன் அதிகாரிகள் கேட்கும் கேள்விகளுக்குத் தெளிவாகப் பதிலளிக்க வேண்டும். உங்கள் பயண நோக்கம், தங்குமிடம், திரும்பும் டிக்கெட் போன்ற ஆவணங்களை தயாராக வைத்திருக்க வேண்டும். உங்கள் பாஸ்போர்ட் குறைந்தது 6 மாதங்கள் வேலிடிட்டி உள்ளதா என்பதையும் உறுதிப்படுத்திக் கொள்ளுங்கள்.
மருத்துவச் செலவுகள், இன்சூரன்ஸ் முக்கியத்துவம்
அமெரிக்காவில் மருத்துவ சேவைகள் உலகிலேயே மிகவும் காஸ்ட்லியானவை. ஒரு சின்ன டாக்டர் கன்சல்டேஷனுக்கே பெரிய தொகை செலவாகும். இன்சூரன்ஸ் இல்லாமல் ஒரு நாள் மருத்துவமனையில் தங்கினால் கூட, ஆயிரக்கணக்கான டாலர்கள் செலவழிக்க நேரிடும்.
எனவே, குறைந்தது $50,000 முதல் $100,000 வரை கவரேஜ் உள்ள டிராவல் அல்லது ஹெல்த் இன்சூரன்ஸ் எடுத்துக்கொள்வது மிக முக்கியம். டாலர் மதிப்பு அதிகம் என்பதோடு, அங்குள்ள வாழ்க்கைச் செலவும் அதிகம். ஹோட்டல், வீட்டு வாடகை, ரெஸ்டாரன்ட், போக்குவரத்து செலவுகள் இந்தியாவை விட பல மடங்கு அதிகம். பண விஷயத்தில் சரியான திட்டமிடல் அவசியம்.
பாகிஸ்தான் ரயிலில் டிக்கெட் இல்லாமல் போனால் எவ்வளவு ஃபைன் தெரியுமா?
ஷாப்பிங் வரி, டிப்ஸ் கலாச்சாரம்
அமெரிக்க கலாச்சாரத்தில் டிப்ஸ் கொடுப்பது ஒரு எழுதப்படாத விதி. ரெஸ்டாரன்ட்கள், கேப்கள், சலூன் கடைகள், டெலிவரி சேவைகளில் பில் தொகையில் 15% முதல் 20% வரை டிப்ஸ் கொடுப்பது வழக்கம். இந்த டிப்ஸ், வரிக்கு முந்தைய பில் தொகையில் கணக்கிடப்படுகிறது.
அதேபோல, கடைகளில் பொருட்களின் மீதுள்ள விலை டேக் இறுதி விலை அல்ல. பில்லிங் கவுன்டரில் உள்ளூர் மற்றும் மாநில விற்பனை வரி கூடுதலாகச் சேர்க்கப்படும். இதனால், விலை டேக்கை விட பில் தொகை அதிகமாக இருக்கும். இந்த வரி ஒவ்வொரு மாநிலத்தைப் பொறுத்து 0% முதல் 10% வரை மாறுபடும்.
போக்குவரத்து விதிமுறைகள், டிரைவிங் விதிகள்
நியூயார்க், சிகாகோ, வாஷிங்டன் டி.சி. போன்ற பெரிய நகரங்களில் பொதுப் போக்குவரத்து நன்றாக இருக்கும். ஆனால் மற்ற பகுதிகளில் இந்த வசதி குறைவு. அங்கு மக்கள் சொந்த கார், வாடகைக் கார் அல்லது ஊபர், லிஃப்ட் போன்ற செயலிகளைத்தான் அதிகம் நம்பியிருக்கிறார்கள். நீங்கள் கார் ஓட்ட விரும்பினால், சர்வதேச ஓட்டுநர் உரிமம் வைத்திருக்க வேண்டும்.
அங்கு வாகனங்கள் சாலையின் வலதுபுறம் செல்லும். வேக வரம்புகள், 'ஸ்டாப்' சிக்னல்கள், பாதசாரிகள் கடக்கும் இடங்களில் அவர்களுக்கு முதல் முன்னுரிமை கொடுப்பது போன்ற விதிகள் மிகவும் கடுமையானவை. ஜீப்ரா கிராசிங் இல்லாத இடங்களில் சாலையைக் கடக்க கூடாது என்பார்கள். சில நகரங்களில் இதற்கு அபராதம் விதிக்கிறார்கள்.
அளவீட்டு முறை, நிதிச் சட்டங்கள்
அமெரிக்காவில் மெட்ரிக் முறைக்குப் பதிலாக இம்பீரியல் சிஸ்டம் பயன்படுத்துகிறார்கள். தூரத்தை மைல்களிலும், எடையைப் பவுண்டுகளிலும், வெப்பநிலையை ஃபாரன்ஹீட்டிலும், திரவங்களை கேலன்களிலும் அளவிடுகிறார்கள். பணப் பரிவர்த்தனைகளுக்குப் பெரும்பாலும் கிரெடிட்/டெபிட் கார்டுகள் அல்லது ஆப்பிள் பே, கூகுள் பே போன்ற டிஜிட்டல் முறைகளையே பயன்படுத்துகின்றனர். அங்குள்ள பிளக் பாயின்ட்கள் டைப் A/B வகையிலும், மின்சாரம் 110V / 60Hz ஆகவும் இருக்கும்.
எனவே, ஒரு யுனிவர்சல் டிராவல் அடாப்டரை எடுத்துச் செல்வது அவசியம். போலீஸ், தீயணைப்பு அல்லது மருத்துவ உதவிக்கு அவசர எண் 911-க்கு அழைக்கலாம். மது அருந்துவதற்கான குறைந்தபட்ச வயது 21. பூங்காக்கள், சாலைகள் போன்ற பொது இடங்களில் மது அருந்துவது சட்டவிரோதம். தனிநபர் பிரைவசிக்கு அதிக முக்கியத்துவம் கொடுப்பார்கள். வரிசையில் நிற்பது, 'நன்றி', 'மன்னிக்கவும்' சொல்வது போன்ற அடிப்படை நாகரிகங்களைப் பின்பற்றுவது உங்கள் பயணத்தை எளிதாக்கும்.
