நிதி ஆயோக் கூட்டத்தில் முதல்வர்களுடன் கலந்துரையாடிய பிரதமர் மோடி!

நிதி ஆயோக்கின் 10வது நிர்வாகக் குழு கூட்டம் பிரதமர் மோடி தலைமையில் சனிக்கிழமை நடைபெற்றது, இதில் நாடு முழுவதும் உள்ள முதலமைச்சர்கள் மற்றும் மாநிலத் தலைவர்கள் 'விக்ஸித் பாரதத்திற்கான விக்ஸித் ராஜ்யம் @2047' என்ற கருப்பொருளில் ஒன்று கூடினர்.

டெல்லியில் உள்ள பாரத் மண்டபத்தில் நடைபெற்ற நிதி ஆயோக் கூட்டத்தில், பிரதமர் நரேந்திர மோடி மாநில முதல்வர்களை ஒவ்வொன்றாக சந்தித்து பேசினார்.

தமிழக முதல்வர் மு.க. ஸ்டாலின் இந்தக் கூட்டத்தில் கலந்துகொண்டிருக்கிறார். உத்தர பிரதேச முதல்வர் யோகி ஆதித்யநாத், ஆந்திரப் பிரதேச முதல்வர் என். சந்திரபாபு நாயுடு, குஜராத் முதல்வர் பூபேந்திர படேல், மத்தியப் பிரதேச முதல்வர் மோகன் யாதவ், சத்தீஸ்கர் முதல்வர் விஷ்ணு தேவ் சாய், ஹிமாச்சல் முதல்வர் சுக்விந்தர் சுகு, தெலுங்கானா முதல்வர் ரேவந்த் ரெட்டி, பஞ்சாப் முதல்வர் பகவந்த் மான், ஜம்மு காஷ்மீர் மாநிலம் உமர் அப்துல்லா, ஒடிசா முதல்வர் மோகன், ஒடிசா முதல்வர் மோகன் சரண்ஹாம், திரிபுராவின் மாணிக் சாஹா ஆகியோர் கலந்து கொண்டார்.

பிரதமர் நரேந்திர மோடியை சந்தித்த பிறகு தமிழக முதல்வர் மு.க. ஸ்டாலினும் தனது கருத்துக்களை தெரிவித்தார். மத்திய வரிகளில் மாநிலங்களுக்கு 50 சதவீத உரிமைப் பங்கை வழங்க வேண்டும் என்று அவர் வேண்டுகோள் விடுத்தார்.

இந்த சந்திப்பின் போது, ​​பஞ்சாப் முதல்வர் பகவந்த் மான் மற்றும் ஜார்க்கண்ட் முதல்வர் ஹேமந்த் சோரன் ஆகியோரும் பிரதமர் மோடியைச் சந்தித்துப் பேசினர்.

நிதி ஆயோக்கின் இந்தக் கூட்டம், 2047 ஆம் ஆண்டுக்குள் இந்தியாவை வளர்ந்த நாடாக மாற்றுவதற்கான மாநிலங்களின் கூட்டு உத்தி குறித்து கவனம் செலுத்தியது.

மத்திய அரசின் 'விக்சித் பாரதத்திற்கான விக்சித் ராஜ்யம்' என்ற கொள்கை, காலக்கெடு நிர்ணயிக்கப்பட்ட இலக்குகள், தரவு சார்ந்த செயல்முறைகள் மற்றும் தொழில்நுட்ப அடிப்படையிலான நிர்வாகம் ஆகியவற்றை ஏற்றுக்கொள்ள வேண்டும் எனக் கூறுகிறது. திட்ட கண்காணிப்பு அலகுகள் மற்றும் தகவல் தொடர்பு தொழில்நுட்பம் சார்ந்த கண்காணிப்பு மூலம் முடிவுகள் எடுக்கவும் அறிவுறுத்துகிறது.

இந்தச் சந்திப்பின்போது, அரசுத் திட்டங்கள் ரீதியான விவாதங்களைத் தவிர, முதலமைச்சர்களிடம் தனிப்பட்ட முறையிலும் பிரதமர் நரேந்திர மோடி பேசினார்.

மாநிலங்களின் புவியியல் மற்றும் மக்கள்தொகை எவ்வாறு இந்தியாவின் அடித்தளமாக மாறும் என்பது குறித்து விவாதம் நடைபெற்றது. மத்திய-மாநில ஒத்துழைப்பை ஊக்குவித்தல் மற்றும் நிலையான வளர்ச்சி சவால்கள் குறித்தும் இந்தக் கூட்டம் கவனம் செலுத்தியது.

இது தவிர, நிலையான மேம்பாடு, திறன் மேம்பாடு, வேலைவாய்ப்பு மற்றும் தொழில்முனைவோர் நலன் ஆகியவை பற்றியும் சிறப்பு கவனம் செலுத்தப்பட்டது.