போடுறா வெடிய.. கொத்தாக 10 நாட்கள் விடுமுறை! குஷியில் துள்ளிக்குதிக்கும் பள்ளி மாணவர்கள்!

School Holidays: பிற்படுத்தப்பட்ட வகுப்பினருக்கான கணக்கெடுப்புப் பணிகளை முடிக்கும் நோக்கில், அரசு மற்றும் அரசு உதவி பெறும் பள்ளிகளுக்கான தசரா விடுமுறை அக்டோபர் 18 வரை நீட்டிக்கப்படுவதாக முதல்வர் அறிவித்துள்ளார். 

Image Credit : x

தசரா விடுமுறை நீட்டிப்பு

மாநில அரசு, பிற்படுத்தப்பட்ட வகுப்பினருக்கான கணக்கெடுப்புப் பணிகளை முடிக்கும் நோக்கில், அரசு மற்றும் அரசு உதவி பெறும் பள்ளிகளின் மாணவர்களுக்கான தசரா விடுமுறையை அக்டோபர் 18 வரை நீட்டிக்கப்படுவதாக முதல்வர் சித்தராமையா அறிவிப்பை வெளியிட்டுள்ளார். மாநில அரசுப் பள்ளி ஆசிரியர் சங்கம் முதல்வரைச் சந்தித்து, அரசின் சாதிவாரி கணக்கெடுப்பு மற்றும் பள்ளிக்குச் சென்று பாடம் நடத்துவது ஆகிய இரண்டு பணிகளும் சுமையாக இருப்பதாகத் தெரிவித்தனர். இது தொடர்பாக முதல்வர் சித்தராமையாவிடம் மனு அளித்து, ஏதாவது ஒரு பணிக்கு மட்டும் நியமிக்குமாறு கோரிக்கை விடுத்தனர். ஆசிரியர்கள் சங்கத்தின் கோரிக்கையை ஏற்றுக்கொண்ட பிறகு முதல்வர் பேட்டியளிக்கையில் கணக்கெடுப்புப் பணியில் அதிக எண்ணிக்கையிலான ஆசிரியர்கள் ஈடுபட்டுள்ளதால், தசரா விடுமுறையை மேலும் நீட்டிக்க முடிவு செய்யப்பட்டுள்ளதாகத் தெரிவித்தார்.

Image Credit : GOOGLE

கணக்கெடுப்பு பணி

மாநிலத்தில் பிற்படுத்தப்பட்ட வகுப்பினருக்கான கணக்கெடுப்புப் பணி செப்டம்பர் 22 அன்று தொடங்கியது. இதை அக்டோபர் 7-க்குள் முடிக்கத் திட்டமிடப்பட்டிருந்தது. ஆனால், கணக்கெடுப்பின் முன்னேற்றம் எதிர்பார்த்த அளவுக்கு இல்லை என்று முதலமைச்சர் கூறியுள்ளார். மாநிலம் முழுவதும் எங்கள் எதிர்பார்ப்புக்கு ஏற்ப கணக்கெடுப்பு முடியவில்லை. கொப்பல் போன்ற சில மாவட்டங்களில் 97% முன்னேற்றம் அடைந்துள்ள நிலையில், தட்சிண கன்னடா மற்றும் உடுப்பி மாவட்டங்களில் வெறும் 60% மட்டுமே முடிந்துள்ளது. அக்டோபர் 7 கடைசி நாளாக இருந்தாலும், அனைத்து மாவட்டங்களிலும் முழுமையான கணக்கெடுப்பை முடிப்பது சாத்தியமில்லை என்று முதல்வர் சித்தராமையா தெரிவித்தார்.

Image Credit : Asianet News

ஆசிரியர்கள் கோரிக்கை

கணக்கெடுப்புப் பணியில் மாநிலம் முழுவதும் சுமார் 1.20 லட்சம் ஆசிரியர்கள் மற்றும் 40 ஆயிரம் இதர ஊழியர்கள் என மொத்தம் 1.60 லட்சம் பேர் ஈடுபட்டுள்ளனர். இந்தச் சூழலில், கணக்கெடுப்பை முடிக்கக் குறைந்தபட்சம் 10 நாட்கள் கூடுதல் அவகாசம் வேண்டும் என்று ஆசிரியர் சங்கங்கள் அரசுக்கு மனு அளித்திருந்தன. 

Image Credit : Getty

பள்ளிகளுக்கு விடுமுறை

இந்தக் கோரிக்கையை ஏற்றுக்கொண்ட அரசு, நிரந்தர பிற்படுத்தப்பட்டோர் ஆணையத்துடன் கலந்து பேசி, கல்வித்துறை மூலம் விடுமுறையை நீட்டித்து உத்தரவிட்டுள்ளது. இன்று முதல் அக்டோபர் 18 வரை அரசு மற்றும் அரசு உதவி பெறும் பள்ளிகளுக்கு விடுமுறை தொடரும்.

Image Credit : our own

இரண்டாம் ஆண்டு பியுசி தேர்வுப் பணி

கணக்கெடுப்பு நடைபெறுவதால் விடுமுறை நீட்டிக்கப்பட்டுள்ளது. இருப்பினும், தற்போது இரண்டாம் ஆண்டு பியுசி இடைப்பருவத் தேர்வுகளில் ஈடுபட்டுள்ள ஆசிரியர்களுக்குக் கணக்கெடுப்புப் பணியிலிருந்து விலக்கு அளிக்கப்பட்டுள்ளது. இந்த ஆசிரியர்கள் தேர்வுப் பணிகளைத் தொடர்வார்கள். மற்ற ஆசிரியர்கள் விடுமுறை காலத்திலும் கணக்கெடுப்புப் பணியைச் செம்மையாக முடிக்கும் பொறுப்பைக் கொண்டுள்ளனர். இந்த முடிவால் கணக்கெடுப்புப் பணி வேகமெடுக்கும் என எதிர்பார்க்கப்படுகிறது.