காய்ச்சலை விரைந்து குணமாக்கும் வீட்டுக் குறிப்புகள் சில..!!

காய்ச்சல் ஏதேனும் பாக்டீரியா, வைரஸ் அல்லது ஒட்டுண்ணி தொற்று காரணமாக ஏற்படுகிறது. அதாவது உடல் வெப்பநிலை 37.5, 38.3 செல்சியஸைக் (99.5, 100.9 °F) கடக்கும் போது, அது காய்ச்சல் என்று கூறப்படுகிறது. உடல் வெப்பநிலை அதிகரிப்பதால் தசை வலி மற்றும் குளிர் போன்ற பிரச்சனைகள் ஏற்படும். இருப்பினும், சில வீட்டு வைத்தியங்கள் காய்ச்சலுடன் வரும் அசௌகரியம் மற்றும் வீக்கத்தைக் குறைப்பதில் பயனுள்ளதாக இருக்கும். ஆனால் மூன்று வயதுக்குட்பட்ட குழந்தைகள் அல்லது சில மருத்துவ நிலைமைகள் உள்ளவர்கள் இந்த உதவிக்குறிப்புகளைப் பின்பற்றுவதற்கு முன்பு மருத்துவரை அணுக வேண்டும். பராசிட்டமால் மற்றும் இப்யூபுரூஃபன் காய்ச்சலைக் குறைக்கும். இருப்பினும், பல்வேறு எளிய வீட்டு வைத்தியங்கள் மூலம் காய்ச்சலைக் குறைக்கலாம். அதுகுறித்து விரிவாக தெரிந்துகொள்வோம்.
 

துளசி

ஒவ்வொரு வீடுகளிலும் துளிசி செடி அவசியம் இருக்க வேண்டும். அதன் பாக்டீரியா எதிர்ப்பு பண்புகள் உடல் வெப்பநிலையை திறம்பட குறைக்கிறது. காய்ச்சலைக் குறைக்க, துளிசியை வைத்து டீ போட்டு குடிக்கலாம். ஒரு நாளைக்கு இரண்டு அல்லது மூன்று முறை டீ குடித்தால், விரைவாகவே காய்ச்சல் குணமாகிவிடும். 
 

பூண்டு

இதில் பல ஆரோக்கிய நன்மைகள் உள்ளன. இதில் உள்ள ஆன்டி-பாக்டீரியல் மற்றும் ஆன்டி-வைரல் பண்புகள் காய்ச்சலின் போது உடல் வெப்பநிலையை குறைக்க உதவுகிறது. மேலும் இது உங்களை அதிகமாக வியர்க்கச் செய்கிறது. அதன்மூலம் விரைவாக உடலில் இருக்கும் நச்சுகள் வெளியேறிவிடும். இதையடுத்து எதிர்பார்க்கப்பட்டதுக்கு முன்பாகவே காய்ச்சல் சீக்கரம் குணமாகிவிடும்.

ஆப்பிள் சிடார் வினிகர்

காய்ச்சலுக்கான மற்றொரு சிறந்த இயற்கை சிகிச்சை ஆப்பிள் சைடர் வினிகர் ஆகும். இது எடையை குறைக்க உதவுவது மட்டுமல்லாமல் காய்ச்சலையும் குறைக்கிறது. அதேபோன்று இஞ்சி பல ஆரோக்கிய நன்மைகளைக் கொண்ட ஒரு அற்புதமான மசாலா. இதில் ஆன்டி-பாக்டீரியல் மற்றும் ஆன்டிவைரல் பண்புகள் அதிகம் உள்ளது. இவை காய்ச்சலை விரைந்து குணமாக்கும்.

சந்தன பேஸ்ட்

சந்தனம் அதன் இனிமையான மற்றும் குணப்படுத்தும் பண்புகளுக்கு பெயர் பெற்றது. மேலும் உடல் வெப்பநிலையைக் குறைத்து வீக்கத்தைக் குறைக்கிறது. இதைப் பயன்படுத்தினால் காய்ச்சலில் இருந்து விரைவில் விடுபடலாம்.